الحلقة الثالثة

8.4K 182 4

الحلقة الثالثة :

جزء من حلقة ثانية :

فى احدى الكافيهات :
(. دخلت يارا الكافيه وبتبص حواليها يمين وشمال بتدور على عمرو وشافت ........ .)
*_____________________________________________**___________________________*
وشافت عمرو قاعد ومعاه واحدة ، يارا كانت مترددة جداً وعمالة تفكر تروح عليهم ولا متروحش وفى النهاية قررت انها تروح .)
يارا : هاى
عمرو : اذيك يا يارا
يارا : تمام ، اتأخرت عليك
عمرو : لا متأخرتيش ولا حاجه
(. يارا واقفة وبتتكلم بس عينها على البنت اللى قاعدة مع عمرو .)
عمرو : انتِ واقفة ليه ما تقعدى
يارا : ممكن تكونوا بتتكلموا فى حاجة secret (سر)
عمرو : لا لا مفيش حاجة اقعدى
(. قعدت يارا .)
عمرو : اعرفكوا ببعض ، يارا طالبة عندى ، ريهام صديقة غاليه عليا من ايام الجامعة
(. يارا اتصدمت ومعرفتش تقول ايه .)
بعد حوالى خمس دقايق ....
ريهام : اوكى يا عمورة هروح انا بقى عشان اشوف اصحابى اللى طنشتهم عشانك دول ومتغيبش كتير
عمرو : ههههههه اوكى
ريهام : وابقى اسأل
عمرو : هكلمك ان شاء الله
ريهام : اوكى ، فرصة سعيدة يا يارا
يارا : thanks (. ومشيت ريهام .)
عمرو : حبيبتى تشربى ايه
يارا بعصبية : any drink (اى مشروب)
عمرو : اوكى هطلبك كابتشينو O.o
(. عمرو طلب لـ يارا الكابتشينو ومكلمهاش ولا كلمة ، وعمال يلعب فى الموبايل .)
بعد شوية ......
عمرو : وحشتينى
يارا : لسه واخد بالك انى هنا
عمرو : لا واخد بالى من زمان جداً بس برضه خدت بالى انك متعصبة فسيبتك لحد ما تهدى
يارا : i'm not nervous (انا مش متعصبة)
عمرو : يارا هو انتِ ليه نص كلامك انجليزى
يارا : انا كنت فى american schools (مدارس امريكية) وكان معظم اصحابى فى الامارات من جنسيات مختلفة وكانو بيتكلموا english فاتعودت
عمرو بتريقة : ههههههه all english all the time
يارا : مين ريهام دى ؟
عمرو : زى ما قولتلك صديقة من ايام الجامعه
يارا : يعنى تقدمهالى على انها صديقة غالية عليك وتقدمنى انا على انى طالبة عندك
عمرو : طب مانتِ طالبة عندى
يارا : وهى الطالبة عندك جاية تقابلك ليه
عمرو : انتِ كنتى عيزانى اقولها ايه ؟ يارا صاحبتى
يارا : صاحبتك ؟!! هو انا صاحبتك ولا حبيبتك
عمرو : يا حبيبتى انتِ كل حاجه بالنسبة ليا بس بلاش نمسك لبعض على الواحده
يارا : على فكرة بقى مش انا اللى بمسكلك على الواحدة انت اللى عايزنى ابطل كل حاجه برغم انك بتعملها
عمرو : يعنى انتِ عيزانى اقطع مع اصحابى
يارا : yes
عمرو : ازاى يعنى
يارا : زى مانا هقطع مع اصحابى عشانك انت وبعدين انت مش لسه قايل انى كل حاجه بالنسبة لك يبقى انت عايز ريهام او غيرها فى ايه
عمرو : بتزنقينى يعنى :)
يارا : لا بفسرلك كلامك اللى انت لسه قايله
عمرو : بحبك
يارا : معنديش مانع
عمرو : بطلى رخامه بقى لحظات الرومانسية دى مبتجيش كتير
يارا : انا كمان بحبك اوى
عمرو : عارفة يا يارا ، انا اول ما شوفتك وبدأت اشاغلك بالنظرات والكلام اللى من تحت لتحت ده عشان الفت انتباهك
يارا : قصدك السنة اللى فاتت
عمرو : اه ، كنت قاصد اشغلك بيا وخلاص بمعنى الفت انتباهك ليا ، مكنتش اعرف انى هطب واحبك كده
يارا : انا كمان انجذبتلك من اول ما شوفتك بس انا مبحبش اظهر الاهتمام
عمرو : ما هو تقلك ده جابنى على ملى وشى
(. موبايل يارا رن .)
