الحلقة الخامسة

7.3K 156 6

الحلقة الخامسة

جزء من حلقة سابقة :
(. ردت يارا وفتحت الـ speaker عشان تثبتله ان مفيش اى حاجه تخاف منها .)
المتصل : وحشتينى بقى
يارا : مين !!
المتصل : ...................

*_____________________________________________**___________________________*
المتصل : اخص عليكي يا يويا معرفتيش صوتى
يارا : سورى مش واخده بالى
المتصل : انا وليد يا بنتى (صديق يارا)
يارا : اه وليد whats up (اخبارك ايه)
وليد : تمام الحمد لله وحشتينى يا بنتى جداً فينك
يارا : موجودة
وليد : شكلك مشغولة هكلمك وقت تانى
يارا : اوكى باى
عمرو : مين الكابتن
يارا : ده واحد معرفة بس احنا بقالنا كتير اوى متكلمناش وحتى من قبل ما نرتبط ماقبلتش صحابى اه والله
عمرو : اولاً متحلفيش لانى مبكدبكيش ، ثانياً لو عايزة فعلاً تقطعى علاقتك باى حاجه فاتت الا انا يبقى الرقم ده يتغير ومش هقولك غيريه لو انتِ عايزة ماشى مش عايزة براحتك
يارا : حاضر هغيره بس بليز متزعلش
عمرو بـ ابتسامة : لا مش زعلان خالص
عمرو لنفسه : انا نفسى اقوم اولع فيكى وفى اى ولد تعرفيه بس لازم امسك اعصابى
يارا : مش يالا بقى عشان انا كده اتأخرت
عمرو : طيب يالا
يارا : مالك يا عمرو
عمرو : مفيش يالا عشان متتأخريش
___*___*___*___
فى عربية عمرو :
موبايل يارا رن :
يارا : الو اذيك يا بابا
اشرف : انا تمام يا حبيبتى وانتِ
يارا : بخير الحمد لله
اشرف : بُصى يا يارا انا حولتلك فلوس على حسابك النهاردة الصبح وصلت
يارا : اه يا بابا وصلت
اشرف : طيب يا حبيبتى ابقى طمنينى عليكى خدى بالك على نفسك
يارا : حاضر يا بابا
اشرف : سلام
يارا باستياء : سلام
عمرو : فى حاجه ؟
يارا : لا بابا كان محولى فلوس وبيتأكد وصلت ولا لا
عمرو : هما ازاى سايبينك كده
يارا : يا عمرو هى الظروف كده
عمرو : يعنى انتِ بقالك سنتين مشوفتيش باباكى ومامتك واخواتك
يارا : مش سنتين بالظبط
عمرو : سنة ونص يعنى
يارا : هو فى ايه
عمرو : مفيش ، هو انتِ هتكلمى باباكى امتى
يارا : soon (قريب)
(. وصل عمرو يارا بيتها وبعدها روح هو .)
*_____________________________________________**___________________________*
فى بيت يارا :
ريم : اخيراً يا بنتى انا مستنياكى من زمان
يارا : سورى يا ريم كنت مع اصحابى
ريم : ولا يهمك انا اصلاً جاية عشان هبات معاكى
يارا : بجد
ريم : ابوة بجد وبعدين مش النهاردة بس انا معاكى لاخر الاسبوع
يارا : very nice (جميل جداً) ، جدتك نامت
ريم : من بدرى
يارا : طب تعالى ندخل جوه عايزة احكيلك على حاجه مهمة
(. بعد ما دخلوا .)
