الحلقة الرابعة

8.1K 172 1

الحلقة الرابعة :

جزء من حلقة سابقة ..
(. وهما بيتكلموا جه حد عليهم .)
الصوت : سلام عليكم
عمرو : وعليكم السلام
الصوت : ممكن كلمة يا يارا
عمرو : مين حضرتك ؟
الصوت : ................
*_____________________________________________**___________________________*
الصوت : حضرتك اللى مين ؟
يارا : هاى يا بلال(ابن عم يارا-٢٥ سنة-اخو ريم) ، ده دكتور عمرو معيد عندى فى الكلية
بلال : معيد !!
يارا : ده بلال ابن عمى
عمرو : اهلاً وسهلاً ، عن اذنكم عشان عندى سيكشن
يارا : ايه اللى انت عملته ده انت احرجتنى
بلال : وايه المنظر اللى انا شوفته ده انتوا كان شكلكوا حبيبة اخر حاجه
يارا : انت مالك انا حرة
بلال : لا طبعاً مالى مش بنت عمى
يارا : بلال please , it's not your business (ملكش دعوة)
بلال : نعم !!
يارا : اللى سمعته you are my cousin only (انت ابن عمى وبس) ومش من حقك تدخل فى حياتى او تحاسبنى
بلال : طالما بباكى مش موجود يبقى اتدخل
يارا : oh my god (يا ربى) عن اذنك بلال (ومشيت وسابته)
___*___*___
يارا لنفسها : الله يسامحك يا بابا ، خليت كل واحد مش لاقى حاجه يعملها يعمل واصى عليا
(. فضلت يارا مستنية عمرو لحد ما خلص السيكشن واول ما خرج كان شكله انه مضايق .)
عمرو : انتِ مروحتيش ليه
يارا : خوفت تكون زعلت ومكنش ينفع امشى واسيبك وانت زعلان
(. عمرو كان مضايق جداً من موقف بلال وكان غيران بس لما يارا قالتله كده ببراءة الاطفال غصب عنه ابتسملها.)
يارا : طالما ابتسمت تبقى مش زعلان
عمرو : لا انا كنت زعلان بس غصب عنى ابتسمت لانى حسيت قد ايه انا فارق معاكى
يارا : ممكن اطلب منك طلب
عمرو : طبعاً
يارا : ممكن نقضى اليوم سوا النهاردة
عمرو : بمعنى ؟؟
يارا : يعنى الساعة لسه ١١ الصبح ، احنا ممكن نقضى الوقت مع بعض لحد ٤ العصر وبعد كده تسافر
عمرو : وهنعمل ايه فى الوقت ده
يارا : مش عارفة بس انا نفسى نقضى اليوم سوا
عمرو : خروج الصبح ده مبيبقاش حلو يعنى هندخل سينما ، انا مبحبش حفلات النهار بصى يا حبيبتى انا عندى اقتراح تانى
يارا : what is it ? (ايه هو )
عمرو : انا هسافر اسكندرية وانتِ تروحى تنامى شوية وتقضى النهاردة وبكرة مذاكرة بجد ، والسبت بدل ما اجى من اسكندرية بالليل هاجى على اخر النهار المغرب كده ونخرج بقى نقضى اليوم كله بره ، موافقة ؟
يارا : sure (اكيد)
عمرو : بحبك يا حتة مارونج لاسيه
يارا : هههههه وانا بموت فيك
عمرو : يالا بقى عشان ترتاحى وتذاكرى كويس
يارا : حاااضر انا هروح دلوقتى ، هتوحشنى اوى يا بيبى
عمرو : بلاش بيبى دى بتحسسنى انى فرفور ، قولى حبيبى كده ؟
يارا : حبيبى
عمرو : ايوووة بقى ، كده احسن كلها feelings (مشاعر)
(. خرج يارا وعمرو لـ الجراچ وودعوا بعض وروحوا .)
*_____________________________________________**___________________________*
فى الاسـكـنـدريــة .....
فى بيت اهل عمرو ...
