💔 حب خادع 💔
حامد بحزن: حاضر يابني هخرج من حياتكم ومش هتشوفوا وشي تاني ويمشي حامد ولسه هيخرج من الغرفه بس يقع في الارض فاقد الوعي يجري عليه حمزه ويدخله غرفته ويتصل بالدكتور وبعد وقت يوصل الدكتور ويفحص حامد
حمزه: ها يا دكتور حصله ايه
الدكتور بحزن: للاسف صدمه نفسيه ادت لاعاقه في الرجل اليمين
حمزه بصدمه: اييه اعاقه
الدكتور: ايوه بس مع العلاج الطبيعي هيكون فيه تحسن ان شاء الله
حمزه: طيب يا دكتور شكرا
ويمشي الدكتور وتروح حياه توقف جنب حمزه وتحط ايديها علي كتفه: كل حاجه هتتحل بأذن الله متقلقش
حمزه بحزن: مفيش حاجه بتتحل يا حياه مفيش حاجه بتتحل
حياه: اهدي ياحمزه لازم تكون اقوي من كده علشان اللي جي
حمزه بتستغراب: ايه اللي جي وبعدين هو انا حمل صدمات تاني كفايه عليا اللي بيحصل دا انا تعبت يا حياه تعبت ويترمي في حضنها ويبكي
عزه: ابوك عامل ايه يابني
حمزه يبعد عن حياه باحراج ويمسح دموعه: الدكتور قال صدمه نفسيه ادت لشلل في الرجل اليمين
عزه: لاحول ولا قوه الا بالله معلش يابني الحمد لله علي كل حال
حمزه بحزن: الحمد لله
حياه: انا هروح اطمن طنط احلام وانت خليك مع انكل لحد مايفوق
حمزه: طيب ماشي ويروح يقعد علي السرير جنب والده ويبص علي ويمسك ايده يبوسها ويبكي ليه بيحصل معايا كده ليه انا عملت ايه علشان يحصلي كل دا انا تعبت مبقاش عندي طاقه لاي صدمات تاني
يبدأ حامد يفوق ويسمع كلام حمزه تنزل دموعه علي اللي عمله في ابنه وانه السبب في اللي هو فيه
حامد بتعب: ا.ا.سف يابني سامحني
حمزه يمسح دموعه ويتحدث بحزن: هتصدقني لو قولتلك مبقتش فارقه انا اتعودت علي المصايب خلاص
حامد: علشان خاطري يابني سامحني مش عايز اموت بالذنب دا
حمزه بلهفه: بعد الشر عليك يا بابا
حامد بابتسامه: وحشتني منك كلمه بابا يابني بتمني تسامحني وتقولي علي طول بابا انا مبقاش عندي غيرك انت واختك لو حصلي حاجه خلي بالك منها يابني وهاتلها حقها من الكلب اللي دمرها
حمزه: الاقيه بس وانا هنسفه من علي وش الارض
حامد بتعب وضيق نفس: وا.ا.انا وااثق فيك يابني بس ليا عندك طلب
حمزه: اتفضل
حامد ونفسه يضيق اكتر: عايز اسمع منك بابا لاخر مره
حمزه تنزل دموعه ويمسك ايد والده ويبوسها: بابا مسامحك يا بابا
حامد: ساعدني يابني عايز اشوف امك عايز اطلب منها السماح عايز اموت مرتاح
حمزه: حاضر ويروح غرفه احلام ياخد الكرسي المتحرك ويرجع لغرفه حامد يساعده يقوم ويقعده علي الكرسي وياخده لغرفه احلام
ــــــــــــــــــــــــــــــــــــــــــــــــــــــــــــــــــــــــــــــــــــــــــ
في غرفه احلام
حياه: هههههههه لا يا طنط بجد كنتو بتعملوا كده
احلام بتعب من كتر الضحك: هههههه اه والله يابنتي كان لما يجيلي عريس كان يطلع علي الشجره وينط علي غرفتي ويهددني لو وافقت هيقتله ويقتلني بس كان غلبان والله بيقول كده من عصبيته وكنت بسكت علشان بحبه
عزه: ههههههه فكرتيني ب ابو حياه حاربنا الدنيا وسيبت بين اهلي علشانه واتجوزنا وعيشت معاه ف بيت بسيط وكنا علي قد حالنا واستحملت علشان بحبه وبيحبني والله مافيش زي ايام زمان ولا الحب بتاع زمان كان حب صادق انما دلوقتي الشباب بتلعب بالبنات والبنات تلعب بالشباب مبقاش فيه صدق
حياه تحس بالحزن ومتعرفش سبب الحزن دا ايه
ويدخل حمزه بابتسامه: شكلكم رايقين احم ماما بابا عايز قولك علي حاجه
احلام: اتفضل يا حامد
حامد: سامحيني يا احلام انا جيت عليكي وظلمتك كتير سامحيني يا احلام سامحيني بحق الايام الحلوه اللي مابينا سامحيني
احلام بدموع: مسامحاك يا حامد مسمحاك
حامد بدموع: سامحيني يا ليليان يابنتي