ريم : خير
يارا : عمرو عايز يتقدملى
ريم : بجد دى حاجه كويسة اوى هيتقدم امتى
يارا : next summer (الصيف الجاى)
ريم : وعمو هينزل امتى
يارا : انا اصلاً مكلمتوش لسه
ريم : ليه ؟
يارا : مش عايزة
ريم : مش عايزة ايه بالظبط ؟ مش عايزة تكلمى باباكى ولا مش عايزة تجوزى عمرو
يارا : مش عايزة اتجوز عمرو
ريم مصدومة : نعم !! انتِ بتقولى ايه
يارا : مش عايزة اتجوز عمرو
ريم : يعنى مش بتحبيه
يارا : بحبه طبعاً
ريم : انا مش فاهمة حاجه ، ازاى بتحبيه ومش عايزة تجوزيه
يارا : خايفة يا ريم من فكرة الجواز عموماً ، مسئولية والتزام انا مش قدهم
ريم : امال كنتى بتحبى عمرو وتعلقيه بيكى على اساس ايه
يارا : على اساس انى فعلاً محتاجة عمرو فى حياتى ، محتاجه احس خوف حد عليا واهتمامه بيا ، عايزة حد يقولى بتعملى ايه رايحة فين جاية منين بتكلمى مين لابسة ايه ده ينفع وده مينفعش
ريم : ولاقيتى ده مع عمرو
يارا : yes
ريم : طب ما ده سبب يخليكى تجوزيه
يارا : look , i'm sure that i love him (بصى انا متأكده انى بحبه) بس .......
ريم : بس ايه
يارا : بس الحب حاجه والجواز حاجه ، يعنى انا بحب عمرو اوكى ، لقيت معاه حاجات محتاجاها بس خايفة مع الوقت امل من الحاجات دى ، وارد جداً عمرو يخنقنى بتحكمه وانتِ عارفة انا عُمر ما حد اتحكم فيا
(. ريم متنحة من كلام يارا ومش قادرة تستوعبه .)
ريم : انتِ مقتنعه بالكلام ده
يارا : sure
ريم : بصى يا يارا ، انتِ مبتحبيش عمرو ، انتِ بتحبى تصرفات عمرو ولما ارتبطتى بيه مكونتيش متوقعة انه هيتقدملك او على الاقل مكونتيش متوقعة انه هيتقدملك بالسرعة دى ولما لقيتى الموضوع داخل فى الجد تراجعتى وبدأتى تفكرى واكيد قولتى لنفسك انا ايه اللى يجبرنى اخنق نفسى بنفسى ، جواز يعنى مسئوليه يعنى تصرفات وافعال مش هعرف اعملها تانى
يارا : فى جزء من كلامك صح بس انا بحب عمرو و ............
ريم تقاطعها : قبل ما تقوليلى حاجه اسألى نفسك الاول بتحبى عمرو ولا تصرفات عمرو لان الفرق بينهم كبير اوى يا يارا
يارا : اوكى
ريم : انا هقوم اعملى حاجه اشربها ، تشربى معايا
يارا : اوكى
(. قامت ريم ومشيت كام خطوة ورجعت تانى .)
ريم : على فكرة عمرو ميستاهلش انك تغدرى بيه لانه من الشباب الكويسة اللى بقت نادرة فى مُجتمعنا(.وخرجت.)
يارا لنفسها : سؤال منطقى جداً ، انا فعلاً بحب عمرو ولا بحب تصرفاته معايا ، لا انا واثقة انى بحب عمرو ، امال مش عايزة اتجوزه ليه ؟ انا بس خايفة من مسئولية الجواز خايفة مكونش قدها خايفة ...... ، قولى الحقيقة لنفسك لـ يارا ، انتِ يمكن بتحبى عمرو بس انتِ خايفة الحياة اللى انتِ عيشاها تروح منك ، خايفة الحرية اللى انتِ فيها متبقاش موجودة ، هو ده اللى انتِ خايفة منه
*_____________________________________________**___________________________*
فى شقة عمرو :
(. عمرو وصل وركن عربيته وكلم يارا وهو طالع يطمنها عليه .)
