(#هو_ثباتي)
_تاني يوم الصباح طلعنا مع بعض،،قولته لرحيم انت بس امشي استلم النتيجه وبعدين كلمني،،قال لي لالا نمشي مع بعض،،ده غير انو الدكتور قال عاوز يشوفنا الاتنين،،،قولته ليهو طيب تمام،،،مشينا على المستشفى وقابلنا الدكتور،،كان خاتي نتيجه الفحص قدامو وبعاين لينا،،رحيم قال ليهو اها يا دكتور طمنا المشكلة بسيطه صح؟؟!،،،الدكتور طلع نظاراتو وشبك يدينو مع بعض،،،قال ليهو المدام كويسة ما فيها شي وممكن جدا تجيب طفل في اي وقت هي عاوزة❤،،حتى بعد كلامو ده انا ما اطمنتا كنتا حاسة أنو في مشكلة عند رحيم💔💔،،،رحيم ابتسامتو زادت وقال ليهو طيب الحمد لله،،،رجع الدكتور وقال ليهو بس المشكلة معاك أنت💔،،طبعا لما قال كده قلبي وجعني،،رحيم قال ليهو مع،،، معاي أنا،،مشكلة شنو بالظبط،،الدكتور طلع النتيجه وقال ليهو معاك عقم،،العقم ده رباني ،،عاده كتير من الأطفال بتولدوا بيهو،،بس اذا الطفل وصل عمر 9سنوات وما اكتشفوهو تاني من الصعب انو يتعالج،،،رحيم قال ليهو ممكن تشرح لي أكتر،،قال ليهو طيب شوف يا ابني الخصية بتتعايش في درجه حرارة 34 ودي موجوده في كيس الصفن المفروض تنزل فيهو من الولاده ولو ما اكتشفوا الحاجه دي الخصية بتكون معلقة برة الكيس بمعنى أنها بتتعايش على درجه حرارة الجسم 37 وبكده بتموت الحيوانات المنوية وصعب انها تتخلق لانو الخصية هي المصنع،،وعشان كده ربنا خلقهم خصيتين ممكن واحده تكون سليمة والتاني ضعيفة وبتكون محتاجه معالجات،،،،يعني حضرتك عندك عقم رباني،،وكماده علمية وشغل طب ح أقول ليكم ما عندكم آمل للولاده وانتو مع بعض،،بس ده طبعا عيب خلقي من ربنا،،إذا ربنا اراد ممكن يحصل حمل اكيد،،خلو املكم في ربنا كبير❤،،،،ما عارفة وقتها احساسي كان كيف،،جايط وملخبط بس رحيم على طول شال مفاتيحو وطلع،،،الدكتور قال لي أنا ما عارف اقول ليك شنو،،بس لو أنتو بينكم عشرة طويلة بنصحك ما تخليهو،،أما لو ما بهمك كتير فأتزوجي وجيبي ليك طفل ينفعك يا بتي،،،قولته ليهو طيب شكرا،،شلتا منو النتيجه وطلعتا لحقتا رحيم،،لقيتو مدور العربية ووشو ما بتفسر،،،قال لي ح اوصلك الشغل،،قولته ليهو لا ما عاوزة أمشي،خلينا نرجع البيت وأنا بتحجج بأي حجه وخلاص،،قال لي طيب بس انا عندي شغل وح اطلع طوالي،،ما جادلتو كتير،،الطريق كلو كان ساكت ونهائي ما عاين لي ولا اتكلم،،،وصلنا البيت،،نزلنا ودخلنا،،،شرب ليهو موية وكان طالع،،وقفتا قدامو،،،قال لي الشارع وراي شغل،،قولته ليهو ما تمشي،،،قال لي شغل مهم زحي لي،،،قولته ليهو لاا،،رحيم ممكن تعاين لي في عيوني،،،رفض يعاين لي،،رفعتا ليهو وشو بيدي وبقيت اعاين ليهو،،،قولته ليهو ما حابب تعاين لي ليه!!،،،قال لي عشان ما قادر،،ما قادر أعاين ليك،،،كل السنوات دي أنا كنتا حارمك من الولاده ورافض فكرة الدكتور💔،،يمكن لو من أول سنة زواج مشينا فحصنا،،كان...،،،قولته ليهو كان طلقتني وخليتني اتزوج عشان اجيب بيبي؟؟،،رحيم ده شنو التفكير ده،،،قال لي عاوزاني افكر كيف طيب،،انتي استحملتي إهانات أهلي ليك واتهاماتهم بأنك عاقر💔وأكتر من مرة كسروا بخاطرك،،عايزاني ما افكر بالطريقة دي ليه،،مسكتو من يدو وقعدتو في الكنبة،،،قولته ليهو خليهم في تفكيرهم ده،،وبعدين انت ما سمعتا الدكتور قال شنو؟؟،،قال خلوا املكم في ربنا كبير،،يعني يمكن ربنا يرزقنا بالطفل البنحلم بيهو❤،،،أنا أبدا ما معترضة على حكمه ربنا في الموضوع ده ويمكن ربنا ما اراد نكشف الا في الوقت ده تحديدا،،الوقت اللي أنا ما بقدر استغنى عنك فيهو ابدا،،،عشان حبيتك وحبيتك شديد كمان من أول سنة زواج❤،،،وبعدين يعني لو انا قولته ليك طلقني،،حضرتك ح تطلقني مثلا!!،،قال لي لا،،،مستحيل اعمل كده،،الا لو أنتي اصريتي،،وانتي لا ح تطلبي ولا ح تصري،،،قولته ليهو بالظبط كده❤ عشان كده م تصر خلقتك دي وانسى الموضوع،،،قال لي أنتي ماعارفة بكلامك ده ريحتيني كيف وجبرتي بخاطري❤،،قولته ليهو حبيبي أنت طول الوقت جابر بخاطري،،والموضوع ده عاوزاهو يفضل سر بينا،،لا اهلك يعرفوا بيهو ولا أهلي،،،وخلي الناس تتكلم وتسألنا كل مرة لسة ما بقيتوا تلاتة والكلام اللي من النوع ده،،أنا حرفيا وفعليا ما عاوزه من الدنيا دي غير رحيم وضحكه رحيم وروح رحيم وقلب رحيم وطيبة رحيم❤،،قال لي رحيم بحبك،،،قولته ليهو وانا بموووت في رحيم❤ ويلا بلاش شغل وكلام فاضي😒أنا اششششتقتا ليك جدا جدا،،شوق اهبل اهبل يعني،،،قال لي حتى انا اشتقتا ليك والله العظيم❤،،،ضميتو وقولته ليهو النصيب الحلو انت والحنية الما لقيتا عند أبوي وما قدر يديني ليها هي متمثلة فيك،،وكأنك جيت مفصل طق على مقاسي،،،الله لا وراني فيك أذى❤،،،ضماني عليهو أكتر وقال لي والحب لما اتقسم ربنا رماهو كلو في قلبك وشبعني أنا بيهو،،يارب ما توريني يوم بدون إيناس❤.