تقوم ليليان من مكانها وتساعدها حياه وتقعد ليليان في الارض تحت رجل والدها وتبوس ايده وتمسح دموعه وتحرك راسها بمعني مسامحاك
ويقعدوا مع بعض كلهم يضحكوا ويفتكروا ذكرايات الماضي ويحس حامد بضيق نفس ويطلب من حمزه يوديه غرفته ويساعده حمزه يقوم من علي الكرسي
حامد: تعالي في حضني ياحمزه
يحضن حمزه والده ويحضنه والده بقوه: روح يابني اقعد معاهم انا هنام
حمزه يبوس راس حامد: حاضر يا بابا
ويمشي حمزه وتنزل دموع حامد وينام
ــــــــــــــــــــــــــــــــــــــــــــــــــــــــــــــــــــــــــــــــــــــــــ
في منزل شمس
يوصلها ياسر ويطلع معاها ويقعد معاهم
الام: ههههههه والله يا ياسر يابني انت دمك زي العسل
ياسر: احم انا كلي غلي بعضي عسل اصلا
الام: ههههههههه
شمس: ايه الثقه دي واخد في نفسك مقلب علي فكره وتروح علي المطبخ
ياسر: بعد اذنك يا طنط هروح الحمام
الام: ههههه اه اه اتفضل روح الحمام
ياسر: يا فاهمني انت يا جميل
ويروح المطبخ ورا شمس المطبخ ويهمس في ودنها: بحبك
شمس بخضه: حرام عليك يا ياسر خضيتني
ياسر: بحبك يابت
شمس بكسوف: ياسر بطل بقي الله
ياسر بغمزه: اموت فيك وانت مكسوف كده وفراوله يا فراوله
شمس: احم طب يلا علشان نتغدي وساعدني وخد الاطباق دي علي السفره
ياسر: تصدي ابت انتي فصيله ابو اللي يفكر يقولك كلمه حلوه تاني عبوشكلك هاتي وياخد منها الاطباق ويخرج
شمس: ههههههههههههههههه وتخرج وراه شمس
ياسر: بنت دي فصيله اوي يا حاجه
الام: ههههه ليه يا حبيبي عملتلك ايه البت دي
ياسر: بقولها بحبك تقولي خد الاطباق علي السفره
تشرق شمس من جرائته ويضحك عليها ياسر ويديها مايه
الام: هههههههه والله انت مصيبه
ياسر: تشكرات ياست الكل
الام: ايه رئيك في نفس شمس في الاكل بقي
ياسر يبص لشمس بحب: شمس علي بعضها تجنن وعلشان هي اللي عملت الاكل يبقي اكيد يجنن
الام: ربنا يسعدكم يا ولاد
ياسر: ويخليكي لينا ياست الكل انا همشي بقي
الام: خليك شويه يابني
ياسر: تسلمي ياست الكل احم شمس عايزك في حاجه بخصوص الشغل ويروح يوقف عند الباب وتروح وراه شمس
شمس: ماله الشغل
ياسر: كنت عايز اقولك بحبك ويمسك ايديها ويبوسها شمس انا بحبك اوي وبتمني اليوم اللي هتكوني فيه مراتي مبقتش قادر ابعد عنك بعد يوم عمليه مامتك هنكتب الكتاب
شمس بحب: موافقه
يشدها ياسر لحضنه وبعدين يبعدها ويقبل جبهتها: انا همشي علشان جبت اخري
شمس: ياسر هو انت طلعت معايا ليه رجلك خدت علي بيتنا اوي
ياسر: مش بقولك فصيله عبو شكلك والله لمشي سلام
ــــــــــــــــــــــــــــــــــــــــــــــــــــــــــــــــــــــــــــــــــــــــــ
في الصعيد في منزل الحاج بدر
زينب: جومي يابتي الوكل جاهز
دولت تشوف الاكل جبنه قريش وبطاطس محمره تزعق بصوت عالي: بقي انا دولت هانم اكل من الاكل دا انتي اتجننتي وترمي الاكل في الارض
الحاج بدر يقوم يمسكها من شعرها بقوه: اه يا جليله الربايه بتتبطري علي نعمه ربنا انا هجتلك واشرب من دمك يا ساجطه مش كفايه جبتيلي العار ياجليله الحيا
دولت تزقه بقوه: ابعد عني هقتلكم كلكم هقتلللكمممم وبكره تشوفوا وانا اللي هنتصر وهاخد حقي منكم وحق بنتي اللي ماتت فاهميييين هقتللللكممم
تمسكها زينب من شعرها: مشي جدامي يا جليله الربايه ليكي عين تجولي إكده مشييي وتدخلها غرفتها وتقفل عليها
زينب: بتها ماتت كيه يا حاج
بدر بدموع: بتك جتلك بتها ب ايدها يا زينب جتلت ضناها
زينب بصدمه: يا مري يامري كيف جلبها يطاوعها تعمل إكده يا مرارك يا زينب
بدر: قل مايصيبنا الا ما كتب الله لنا يا حاجه
زينب بدموع: لا حول ولا قوه الا بالله