عمرو : ايوة يا حبيبتى انا وصلت
يارا : حمد الله على سلامتك يا حبيبى
عمرو : بتعملى ايه كده
يارا : ريم بنت عمى عندى هنا وقاعدين سوا
عمرو : طيب هتمشى امتى
يارا : دى هتقعد معايا لاخر الاسبوع
عمرو : طب كويس عشان متبقيش لوحدك بس اوعى تحرمك منى
يارا : ههههه لا متخفش
عمرو : ممكن اسألك سؤال
يارا : sure
عمرو : استنى اخد نفسى لاحسن الاسانسير عطلان
يارا : انت ساكن فى الكام
عمرو : الخامس
يارا : oops وطالع الخامس كده
عمرو : ايون ، اسمعى السؤال بقى
يارا : هااا
عمرو : انتِ بتصلى
يارا : what (ايه)
عمرو : هو ايه اللى what بتصلى ؟ مُنتظمة فى صلاتك ولا لا
يارا : sometimes (احياناً)
عمرو : هو ايه ده اللى sometimes ، يعنى احياناً بتنتظمى واحياناً لا ولا احيانا بتصلى اساساً
يارا :احياناً بصلى
عمرو : نعم !!!! طيب انا دخلت الشقة اهو هغير هدومى واكلمك
مروان : حمد الله على السلامة يا برنس
عمرو : الله يسلمك
مروان بخُبث : كنت فين كده
عمرو : هكون فين يعنى ، كنت مع يارا
مروان : ده الموضوع شكله بجد بقى
عمرو : ايوة يا بنى بجد انا كلمت ابويا وامى عشان اخطبها على الصيف ان شاء الله
مروان : انت بتحبها بجد
عمرو : امال هتجوزها ليه
مروان : جايز تكون شايفها زوجة مناسبة مش اكتر
عمرو : على فكرة يارا فرفورة وفافى جداً يعنى كـ زوجة هتتعبنى جداً بس انا فعلاً بحبها بجد
مروان : ربنا يكملك على خير يا معلم
عمرو : عقبالك
مروان : يارب ، بقولك صحيح انا خلاص همشى بكرة
عمرو : ليه كده مانت قاعد معايا
مروان : لا انا خلاص لقيت شقة ايجارها كويس
عمرو : يا عم ايجار ليه مانت هنا مبتدفعش ولا مليم ولا حتى انا ((الشقة ملك عمرو))
مروان : لا كفايه كده اوى انا من يوم ما جيت وانا حاجر عليك حتى اهلك لما بينزلوا القاهرة مبيجوش هنا بسببى
عمرو : يا عم عادى
مروان : سبنى على راحتى ، اه صحيح هو انت هتجوز هنا ولا فى اسكندرية
عمرو : انا ابويا جايبلى شقة فى اسكندرية على اساس انى اتجوز فيها بس بما ان يارا قاهرية يبقى هنقعد هنا
مروان : تمام ربنا معاك
عمرو : عن اذنك هدخل اغير هدومى واريح شوية
مروان : اوووووكى
(. دخل عمرو غير هدومه وكلم يارا .)
عمرو : ايوة يا بتاعة الـ sometimes
يارا : انت بتتريق
عمرو : الصراحة انا مصدوم
يارا : مصدوم ليه
عمرو : من غير تفاصيل يا حبيبتى انتِ لازم تنتظمى فى الصلاة
يارا : ok i'll try (ماشى هحاول)
عمرو : لا مفيش حاجه اسمها i'll try فى حاجه اسمها انا هقوم دلوقتى اصلى المغرب قضاء والعشا كمان
يارا : now ? (دلوقتى)
عمرو : لا يا حبيبتى بعد بكرة ، يالا يا بت قومى صلى ، الصلاة دى اساس كل حاجه لو انتظمتى فيها حياتك كلها هتنتظم
يارا : حاضر ، هقوم اصلى
(. وقامت يارا صلت واتصلت بـ عمرو .)
عمرو : حرماً
يارا : thanks
عمرو : يخربيتك هو ايه ده اللى thanks
يارا : مانا مش فاهمه انت بتقول ايه
عمرو : حرماً يعنى يارب تصلى فى الحرم عرفاه
يارا : yes
عمرو : انت بقى تردى عليا تقولى جمعاً ، يعنى نصلى فى الحرم انا وانت جماعة
يارا : ok i got it (اوكى فمهت)
عمرو : يالا قومى بقى اقعدى مع بنت عمك وانا هنام واشوفك بكرة فى الجامعة
يارا : ok . Good night (اوكى ليلة سعيدة)
عمرو : تصبحى على خير يا حبيبتى . مع السلامة (وقفلوا)
*_____________________________________________**___________________________*
تانى يوم الصبح فى الجامعة :
(. يارا حضرت سيكشن عمرو وكالعادة تبادلوا النظرات وبعدها راحت تستنى فى الكافتريا لحد ما السيكشن اللى بعده يبدأ .)