يارا : لحظة ارد على بابا ، الو
اشرف : اذيك يا حبيبتى عاملة ايه
يارا : تمام الحمد لله وانتوا اخباركوا ايه
اشرف : احنا تمام مش ناقصنا غيرك
يارا : يحيى قالى انكوا مش هتيجوا برضه الصيف ده
اشرف : لسه مش عارف يا يويا بس ان شاء الله نيجى
يارا : ان شاء الله يا بابا
اشرف : بس برضه حاولى انتِ كمان ميكونش عندك اى التزامات فى الصيف عشان لو معرفناش نجى تجى انتِ
يارا : يعنى انت مش هتجى قبل الصيف
اشرف : يا حبيبتى غصب عنى
يارا : يا بابا احنا داخلين على سنتين مشوفناش بعض
اشرف : فكرك انا مش موجوع ومضايق من الوضع ده
يارا : اكيد طبعاً ما هو واضح
اشرف : معلش يا حبيبة ابوكى متزعليش وركزى فى مذاكرتك
يارا : حاضر
اشرف : ايه الاصوات اللى عندك دى انتِ فين
يارا : مع اصحابى بره
اشرف : طيب خدى بالك على نفسك
يارا : حاضر
اشرف : هى رباب كلمتك امتى اخر مرة
يارا : يوم ما كلمتونى سوا
اشرف : ماشى يا حبيبتى لا اله الا الله
يارا : محمد رسول الله (وقفلوا المكالمة)
عمرو : بباكى ؟
يارا : ايوة ده بابا
عمرو : مالك يا يارا كأنك مش مبسوطة انه كلمك
يارا : ها لا مفيش حاجه
عمرو : ايه يا حبيبتى هتخبى عليا ، عايزين بقى نكسر حاجز الخصوصية ده ونحكى لبعض كل حاجه
يارا : موضوع الاجازات ده بيضايقنى جداً حاسة انى مش مهمة عند بابا
عمرو : ازاى يعنى اكيد مهمة عنده ومهمة جداً انتِ بنته بس هو متغرب وبيتعب عشانك
يارا : بس انا بقالى حوالى سنتين مشوفتهومش
عمرو : وانتِ مبتروحيش ليه عندهم
يارا : السنتين اللى فاتوا دول كان عندى مواد فى الـ summer course وكان صعب انى اروح
عمرو : انتِ برضه غلطانة
يارا : انا !! ليه
عمرو : المفروض انك بعيدة عنهم عشان تتعلمى وتنجحى مش عشان تشيلى مواد وتمتحنيها فى الصيف
يارا : اهو اللى حصل بقى
عمرو : حصل خير ، ركزى بقى السنة دى
يارا : حاضر
عمرو : بحبك
يارا : وانا كمان :)
عمرو : قومى يالا روحى عشان متتأخريش اكتر من كده
يارا : حاضر
عمرو : طمنينى عليكي اول ما توصلى
يارا : اوكى يا بيبى . (ومشيت يارا)
*_____________________________________________**___________________________*
فى بيت يارا :
عائشة : كل ده تأخير يا يارا
يارا : معلش يا تيتة الكلام خدنى مع اصحابى
عائشة : اتعشيتى
يارا : لا بس مش جعانه
عائشة : طيب انا داخلة انام
يارا : تصبحى على خير يا نينة
(. دخلت يارا اوضتها غيرت هدومها وكلمت ريم -بنت عمها ٢٢ سنة-)
يارا : ايه يا ريم كل ده waiting (انتظار)
ريم : معلش كنت بكلم ماجد(خطيب ريم ٢٦ سنة)
يارا : اوكى ، هو انتوا هتتجوزوا امتى
ريم : لسه معرفش عمك معاند معانا اوى
يارا : هههههه هو غيران عليكى مش اكتر
ريم : بس انا اتخنقت
يارا : احمدى ربنا ان ليكي حد يهتم بيكي ويغير ويخاف عليكى
ريم : قوليلى عملتى ايه مع عمرو
يارا : كنت لسه معاه
ريم : حرصى شوية يا يارا متأمنيش اوى لـ عمرو
يارا : ليه بتقولى كده
ريم : انا مقصدش عمرو تحديداً بس متأمنيش لاى حد
يارا : عمرو غير اى حد ، انا لقيت مع عمرو حاجات كتير اوى كنت مفتقداها
ريم : حاجات ايه مش فاهمه
يارا : مش مهم بس اطمنى عمرو انسان كويس وبيحبنى وانا كمان بحبه
ريم : ربنا يسعدك ان شاء الله
يارا : يارب ، هعدى عليكى بكرة وانا راجعه من الـ collage (الكلية)
ريم : اوكى يا حبيبتى تصبحى على خير
يارا : وانتِ بخير . باى
(. قفلت يارا وقعدت تفكر فى عمرو وتفكر فى ابوها وقد ايه هى زعلانه منه .)