جلال (ابو عمرو ، ٥٧ سنة) : هو عمرو لسه نايم
كريمة ( ام عمرو ، ٥٥ سنة) : اه بيقول كان عنده حاجات كتير فى الكلية ومرهق جداً
جلال : ربنا معاه
كريمة : انت لازم تتكلم معاه فى الموضوع اياه
عمرو : موضوع ايه يا ماما
كريمة : انت صحيت يا حبيبى
عمرو : اه
كريمة : طب تعالى اقعد مع ابوك لحد ما اعملك النسكافيه بتاعك
عمرو : خير يا بابا موضوع ايه
جلال : انت مش يدوب يا ابنى تخطب بقى
عمرو : اخطب
جلال : ايوة يدوب مش كفاية عمر اللى هاجر واتجوز هناك ومفرحناش بيه
عمرو : ماشى يا بابا انا معنديش مانع
جلال : عندك عروسة ولا اختارلك انا
عمرو : لا عندى بس فيه مشكله صغيرة
جلال : خير
عمرو : البنت اللى انا عايز اخطبها باباها مسافر بره مصر ومش هيرجع قبل شهرين على الاجازة يعنى
جلال : مش مشكلة مجتش على الشهرين دول بس شهرين يا عمرو مش اكتر
عمرو : ان شاء الله يا بابا
جلال : طب احكيلى ابوها بيشتغل ايه وهى خريجة ايه
عمرو : ابوها مهندس بترول فى الامارات وامها مُدرسة وعندها اخين اصغر منها وهى طالبة عندى فى سنة تالتة عندها ٢١ سنة
جلال : الله الله ، ده انت عارف عنها كل حاجه
عمرو : احم احم مش تلميذتى يا حاج
جلال : على خيرة الله المهم انت واثق فيها
عمرو : جداً
جلال : يعنى البنت مُناسبة لينا
عمرو : هى مُناسبة ليا لكن ليكوا ليه انتوا هتتجوزوها معايا
جلال : ماشى يا خفيف
كريمة : يعنى ازغرط
عمرو : انتِ كنتى بتجسسى علينا يا ماما
كريمة : لا ده انا سمعتكوا بالصدفة
عمرو : هههههه ماشى تسلم ايدك (وخد منها النسكافيه ودخل اوضته)
(. اتصل عمرو بـ يارا .)
عمرو : وحشتينى
يارا : وانت كمان
عمرو : شكلك كنتى نايمه
يارا : اه صحيت على اتصالك
عمرو : انا كمان لسه صاحى من شوية
يارا : اخبار your family (عيلتك) ايه
عمرو : كلهم بخير الحمد لله ، عندك جديد
يارا : لا انا نايمة من ساعة ما وصلت
عمرو : يااااه كل ده
يارا : انا محستش بالوقت
عمرو : طب فوقى كده عندى ليكي خبر حلو
يارا : ايوة بقى قول
عمرو : هخطبك
يارا مصدومة : نعم !!
عمرو : هخطبك ، كلمت امى وابويا عنك واتفقنا اننا فى الصيف ده هنجى نخطبك
يارا(بتحاول تصتنع الفرحة) : ايه !! بجد يا عمرو هنتخطب
عمرو : ان شاء الله ، انتِ كمان اتكلمى مع ابوكى او امك عشان يعملوا حسابهم وينزلوا فى الصيف
يارا : عمرو معلش نينة بتنادى عليا هشوفها وهكلمك تانى
(. قفلت يارا مع عمرو وهى بتحاول تستجمع قواها .)
يارا لنفسها : يخطبنى !!! يعنى خطوبة وجواز !!!!
*_____________________________________________**___________________________*
تانى يوم العصر فى احدى النوادى الاجتماعية :
حمزة : على فكرة انا جبت رقم يارا
لى لى : والله كنت لسه هقولك انى هجبهولك
حمزة : لسه هتجبيه ، يا بنتى انا جبته من امبارح
لى لى :جبته ازاى بالسرعة دى
حمزة : انا ليا معارفى
لى لى : طيب كويس ايه الخطوة الجاية
حمزة : هتعرفى كل حاجه فى وقتها
لى لى : امممم لما نشوف ، شكلك هتبوظ الدنيا
حمزة : طالما دخلت دماغى يبقى كل حاجه هتبقى منظمة ودقيقة
(. بعد شوية اتصل حمزة بـ يارا .)
حمزة : هاى
يارا : هاى
حمزة : يارا معايا
يارا : yes
حمزة : عاملة ايه
يارا : تمام ، مين حضرتك
حمزة : مش عارفة صوتى
يارا : سورى مش واخدة بالى
حمزة : انا اللى قولتيلى امبارح اخد رقمك من صاحبتك
يارا : حازم !!
حمزة : لا انا حمزة مش حازم
يارا : whatever (اياً كان) جبت رقمى من مين
حمزة : الله مش قولتى خدوه من لى لى
يارا : بس لى لى مش معاها رقمى
حمزة : يعنى كنتى بتشتغلينى
يارا : انت عايز ايه
حمزة : قولتلك عايز اتعرف عليكى
يارا : سورى مبتعرفش
حمزة : طب جربى مش هتخسرى حاجه
يارا : please يا حمزة متتصلش بيا تانى
حمزة : بذمتك حد يسمع الصوت ده وميتصلش تانى
يارا : shit (تباً) ، (وقفلت الخط)
حمزة لنفسه : shit !! البت دى بجد كده ولا عايشة الدور !!