حمزة : صباح الخير يا احلى يارا
يارا : صباح النور
حمزة : ممكن اتكلم معاكى شوية
يارا : no
حمزة : ايه الالش ده
يارا : الش ؟
حمزة : ايوة بتأليشنى
يارا : O.o
حمزة : انتِ بتبصيلى كده ليه
يارا : انت عايز ايه
حمزة (شد الكرسى وقعد) : مُعجب واوى جداً كمان
يارا : انت مجنون
حمزة : امممم بيقولوا بجد يا يارا انا نفسى اوى اتعرف عليكى مش يمكن تُعجبى بيا وتحبينى كمان
يارا : i'm in a relationship (انا مرتبطة)
حمزة : بتكدبى انا سألت ومُتأكد انك مش مرتبطة
يارا : عن اذنك
حمزة : يا بنتى استنى بس (ومسكها من دراعها)
يارا : انت مجنون يا بنى ما قولتلك مرتبطة يبقى تخلى عندك كرامة ومتتكلمش معايا
حمزة : ليه الوش ده معايا بس ، انا مش عبيط ولا مُتخلف عشان اروح اعرض على واحده الارتباط وهى مرتبطة انا لما جيت وقولتلك عايز ارتبط بيكي كنت متأكد انك مش مرتبطة
يارا : انت عايز تقنعنى انك فى تلت ايام عرفت كل ده عنى
حمزة : اديكى شوفتى جبت رقمك بسرعة ازاى
يارا : ابعد عن طريقى يا حمزة احسنلك انا مش سهلة زى مانت فاكر (ومشيت وسابته)
(. جت لى لى بعدها على طول .)
لى لى : هاا ايه الاخبار
حمزة : البت دى مش سهلة زى مانتِ صورتيلى
لى لى : مش مهم يا حمزة ترتبط بيها ، المهم ان عمرو يشوفك كذا مرة واقف معاها ده هيبدأ يشككه فيها
حمزة : هو شافنا النهاردة
لى لى : ايوة شافكوا وانتوا واقفين مع بعض
حمزة : طيب بما انى هطيرهالك من طريق عمرو يبقى مفيش مانع لو انا ارتبطت بيها
لى لى : اعمل اللى انت عاوزه اهم حاجه عمرو يكرهها
حمزة : انت تأمر يا جميل
ندى : هاى يا حمزة
حمزة : هاى يا ندى
ندى : لو سمحتى يا لى لى عيزاكى
لى لى : اوكى ، عن اذنك يا حمزة
ندى : انتِ برضه لسه ناوية تأذى يارا
لى لى : لا طبعاً مش هأذيها انا بس هخلى عمرو يشك فيها عشان يبعد عنها
ندى : فكرك لو عمرو بيحبها وشك فيها وسابوا بعض هيحبك انتِ
لى لى : وميحبنيش ليه
ندى : لانه بيساطة بيحب واحدة تانية
لى لى : يا بنتى يحب ايه بس اكيد بيتسلى بيها
ندى : بيحبها او بيتسلى هتستفادى ايه لما تُزقى عليها واحد زى حمزة ده ، انت كده ممكن تسيئى لسمعتها
لى لى : الموضوع خرج من ايدى خلاص كده كده حمزة حطها فى دماغه وانتِ عارفة حمزة لما يحط حاجه فى دماغه
ندى : فوقى يا لى لى من االلى انتِ بتعمليه ده مش هتستفادى حاجة بل بالعكس انتِ ممكن تقلبى الترابيزة على نفسك
لى لى : فكك منى
ندى : براحتك (ومشيت وسابتها)

*_____________________________________________**___________________________*
(. راحت يارا تستنى عمرو قدام المعمل اللى بيدى فيه السيكشن ، بس عمرو خرج وبص لـ يارا من غير ما يتكلم ومشى وسابها ، راحت يارا وراه .)
يارا : يا دكتور عمرو . دكتور عمرو
(. يارا لحقته ومسكته من ايده .)