يارا لـ نفسها : هو انا بحب عمرو بجد ولا لقيت منه الاهتمام والغيرة اللى ملقتهاش مع بابا ؟ هو انا ليه محطتش حد لتحكماته فيا دى ولا انا مبسوطة بيها ؟ اكيد مبسوطة بيها انا عمرى ما لقيت حد يتحكم فيا ولا يقولى الصح من الغلط ولا يقولى متعمليش ده ؟ حتى لما كنت عايشة فى الامارات معاهم بابا كان اغلب وقته سفر عشان التنقيب واغلب وقتى مع ماما رباب ، اللى عمرها ما اهتمت انا خارجه مع مين او لابسه ايه او بعمل ايه ، اى نعم هى مقصرتش معايا بس كان كل اهتمامها بالاكل والمذاكرة حتى لما كنت بتعب مكنتش بتاخد بالها الا متأخر اوى ، ولما جيت عند جدتى هنا برضه اهتمامتها بالاكل والمذاكرة والتعب ، مفيش حد يقولى خارجه مع مين ولا رايحه فين ولا ايه اللى انتِ لبساه ده ، انا مبرميش اى لوم على ماما وتيته هو ده اللى فى ايدهم وهى دى طاقتهم ، انا كنت مبسوطة وعمرو بيقولى قومى روحى عشان اتأخرتى او هو بيكلمنى على اصحابى ولبسى بس اكيد انا بحبه ماهو ميوحشنيش كده وافكر فيه كتير كده الا اذا كنت بحبه فعلاً
(. راحت يارا فى النوم وهى بتفكر فى كل ده .)
*_____________________________________________**___________________________*
فى الجامعة :
يارا قاعدة فى الكافتريا لوحدها ....
لى لى : صباح الخير يا يارا
يارا : صباح النور
لى لى : ممكن اقعد معاكى لانى ندى لسه مجتش
يارا : ااكيد طبعاً اتفضلى
(. بعد فترة من الصمت .)
يارا : غريبة اوى تأخير ندى ده المفروض ان احنا كان عندنا سيكشن
لى لى : هى مكنتش هتحضره النهاردة
يارا : اهو اتلغى خالص
لى لى : احسن ، اصلاً عمرو ده دمه تقيل ويلطش
يارا : والله انا بحضر السيكشن عشان المضمون مش الشكل i think (اعتقد) ان دكتور عمرو شرحه كويس
لى لى : ولا حتى بيعرف يشرح انا اصلاً مبفهمش منه
يارا : مش شرط عشان انتِ مبتفهميش منه تبقى المشكلة فيه
لى لى : فاااكس
يارا : نعم !!
لى لى : ههههههه مفيش حاجه
(. فى ظل اندماج يارا وندى فى الكلام جه عليهم واحد .)
الولد : صباح الخير يا لى لى
لى لى باندهاش: ايه ده !! مين !! حمزة اذيك يا ابنى فينك كده
حمزة : انا اللة فينى ولا انتِ اللى مبقتيش بتسألى عليا اصلاً
لى لى : والله يا حمزة مشغولة خالص فى الدراسة وكده
حمزة : ربنا معاكى ، انا هنا معاكوا على فكرة
لى لى : هنا فين فى الكليه
حمزة : لا فى الجامعة
لى لى : طب كويس هشوفك كتير يعنى
حمزة : ان شاء الله (ووجه نظره لـ يارا)
لى لى : اه سورى نسيت اعرفكوا ببعض ، يارا صاحبتى وزميلتى هنا فى الكليه
حمزة : اهلاً وسهلاً
(. ابتسمت يارا ابتسامه خفيفة وهزت دماغها كأنها بتقوله اهلاً وسهلاً .)