لى لى : كلمتها ؟
حمزة : ها ، لا ده واحد صاحبى
لى لى : اوكى
*_____________________________________________**___________________________*
فى بيت اهل عمرو :
كريمة : يعنى اشمعنى البنت دى
عمرو : بحبها يا ماما
كريمة : ايوة يا بنى بس احنا منعرفش عنها حاجه ولا عن اهلها
عمرو : يا ماما متخافيش يارا انسانه كويسة وحتى لو ليها هفوات زى اى حد سهل تتصلح
كريمة : هفوات زى ايه
عمرو : لما نروح نخطبها هبقى اقولك
كريمة : يا بنى ما تفهمنى
عمرو : يا ماما لسه حوالى شهرين اكيد فى الشهرين دول حاجات كتير اوى هتتغير بس اللى انا واثق منه انك هتحبيها اول ما تشوفيها
كريمة : ربنا يسعدك يا بنى ويكملك على خير
(. موبايل عمرو رن وكانت يارا .)
عمرو : يارب يا ماما ، عن اذنك ارد على الموبايل
(. رد عمرو على يارا .)
عمرو : وحشتينى
يارا : انت كمان وحشتنى اوى
عمرو : بت انا مكنتش اعرف انى بحبك كده
يارا : ليه بتقول كده
عمرو : من ساعة ما جيت هنا وانا مش مبطل كلام عنك سواء مع امى او مع نفسى ده غير انك اصلاً ٢٤ ساعة فى بالى اول مرة اجى اسكندرية وابقى ملهوف انى ارجع القاهرة تانى
يارا : تجى بالسلامة ان شاء الله
عمرو : على اتفاقنا بكرة ولا وراكى حاجه
يارا : لا مورايش حاجه
عمرو : تمام اوى ، باباكى كلمك
يارا : yes امبارح
عمرو : قولتى له حاجه
يارا : no لسه
عمرو : يارا يا حبيبتى يادوب تكلميه عشان يعمل حسابه ويجى
يارا : حاضر
عمرو : ولا اقولك اتكلمى مع مامتك الامهات فى الحاجات دى غير الابهات ولو قدرتى تقنعيها هتقنعه
يارا : ماما !!
عمرو : ايوة ، المفروض ان العلاقة بين اى ام وبنتها بتكون غير علاقة الاب
يارا : حاضر يا عمرو اول ما تجى فرصه هقولهم
عمرو : ضرورى يا حبيبتى عشان نتجوز بقى
يارا : اوكى حاضر
عمرو : طبعاً انتِ معندكيش حاجه بكرة
يارا : لا بس احتمال اروح لـ ريم بنت عمى
عمرو : هو بلال ده ابن عمك فعلاً
يارا : yes ، هو اصلاً اخو ريم
عمرو : يبقى متروحيش هناك
يارا : ليه
عمرو : الواد ده ضايقنى ونظراته كلها كانت غيرة عليكى
يارا : it's normal (عادى) انا زى اخته
عمرو : نظراته كانت بتقول غير كده وبعدين انتِ عايشة مع جدتك وانتوا لوحدكوا يبقى الاولى ان الناس تجى تزوركوا مش العكس
يارا : بحبك اوى يا عمرو
عمرو : وانا بمووت فيكى ، يالا قومى ذاكرى وانا كمان هذاكر شوية
يارا : فى الـ master (رسالة الماجستير)
عمرو : اه
يارا : اوكى حبيبى . باى (وقفلوا الخط)
*_____________________________________________**___________________________*
تـانى يــوم :
(. عمرو اتصل بـ يارا .)
عمرو : حبيبتى اجهزى يالا هعدى عليكى
يارا : هنخرج بعربيتك
عمرو : اكيد
يارا : ادامك قد ايه
عمرو : حوالى نص ساعة
يارا : اوكى هكون جهزت
عمرو : البسى حاجه مقفولة ، ممكن ؟
يارا : حاضر ، انت لابس ايه
عمرو : اشمعنى
يارا : قول بس
عمرو : بنطلون جينز ازرق وتى شيرت بيج فاتح وجاكيت بنى
يارا : اوكى يالا باى بقى عشان اجهز
(. بعد شوية وصل عمرو واستنى يارا على اول الشارع .)
يارا : تيتة انا نازلة
عائشة : هتتأخرى
يارا : مش عارفة بس احتمال كبير اتأخر
عائشة : طب سوقى على مهلك
يارا : متخافيش انا خارجه مع اصحابى بعربيتهم انا مش هسوق
عائشة : ماشى يا حبيبتى ربنا يسهل طريقك (. ونزلت يارا .)
____*___*____
عمرو : ايه الطقم الشيك ده
يارا : وحشتنى اوى
عمرو : وانتِ كمان
يارا : ها ايه رأيك لبست نفس الـ colors اللى قولتلى عليها
عمرو : شيك اوى
يارا : بحبك
عمرو : بموووت فيكى ، بقولك ايه احنا نروح نتغدى الاول عشان هموت من الجوع
يارا : انا معاك مكان ما تروح (. وراحوا على مطعم .)