عمرو : عايزة ايه
يارا : فى ايه خرجت ولا كأنك شوفتنى وكمان بنادى عليك مبتردش
عمرو : انتِ عايزة ايه منى
يارا : فى ايه يا عمرو بتكلمنى كده ليه
عمرو : المفروض اكلمك ازاى ان شاء الله
يارا : ما تفهمنى طيب ايه حصل منى
عمرو : انتِ مبتحسيش بنفسك ولا بتصرفاتك يا يارا ، مش عارفة بتعملى ايه
يارا : فهمنى من غير تريقة
عمرو : انتِ مش كنتى واقفة تحت مع واحد وكمان كان ماسك ايدك
يارا : first (اولاً)هو ممسكش ايدى هو شدنى من ايدى عشان يوقفنى اتكلم معاه by force (بالعافيه ) ، second (ثانياً) الولد ده بيضايقنى كل شوية لو شافنى فى الجامعه بيجي يتكلم معايا حتى لو مش عايزة ده غير انه بيتصل كمان
عمرو : ومقولتليش ليه
يارا : والله ما جت فرصة مش قصدى اخبى عليك يعنى
عمرو : رقمك ده يتغير فاهمه ، ولازم تتكلمى مع ابوكى عشان اخطبك ، لما تبقى دبلتى فى ايدك هعرف ادافع عنك لو حتى ضايقك
يارا : حاضر
عمرو : تكلميه النهاردة
يارا : حاضر هكلمه
عمرو : صليتى الصبح ولا لا
يارا : اه
عمرو : قولى الحمد لله
يارا : الحمد لله
عمرو : روحى يالا السيكشن بتاعك ونتقابل بعده
يارا : مش زعلان ؟
عمرو : لا طبعاً زعلان ، لو عايزة تصالحينى كلمى ابوكى النهاردة
يارا : بحبك اوى (. ومشيت .)
*_____________________________________________**___________________________*
فى اخر اليوم الدراسى ....
عمرو : انا عازمك على الغدا
يارا : اممم هفكر
عمرو : طيب اوكى يالا بينا
يارا : هههههه طب وعربيتى
عمرو : هنتغدى واجيبك عندها
يارا : بس ده تعب عليك
عمرو : تعبك راحة
(. ركبت يارا مع عمرو عربيته .)
يارا : ايه ده احنا رايحين فين
عمرو : شقتى
يارا : شقتك !!! ليه
عمرو : مفيش هغير هدومى بس
يارا : امممممم
عمرو : متخافيش انتِ هتستنينى فى العربية
يارا : اوكى
(. نزل عمرو وساب يارا فى العربية ، يارا وهى قاعده فى العربية لقيت بلال واقف مع صحابه وخافت ليشوفها فقررت تنزل من العربية ، واتصلت بعمرو .)
يارا : ايوة يا عمرو انا فى مدخل العمارة
عمرو : ليه ايه اللى حصل
يارا : بلال ابن عمى هنا وخوفت يشوفنى
عمرو : طيب وايه المشكلة
يارا : بلال بتاع كلام كتير وحورات وممكن يتكلم عليا
عمرو : طب ما هو ممكن يكون جاى يزور حد فى العمارة دى
يارا : طب اعمل ايه
عمرو : اطلعى هنا ، انا فى الخامس شقة ٤٤
يارا : اطلع عندك
عمرو : اطلعى يا حبيبتى متخافيش
(. طلعت يارا وضربت الجرس وفتح لها عمرو .)
عمرو : منورة
يارا : thanks
عمرو : البيت بيتك هدخل اكمل لبس
يارا : please ممكن اى حاجه اشربها لانى عطشت من السلم
عمرو : اوكى يا حبيبتى
(. جاب عمرو لـ يارا زجاجة مياة وكان بيبسى .)
عمرو : كل حاجه متبرشمة اهى عشان متقوليش انى هحطلك مخدر
يارا : thanks ، عايزة بلكونة بتبص على الشارع عشان اشوف بلال مشى ولا لا
عمرو : البلكونة اللى فى الوش دى
(. راحت يارا بصت على بلال لقيته لسه تحت ، فدخلت تانى وقعدت على كنبة الانتريه ، عمرو جه قعد جنبها و .................. .)

رجل ولكناقرأ هذه القصة مجاناً!