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا عائله الصياد
حمزه: هههههههه كنتو زي الحراميه يعني
احلام: بس ياولد عيب كده
حياه: ههههههه
حمزه: عجبتك اوي
حياه: اه ههههههه
حمزه ويميل علي ودنها ويهمس: ماتجيبي بوسه وانتي زي القمر كده
احلام: يا واد اختشي مش قدامنا
الكل: هههههههههه
تتكسف حياه وتبص لحمزه بغيظ وتتوعد له
حمزه: طيب هقوم انا علشان هموت وانام
احلام: طيب ياحبيبي روحي يا حياه معاه شوفيه عايز ايه ههههههعع
عزه: ههههه قومي يا حياه مع جوزك وانتي يا احلام نامي الوقت اتأخر وانا هاخد ليليان علي غرفتها
احلام: لا سيبي ليليان هتنام معايا هنا
تبصلها ليليان وتبتسم وتحضنها
حمزه: يلا يا حياتي
حياه: تصبحو علي خير
عزه: وانا كمان هنام تصبحي علي خير يا احلام
احلام: وانتي من اهل الخير
وتروح عزه علي غرفتها وحمزه وحياه علي غرفتهم
ــــــــــــــــــــــــــــــــــــــــــــــــــــــــــــــــــــــــــــــــــــــــــ
في غرفه حياه وحمزه
يدخلوا غرفتهم وتروح حياه تفتح الدولاب وتلاقي اللي حضنها من ضهرها ويقبلها من رقبتها تلف ليه بغيظ
حياه بغيظ: وبعديين يقيي مش هتبطل حركاتك المجنونه دي قدام الناس
حمزه ببرائه: الله مانتي اللي حلوه وتتاكلي اكل
حياه بغيظ: والله طب اوعي بقي هروح اخد شاور
حمزه بغمزه: طب مش محتاجه مساعده
حياه: انت قليل الادب علي فكره يا حمزه
حمزه: فيه احلي من قله الادب ايش فهمك انتي
حياه: عااااا باااارد اوعي وتدخل الحمام
حمزه: هههههه مجنونه بس بعشقها ويروح هو كمان علي غرفته ياخد شاور
وبعد شويه تخرج حياه من الحمام وهي لابسه بيچامه نوم برامودا وتستغرب لما تلاقي الغرفه فاضيه
حمزه: انا جيت اهو يا حياتي عارف بتقولي راح فين
حياه: لا مقولتش
حمزه يروح يوقف امامها ويقترب منها: بجد مقولتيش
حياه بارتباك: ل.لا مقولتش وابعد بقي علشان عايزه انام
يمسكها حمزه من ايديها: عايز اسمعها تاني يا حياه
حياه: احم هي ايه دي اللي عايز تسمعها
حمزه: بحبك
حياه: احم حمزه يلا ننام
حمزه ويقترب اكتر: عايز اسمعها تاني يا حياه ولا اعمل حادثه تاني علشان تقوليها
حياه تترمي في حضنه بخوف: لا يا حمزه ارجوك لا انا بحبك يا حمزه بحبك اوي بحبك
حمزه يبعدها عنه ويقبلها من شفايفها قبله طويله ويشيلها ويحطها علي السرير
حياه بخوف: حمزه
حمزه: ماتخافيش يا حياتي انا بس كنت حابب اشيلك لحد السرير اطمني ياقلبي وينام جنبها ويشدها لحضنه ويناموا
ــــــــــــــــــــــــــــــــــــــــــــــــــــــــــــــــــــــــــــــــــــــــــ
تشرق شمس يوم جديد
في غرفه حياه وحمزه يصحي حمزه من نومه ميلاقيش حياه جنبه يعرف ان هي في غرفه احلام يقوم ياخد شاور ويلبس هدومه ويروح لغرفه احلام يلاقي ليليان نايمه وحياه واحلام بيتكلموا
حمزه: صباح الخير علي اغلي اتنين في حياتي ويبوس راس امه وراس حياه
احلام: صباح النور يابني
حياه: صباح النور تحب احضرلك الفطار
حمزه: لا ياقلبي مش جعان انا هروح اطمن علي بابا
احلام: طيب يابني ويروح حمزه لغرفه والده يلاقيه نايم يروح يقعد جنبه علي السرير ويمسك ايديه ويحس ان ايديه متلجه يقلق
حمزه بقلق: بابا
حامد: لا رد
حمزه بخوف: ب.ب.بابا اصحي
حامد: لا رد
حمزه بدموع: بابا بابا ارجوك رد عليا
حامد: لا رد
حمزه بصرخه الم وحزن: باااااااااباااااااااااااا
ــــــــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
من. بعد الاقتباس اللي نزل للجزء الثاني مش هكتب توقعات للبارت هسيبكم انتو تتوقعوا اللي جي بنفسكم يلا بقي ياحلوين وروني توقعاتكم ❤
