الحلقة الاولى

23.8K 308 5

شخصيات القصة الاساسية :

يارا : ٢١ سنة ، طالبة فى تالتة كلية (جامعة خاصة)
اشرف : والد يارا ، ٤٨ سنة ، مهندس بترول
رباب(من اب مصرى وام اماراتية) : زوجة ابو يارا ، ٤٠ سنة ، مُدرسة لغة المانية
عائشة : جدة يارا
عمرو : ٢٦ سنة ، مُعيد فى كلية يارا
*_____________________________________________**___________________________*
الحلقة الاولى :

فى بيت يارا .....
يارا بتكلم الموبايل ...
يارا : يعنى ايه يا بابا مش هتيجوا
اشرف : معلش يا يارا يا حبيبتى انتِ تعالى
يارا : انا اجازتى فاضل فيها يومين مش هلحق اجى وارجع تانى وبعدين انا عندى كورس ياخده الايام دى وبعدين انت من اول الاجازة بتقول هنيجي هنيجي دلوقتى جاى تقولى تعالى انتِ وكمان بعد ما الاجازة خلصت
اشرف : خلاص خليكي واحنا هنحاول نجى بس مش الاجازة دى
يارا : امال امتى
اشرف : قريب يا حبيبتى ان شاء الله
يارا : طيب
اشرف : خدى كلمى امك
رباب : اذيك يا يارا وحشتينى اوى عامله ايه يا حبيبتى طمنينى عليكي
يارا : انا كويسة يا ماما بس انتوا وحشتونى اوى
رباب : وانتِ يا حبيبتى وحشتينا اوى واخواتك هيتجننوا عليكي
يارا : انا بكلم يحيى (اخو يارا ١٥ سنة) كل يوم على النت
رباب : ايوة يا حبيبة قلبى انا بطمن منه عليكي بتاكلى كويس يا يارا
يارا : متخافيش عليا يا ماما انا كويسة
رباب : ربنا يجعلك دايماً بخير ، هنكلمك بكرة يا حبيبتى ان شاء الله خدى بالك على نفسك
يارا : حاضر يا ماما
رباب : لا اله الا الله
يارا : محمد رسول الله . سلام
(. قفلت يارا المكالمة مع امها وابوها وقعدت تعيط .)
عائشة : مالك يا يارا بتعيطي ليه يا بنتى
يارا : مفيش يا تيتة
عائشة : ابوك وامك برضه مش جايين
يارا : اه
عائشة : ربنا يهديهم انا مش عارفة ايه حبهم فى السفر والشحططة دى ما يجو بقى ويستقروا هنا
يارا : بيقولوا هيجى يستقروا هنا لما يحيى يخلص الثانوية العامة
عائشة : ههههه ابوكى ده نصاب وعمره ما هيجي مصر ولا هيعيش هنا
يارا : ليه يا تيتة بتقولى كده
عائشة : عشان بقاله ٢٥ سنة بيقولى السنة الجاية هاجى وبيجي اجازة وبيرجع تانى
يارا : ربنا يطمنك يا تيتة
عائشة : متزعليش يا يارا يا بنتى مراته هى السبب
يارا : ليه بتقولى كده
عائشة : هى مش عايزة تسيب البلد اللى اتربت فيها
يارا : غريبة ، رغم انى عيشت فى الامارات حوالى ١٠ سنين الا انى برضه مبحبهاش زى ما بحب مصر
عائشة : دى بتكون راحة نفسية يا بنتى ، الله يرحمك يا هبة (ام يارا)
يارا : انتِ كنتى بتحبيها اوى كده يا تيتة
عائشة : اكتر واحدة دخلت بيتنا وحبيتها وارتحتلها ، هى الوحيدة اللى كنت بعتبرها زى بناتى وهى كمان كانت بتعتبرنى زى امها
يارا : الله يرحمها وحشتنى اوى
عائشة : الله يرحمها هى فى مكان احسن من هنا
يارا : بس ماما رباب طيبة والله
عائشة : بس مبحبهاش لله فى لله كده
يارا : طيب يا تيتة انا هنزل اصور شوية ورق واقابل صحابى
عائشة : سوقى بالراحة يا يارا
يارا : حاضر يا تيتة ، مش عايزة حاجه من برة
عائشة : سلامتك يا حبيبتى (ونزلت يارا)
*_____________________________________________**___________________________*
فى احدى الكافيهات :
عمرو : اخيراً وافقتى تقابلينى
يارا : انا بس خوفت تاخدنى غياب فى السيكشن او تسقطنى فى العملى
عمرو : بتهزرى صح ؟
يارا : اكيد يعنى مش باين على وشى
عمرو : مش اوى واضح ان فى حاجه مضيقاكى
يارا : لا انا كويسة :)
عمرو : بصى بقى انا مُعجب بيكى من امتحانات الفاينال بتاعة السنة اللى فاتت ومكنتش عارف اقولك ازاى ومتجرأتش غير لما لقيتك فى السيكشن بتبصى عليا
يارا : انا كنت ببص عليك عشان انت اللى بتشرح تفتكر هبص فين يعنى
عمرو : يعنى انتِ مش مُعجبة بيا