لى لى : ده حمزة بقى ، جارى وصديق نادى وحاجات كتير كده بس من الشخصيات الجدعة والمحترمة القليلة
يارا : nice to meet you (سعيدة للقائك)
لى لى : انت هتفضل واقف كده كتير اتفضل اقعد يا ابنى
حمزة : متشكر (وقعد)
(. بعد فترة من كلام لى لى وحمزة اللى ملوش لازمة واحدة زميلة لى لى نادت عليها .)
لى لى : عن اذنكم لحظة واحدة(وقامت)
حمزة : انتِ ساكتة ليه
يارا : والمفروض اتكلم اقول ايه
حمزة : شاركينا انا و لى لى الكلام
يارا : كل الحوارات اللى اتكلمتوا انت ولى لى فيها متخصنيش :)
حمزة : بس انتِ شكلك لذيذة اوى انا حابب اعرفك اكتر لو معندكيش مانع
يارا : already (بالفعل) احنا زمايل هنا واكيد هنعرف بعض بحكم الزمالة
حمزة : يعنى معندكيش مانع
يارا : مانع لايه بالظبط
حمزة : اننا نعرف بعض اكتر
يارا : tell me what do you want ? (قولى عايز ايه)
حمزة : مانا قولتلك حابب اعرفك اكتر
يارا : tell me directly (قولى مباشرة)
حمزة : يعنى رقم موبايلك ، اكونت الفيس اى وسيلة للتواصل يعنى
يارا : ابقى خدهم من لى لى عن اذنك عشان هروح لاصحابى (وقامت وسابته)
جت لى لى :
لى لى : ايه ده يارا راحت فين
حمزة : بتقول قامت لاصحابها ، هاتيلى رقم موبايلها
لى لى : رقم موبايل مين ؟
حمزة : يارا ، هى قالتلى اخد رقمها والفيس بتاعها منك
لى لى : يا بنت الصايعه
حمزة : فى ايه
لى لى : انا معاييش رقمها ولا الاكونت بتاعها اصلاً
حمزة : يعنى كانت بتستغفلنى
لى لى : بالظبط كده
حمزة : ماشى وانا يعنى هغلب فى رقمها
لى لى : اوعى تيأس هههههههه
*_____________________________________________**___________________________*
يارا بتكلم عمرو فى الموبايل :
يارا : ايه يا عمرو مجتش ليه
عمرو : انا راحت عليا نومة وملحقتش السيكشن
يارا : حصل خير ، طب مش هتيجى ولا ايه
عمرو : لا مش جاى النهاردة
يارا : ليه كده
عمرو : عادى اصلك موحشتنيش
يارا : اوكى
عمرو : يالا بقى عشان مشغول جداً باى (وقفل الخط)
يارا لنفسها : ايه المجنون ده
عمرو : اهو المجنون ده بيموت فيكى
يارا : ايه ده انت هنا
عمرو : وحشتينى
يارا : وانت كمان وحشتنى اوى
عمرو : ها بقى عملتى ايه من غيرى
يارا : ولا اى حاجه قعدت فى الكافتريا
عمرو : اوعى يكون حد عاكسك
يارا : ههههههه لا متخفش
عمرو : انا لسه ملاحظ ان ملكيش اصحاب فى الكلية
يارا : لا عندى بس هما فى groups تانية
عمرو : اه انتِ حرف الـ ى ، يعنى فى الاخر دايماً
يارا : عندك ايه دلوقتى
عمرو : عندى سيكشن كمان نص ساعة وانتِ
يارا : انا مكنش عندى غير السيكشن بتاعك بس
عمرو : طيب يالا روحى عشان تذاكرى شوية
يارا : خلينى معاك النهاردة بكرة الجمعة
عمرو : لا يا حبيبتى هتروحى لانى هخلص السيكشن وهسافر اسكندرية
يارا : ايه ده وهتيجى امتى
عمرو : السبت بالليل ان شاء الله
يارا : يعنى مش هشوفك النهاردة بالليل ولا بكرة ولا بعد بكرة :(
عمرو : ده بدل ما تقوليلى توصل بالسلامة يا حبيبى
يارا : اصلك هتوحشنى اوى
عمرو : وانتِ كمان هتوحشينى اوى بس انا مضطر
يارا : اوكى يا حبيبى تروح وتجى بالسلامه بس متنساش تكلمنى كل شوية
عمرو : اكيد طبعاً
(. وهما بيتكلموا جه حد عليهم .)
الصوت : سلام عليكم
عمرو : وعليكم السلام
الصوت : ممكن كلمة يا يارا
عمرو : مين حضرتك ؟
الصوت : ................

رجل ولكناقرأ هذه القصة مجاناً!