بارت السادس
مرحبا لولواتي
❤❤❤
جمرة.. اخذت جنطتي وطلعت مامعقولة اضل ساكتة تهديدة واضح وصريح
رحت لمركز الشرطة بس جان ازحدام كلش والدنيا راح تصير ليل واذا ابوية درة بية طالعة ميقبل ويضوج
رجعت بسرعة للبيت وكلت باجر اروح واقدم شكوى ضدة
فتحت الباب الحمدلله ابوية بعدهة ماجاي
نزعت حجابي وكعدت بالكاع
مااعرف شنو اسوي احنة خطأنين صح ولازم نخضع لكلشي يريدة بس مو لهل درجة اخذتني ذاكرتي من قريت الورقة
جان كاتب بيهة
استوعب واستقبل كلشي راح يصير الك من عذاب لاسيما لعائلتك او لشخصك
كلشي انت تمتلك راح اخسرة الك وبكسرة ضهر
١.. اخلي عشيرتك تتبرى منك وبتهمة شرف
٢.. اخذ بيتك الي بس هذا تمتلكة وماعندك شي غيرة
٣.. وبنتك اغتصبهة واخلي الكل يعلم انو هي مو عذراء وبهذا الشي راح متكدر ترفع راسك حتة كدام الحيوان
جمرة.. ماتوقعت الانسان يوصل لهل مرحلة من الوساخة والقذارة بحيث علمود الفلوس يغتصب بنية ويجرد رجل من الغيرة ويتهمة بقلة الشرف
ادركت بهذة اللحضة انو ابوية دخل بعصابة وراح نتورط اكثر اذا ماوكفنا عند حدة
لذالك اصريت انو اروح للمركز واقدم الة التهديد قررت بهاي الخطوة شوية اصير قاسية صح الحق مو ويانة بس ميخالف كلشي ولا الشرف وكلشي ولا اشوف ابوية ميكدر يرفع راسة وضهرة مكسور
حاولت احجي وية الرجل بس رجعت لواقعي وكلت شبيج جمرة شنو تحجين وية هذا الرجل ترة اني من مجتمع شرقي وخصوصا العراق
لاتأثر بالمسلسلات ماراح اخلي يلتقي بية حتلو بالصدفة خليني فقط اقدم شكوى واطلع
كمت بدلت ونزلت غسلت البيت ونضفتهة وسويت العشة غطيتهة ودخلت سبحت ورحت لفراشي حسيت بابوية وعمي دخلو للبيت اطمأنيت نمت وفكري مشوش
ابو جمرة.. تفضل عامر تفضل
عامر اخو محمد.. زاد فضلك خوية
ابو جمرة.. اي كمل حجيك شنو ردت دكول
عامر.. ابو جمرة شوف مدام انت دخلت بهل طبقة المنحطة لازم تكمل شغلك وبترتيب قبل ليخرب كلشي وبوكتهة من صدك راح تحير
... والله حاير ومااعرف شنو اسوي انت اخوية الجبير انصحني انصفني تدري الانسان بهيج لحضات ميعرف شنو يصرف
عامر.. شوف اعقد اتفاق وية عرب انو ميتقرب لبنتك ولا الك
.. مقابل شنو