يارا : على فكرة انت قولتلى اننا هنيجي نقعد مع بعض عشان نعرف بعض اكتر بس مفيش كلام عن مشاعر دلوقتى صح ؟
عمرو : ماشى يا ستى ، انا عندى ٢٦ سنة اصلاً من اسكندرية بس عايش هنا من ايام ما كنت فى الجامعة بس اهلى عايشين فى اسكندرية ، ابويا كان مهندس ميكانيكا وامى ست بيت عندى اخين اصغر منى ، عُمر ٢٥ سنة وده عايش فى المانيا وعمار ٢٠ سنة طالب فى جامعة اسكندرية
يارا : عمرو وعمر وعمار :D
عمرو : شوفتى
يارا : انا بابايا مهندس بترول ومامتى مُدرسة وعندى اخين برضه يحيى ١٥ سنة ثانوية عامة ويامن ١٢ سنة وعايشين فى الامارات
عمرو : وانتِ هنا لوحدك
يارا : انا هنا من تلت سنين بس عايشة مع جدتى ام بابا
عمرو : ياااه اشمعنى كده
يارا : انا مبحبش الامارات اصلاً وكمان معرفتش ادخل جامعة هناك فكان لازم اكمل دراستى فجيت على مصر واخواتى بيدرسوا هناك والمدارس هناك كويسة
عمرو : وانتِ مرتاحة لوحدك
يارا : اكيد لا بس مُتأقلمة يعنى
عمرو : وليك اصحاب
يارا : يووووووه كتير اووووى
عمرو : بنات ولا ولاد
يارا : collection بنات على ولاد
عمرو : امممم مبحبش انا صوحبية البنات والولاد سوا بتجيب مشاكل
يارا : احنا اصحاب just best friends مش بنحب فى بعض يعنى
عمرو : ايوة مانا فاهم بس برضه بتجيب مشاكل
يارا : بتجيب مشاكل ليه ، يعنى طالما الاهل مش مُعترضين وواثقين فى بنتهم يبقى فين المشاكل
عمرو : طب وكلام الناس
يارا : انا اخر واحدة فى الدنيا دى اهتم بكلام الناس
عمرو : بس بتهيألى انتِ لو مرتبطة او مخطوبة مثلاً خطيبك مش هيوافق على الصحوبية دى
يارا : اولاً انا مش مرتبطة ، ثانياً لو اتخطبت انا اعرف ازاى احترم خطيبى واظن المفروض هو كمان يكفينى يخلينى مش محتاجة حد غيره
عمرو : بداية موفقة
يارا : وانت بقى بتنزل اسكندرية ولا مقضيها هنا فى القاهرة
عمرو : لا بنزل كل ١٥ يوم عشان اشوف اهلى
يارا : انا بحب اسكندرية اوى
عمرو : روحتى فين هناك
يارا : الساحل الشمالى
عمرو : انتِ بتروحي تصيفى بس
يارا : اه ومن زمان مروحتش اصلاً
عمرو : انتِ عايشة فين يا يارا
يارا : سته اكتوبر وانت
عمرو : المهندسين
يارا : تمام انا هقوم اروح بقى عشان جدتى متقلقش عليا وكمان عشان عندى كورس بكرة
عمرو : كورس ايه
يارا : Italian
عمرو : اشمعنى ايطالى
يارا : انا معايا كذا language وكنت عايزة اقضى الوقت فى حاجه مفيدة فاخترت الايطالى
عمرو : معاكى لغات ايه تانى
يارا : معايا english و Deutsch
عمرو : Deutsch يعنى المانى
يارا : اه اصلاً مامتى مدرسة المانى عشان كده مخدتش فيها كورس
عمرو : طيب هشوفك امتى تانى
يارا : كلمنى وهنتفق
عمرو : اوكى
يارا : see you . Bye
*_____________________________________________**___________________________*
فى الامارات :
اشرف : احنا مينفعش نسيب البنت كده لوحدها
رباب : ليه يا اشرف ما هى كويسة اهى الحمد لله
اشرف : برضه مينفعش
رباب : انت اشمعنى قلقان كده ما هى بقالها تلت سنين عايشة فى مصر لوحدها وكمان هى مش لوحدها دى معاها جدتها
اشرف : قلقت يا رباب مش مطمن لقعدتها لوحدها
رباب : ايه يعنى العفريت هياكلها
اشرف : يووووه يا رباب ما تبطلى الردود السخيفة دى انتِ مش عارفة يعنى الدنيا والناس بقوا عاملين ازاى
رباب : انا مش شايفة انى فى مشكله احنا مربيين يارا احسن تربية
اشرف : حتى لو مربينها احسن تربية فالشيطان شاطر والناس بقت وحشة وممكن اى حد يضحك عليها
رباب : انت مكبر الحوار اوى
اشرف : ما هى لو بنتك مكنتيش قولتى كده
رباب : اخص عليك يا اشرف ، ده انا بعامل يارا احسن من يحيى ويامن ده انا بعتبرها بنتى البكرية تجى انت وتقول لو كانت بنتك اخص عليك بجد
اشرف : معلش يا رباب انا بس قلقان شوية عليها ومش مركز انا بقول ايه
رباب : انا هقوم اجهز عشا(وقامت وسابته)
اشرف قاعد ومشغول وقلقان جداً على يارا ...