*_____________________________________________**___________________________*
فى بيت ريــم :
بلال : هى يارا مرتبطة
ريم : لا
بلال : اصل انا شوفتها فى جامعتها واقفة مع واحد بتقول المعيد بتاعها
ريم : طب وايه المشكلة
بلال : واقفتهم مع بعض مش طبيعية تحسى ان بينهم حاجه
ريم : انت بتقول انه المعيد يعنى ممكن يكونوا واخدين على بعض شوية
بلال : وهى عادى كده توقف تهزر وتضحك مع اى حد
ريم : هى يارا طريقتها كده ومبتعملش حاجه غلط بتعامل الكل بتلقائية
بلال : بس ده هيضر بسمعتها
ريم : يارا عايشة كده من زمان ومحدش قدر يتكلم عليها
بلال : ايوة بس ........
ريم تقاطعه : انت كنت فى جامعة يارا بتعمل ايه
بلال : امممم كنت رايح لناس صحابى
ريم : ونطيت السور ولا رشيت حرس الجامعه
بلال : ليه بتقولى كده
ريم : ايه اللى اعرفه ان جامعة يارا ميدخلهاش الا حامل الكارنيه
بلال : اظن انا برضه ليا الطرق بتاعتى ، سيبك من الهجص ده انتِ متأكده ان يارا مش مرتبطة
ريم : اه مش مرتبطة ومش هترتبط على فكرة عشان لو انت ناوى
بلال : هى تطول شاب زيى
ريم : ماليش دعوة انا قولتلك اللى اعرفه ، يارا مش ناوية على الارتباط دلوقتى خالص
بلال : قشطة
بلال لنفسه : عادى استنى لحد ما تنوى
*_____________________________________________**___________________________*
فى احد الكافيهات عمرو ....
يارا : واو الفيلم كان يجنن
عمرو : انا ماليش فى السينما اوى بس دخلت عشان خاطرك
يارا : انا بعشق brad pitt
عمرو : لمى نفسك يا بت ايه بعشق دى
يارا : ههههه انت كمان هتغير من الممثلين
عمرو : اه طبعاً ، انا بغير عليكى من الهوا
(. فى ظل اندماج يارا وعمرو فى الكلام وكان مبسوطين جداً ، عمرو تجرأ ومسك ايد يارا ، يارا تنحت ومقدرتش تقول اى كلمة لانها حست احساس اول مرة تحسه .)
عمرو : انا بجد بحبك اوى متبعديش عنى ابداً
يارا برضه ساكتة ومش قادرة تتكلم ولا حتى قادرة تسحب ايدها من بين ايد عمرو ، ضم عمرو ايد يارا اوى وبص فى عينها
عمرو : انا هعترفلك انك مش اول واحدة امسك ايدها بس انتِ اول واحدة احس معاها الاحساس ده واول واحدة تخلينى افكر فى الجواز والاستقرار ، اول واحدة اتمنى انى يجمعنى بيها بيت واحد ونكون اسرة سوا ، بجد بحبك يا يارا (وباس ايدها)
عمرو : انتِ ساكتة ليه
يارا : مش عارفة اقولك ايه
عمرو : مبسوطة معايا
يارا : اوى
عمرو : طيب يا يارا انا عايزك تصارحينى بكل حاجه فى حياتك عشان نبدأ حياتنا من غير اسرار
يارا : يا عمرو انا مفيش اصلاً اسرار فى حياتى وصدقنى انت اول حب فى حياتى انا مرتبطش قبل كده ، ممكن يكون ليا اصحاب كتير بس عمرى ما دخلت فى قصة حب الا معاك
عمرو : يعنى مفيش حاجه ممكن تأثر على علاقتنا قدام
يارا : never (ابداً)
عمرو : تمام كده انا بقى ......
يارا تقاطعه : انا مش عايزة اعرف اى حاجه فاتت عنك انا يهمنى اللى جاى
عمرو : :)
(. فى ظل رومانسية عمرو ويارا ، وفى عز سعادتهم ، موبايل يارا رن .)
عمرو : ده مين ابن الرخمة ده
يارا : معرفش ده رقم مش متسجل
عمرو : طب ردى
يارا : not now (مش دلوقتى)
عمرو : ليه يعنى ، ردى يمكن يكون حاجه مهمة
يارا : اوكى
(. ردت يارا وفتحت الـ speaker عشان تثبتله ان مفيش اى حاجه تخاف منها .)
المتصل : وحشتينى بقى
يارا : مين !!
المتصل : ...................

رجل ولكناقرأ هذه القصة مجاناً!