*_____________________________________________**___________________________*
فى بيت عمرو :
مروان (صاحب عمرو) : انت كنت فين كده
عمرو : انا قابلت يارا النهاردة
مروان : دى البنت اللى عندك فى السيكشن
عمرو : اه
مروان : انت بتحبها بجد يا عمرو
عمرو : شكلى كده
مروان : بس انت قولتلى انها جذبتك عشان هى البنت الوحيدة اللى مش مدياك اهتمام
عمرو : بس لما قعدت معاها النهاردة مكنش نفسى اقوم حسيت احساس اول مرة احسه
مروان : يعنى الموضوع بجد
عمرو : اه ان شاء الله بس هى فيها شوية حاجات عايزة تتغير
مروان : حاجات زى ايه
عمرو : ستايل لبسها ، صحابها الكتير ، تهريجها الكتير برضه
مروان : هى حلوة
عمرو : انت مال اهلك
مروان : ههههههههه انت بدأت تغير
عمرو : يمكن
مروان : طيب هتتعشى معايا
عمرو : ماشى
*_____________________________________________**___________________________*
بعد يومين فى جامعة يــارا :
(. بعد السيكشن .)
عمرو : وحشتينى
يارا : يا سلام بسرعة كده
عمرو : ايوة بسرعة كده
يارا : ههههههه طيب
عمرو : طيب ايه انا بتكلم جد بجد وحشتينى اوى
يارا : خلاص بقى احنا فى الجامعة والكل بيبص علينا
عمرو : طيب هشوفك النهاردة بالليل
يارا : فين
عمرو : فى نفس المكان بتاع المرة اللى فاتت
يارا : طيب على ٧ كويس
عمرو : كويس جداً هستناكى
يارا : اوكى عن اذنك عشان الحق محاضرتى
عمرو : ماشى كلمينى اول ما تخلصى
يارا : حاضر
(. فى اخر اليوم الدراسى عمرو كان فى عربيته وراكنها ورا عربية يارا واول ما وصلت نزل من عربيته وراح لها .)
عمرو : ايه الصدف المقصودة دى
يارا : ايه ده انت لسه مروحتش
عمرو : لا اصل عربيتى فصلت بنزين واستنيتك تاخدينى فى سكتك
يارا : ههههههه سكة ايه بس ، ايه جاب المهندسين لـ اكتوبر
عمرو : يبقى تعالى وصلينى المهندسين وتعالى اعزمك على الغدا
يارا : لا انا هوصلك بس ، لكن مش هينفع اتغدى بره عشان جدتى بتقلق وبتزعل
عمرو : بتقلق وبتزعل الاتنين
يارا : ههههه شوفت ازاى
عمرو : يارا انا بحبك
يارا (متنحة) ......
عمرو : ايه يا يارا
يارا : احم !! انا اللى ايه ولا انت اللى ايه
عمرو : مش فاهم
يارا : يا .....
عمرو : يا ايه كملى
يارا : انا مش عارفة اقولك يا دكتور ولا اقولك ايه
عمرو : فى ايه يا يارا قولى يا عمرو
يارا : انت مش شايف انه لسه بدرى اوى على الكلمة دى
عمرو : بدرى بالنسبة لك ، لكن انا من السنة اللى فاتت وانا مشدود لك ومعجب بيكى جداً ولما قعدنا مع بعض حسيت انى بحبك من زمان
يارا (ساكتة) .......
عمرو : ايه يا بنتى انا بكلم نفسى
يارا : لا لا انا معاك بس مستغربة
عمرو : يارا انا بحبك وبجد وفكرى براحتك وقابلينى بالليل قوليلى وصلتى لايه
يارا : اوكى اوكى حاضر
عمرو : عن اذنك
يارا : استنى اوصلك
عمرو : عربيتى مفيهاش حاجه انا كنت بشتغلك
(. وركب عمرو عربيته وطار بيها ويارا لسه متنحة .)
لى لى (زميلة يارا) : هو دكتور عمرو كان واقف مع اللى اسمها يارا دى بيقولوا ايه
ندى (زميلة يارا) : معرفش بس شكل فى بينهم حاجه
لى لى : مش انا قولتلك ان نظراتهم فى السيكشن لبعض مش طبيعية تحسى ان فى حاجه بينهم
ندى : يمكن
لى لى : تفتكرى بيحبها
ندى : واحنا مالنا يحبها ولا يكرهها
لى لى : اه صح واحنا مالنا
لى لى لنفسها (يا ترى يا عمرو بتحبها فعلاً)
ندى : لي لي يا لي لي سرحتى فى ايه
لى لى : ها لا مفيش
ندى : تحبى نروح نغلس عليها ونسألها
لى لى : لا لا كل حاجه هتبان مع الوقت
ندى : بس انا مش عيزاكى تتعلقى بـ عمرو اوى ، عمرو مغرور اوى وبيحب يشد كل البنات ليه
لى لى : اتعلق بمين يا بنتى انا بس بيعجبنى شكله واهتمامه بنفسه
ندى : اوكى يالا بينا
*_____________________________________________**___________________________*
فى احدى الكافيهات :
عمرو : اتأخرتى ليه
يارا : الطريق كان زحمة
عمرو : فكرتى
يارا : بتهيألى انا محتاجه وقت اكتر
عمرو : وقت !! وقت عشان تعرفى اذا كنتى بتحبينى ولا لا
يارا : اصل ........
عمرو : اصل ايه ، انتِ لو بتحبينى فاكيد مش من اول امبارح اكيد من زمان
يارا : يا عمرو افهمنى
عمرو بعصبية : انا مش عايز افهم حاجه ومش عشان قولتلك انى بحبك ابقى ضعيف وهموت عليكى
يارا بطفولة : فى ايه انت بتكلمنى كده ليه :(
عمرو : مانتِ استفزتينى
يارا : بس انا اول مرة اشوفك كده
عمرو : انا لما بتعصب ببقى كده
يارا : يعنى يوم ما تسألنى بحبك ولا لا تتعصب عليا
عمرو : ماهو انتِ فكرانى عيل نايتى وضعيف والجو ده
يارا : انت فعلاً زى ما بيقولوا عليك
عمرو : مين دول وبيقولوا ايه
يارا : كل اللى فى الجامعة بيقولوا انك مغرور
عمرو : هو عشان واثق فى نفسى ومُعتز بكرامتى وكبريائى ابقى مغرور
يارا : اممممم لا بس هما شايفين كده
عمرو : تلاقيهم شوية بنات متغاظين عشان انا مصدرلهم الطرشة
يارا : يعنى ايه
عمرو : انتِ مش عارفة يعنى ايه مصدرلهم الطرشة
يارا : لا
عمرو : يا اخواتى على العسل انتِ فافى اوى يا يارا
يارا : لا مش فكرة فافى بس ماليش فى الكلمات الدارجة دى
عمرو : طيب هناقش الموضوع ده بعدين عايز اسمع رأيك دلوقتى
يارا : طيب سؤال اخير
عمرو : يووووووووووه
يارا : اخر سؤال
عمرو : اتفضلى
يارا : المفروض ان البنات اللى بتدرسلهم كلهم بيحبوك او على الاقل معجبين بيك ويمكن انا الوحيدة اللى مدتكش اهتمام ليه انا بقى اللى حبيبتنى
عمرو : ومين قالك انى بحبك انا بس بتسلى بيكي عشان انتِ مكنتيش مهتمة
يارا : دى اجابة
عمرو : يعنى هو ده اللى سؤال ، فى حد بيسأل حد قلبك بيدق ليه معرفش يا يارا فجأة كده اتشدت لك واعجبت بيكى وحبيتك عندك مانع
يارا : توء طب اسمع بقى
عمرو : كلى آذان صاغية
يارا : ..................................

رجل ولكناقرأ هذه القصة مجاناً!