Rule Breakers : Royalty Clash ☠

Chapter 16: Mortal Agony (Part 1)

"Eehh! Kaya nga nagsosorry na eh. Mamaya mo na ko pagalitan! Tulungan mo muna kong pakalmahin si Zy at Debs!" - sagot sakin ni Roni. Kahit na seryosong bagay ito, hindi ko mapigilan ang lihim na mapangiti sa itsura ni Roni ngayon. Kung hindi lang seryoso sila Zy ay malamang na tumatawa na ko ngayon.

"Uyy! Sorry na kaseee~ Nan jeongmal mianhaeyo! Promise sa susunod, mas pahahabain ko na yung pasensya ko. Basta patawarin niyo na kooo." - nakapout na sambit ni Roni pero wala pa rin siyang nakuhang sagot mula dun sa dalawa. Nanatili nga lang expressionless si Zy habang naka-upo sa Sofa. Wooooh~ ang scary. Naaawa tuloy ako kay Roni! Mas nakakatakot kasi yung ganitong hindi nagsasalita sila Zy at Debs. Kung ako nasa kalagayan niya ngayon, malamang na maglumpasay din ako!

Halos mawalan na ng pag-asa si Roni nang hindi pa rin siya sinasagot ni Zy. Mukhang desperadang desperada na talaga siya. Maya-maya pa'y nakita ko na lang siyang gumagapang papunta sa kinauupuan nila Zy. Lumuhod siya sa harapan nito at pinagdikit ang mga palad niya na para bang batang nanghihingi ng candy. Putspaaaa! Pwede na ba kong tumawa? Syet lang talaga!

"Uwaah! Kung gusto niyo kong saktan, bugbugin, sampalin okay lang! Gawin niyo na lahat ng gusto niyong gawin sakin. Tatanggapin kooo~ Pero please hinay-hinay lang ah. Wag naman sobraa~ Marami pa kong pangarap sa buhay! Papakasalan ko pa si Shinichi Kudo mylabs, bubuo pa kami ng pamilya at magtatayo pa kami ng pinakamalaking publishing company sa buong mundo kaya pleeeaaasseee! Maawa kayo sakiiiin~ Pero dahil sa naiintindihan ko kayo, sige na! Eto na! Gawin niyo naaa!" - pagkatapos niyang sabihin ang lahat ng iyon ay nag-sign of the cross siya at ibinuka niya ang mga braso niya't ipinikit ang mga mata na para bang nasa titanic. That's it! Hindi ko na napigilan pa ang sarili ko at humagalpak na ko sa tawa! Paking tape na Veronica 'to! Kung ano-anong pinag-iisip sa buhay. Binatukan ko siya ng malakas habang patuloy pa rin sa pagtawa.

"Hahahaha! Para ka talagang tanga Roni! Naka-singhot ka na naman no? Kung ano-ano 'yang pinagsasabi mo." - halos mapaupo na ko sa kakatawa. Sila Zy naman ay natatawa na rin, pinipigilan lang nila.

"Arouch! Mashakit 'yun ah! Tengene nemen kese neto ni Aphro! Nagdra-drama na nga ko eh. Maaawa na nga dapat sakin sila Zy eh. Panira naman 'to." - nakapout na sabi niya, hinimas-himas rin niya yung parte ng ulo niyang binatukan ko. Hahaha! Kasalanan naman niya yun eh. Ang dami kasing alam sa buhay.

"Oh talaga 'tol? Dapat sinapak mo!" - pang-aasar ko sa kanya, tinitigan niya ko ng masama habang nagm-make face. Napatawa na lang ako lalo.

"Itigil mo nga 'yan! Nagmumukha kang unggoy. Tsaka hindi naman naaawa sayo sila Zy eh. Mas natatawa lang sila sa kabaliwang ginagawa mo!" - natatawa ko pa ring sabi. Nag-pout lang siya lalo pero natanggal ang pout niyang 'yun ng tumayo sila Zy at lumapit sa kanya.

Kitang-kita ko ang sunod-sunod na paglunok ni Roni nang lumuhod si Zy sa harap niya. Halatang kinakabahan siya pero panandalian lang naman ang kabang iyon, agad siyang nakahinga ng maluwag ng ngumiti si Zy kasabay ng pagpitik sa noo niya.

"Tanga naman neto." - napakunot ang noo ni Roni sa sinabi ni Zy, nginitian lang naman siya nito. Hayss, ang bipolar talaga nito ni Zyrah. "Tss, andyan na 'yan eh. Wala na tayong magagawa. Kaya tumayo ka na dyan, tigil-tigilan mo 'yang paglulumpasay mo. Pag-uusapan pa natin kung anong gagawin natin para di tayo mabisto." - dagdag ni Zyrah. Halos mapahiga ito sa sahig ng bigla siyang sunggaban ng yakap ni Roni.

"Waaah! Kaya mahal na mahal kita ehh! Sabi ko naman kasi sayo magpakasal na tayooo!" - binatukan siya ni Debby at agad na hila papalayo kay Zyrah. Napapailing na lang ako habang tinititigan kung paano siya hinila ni Debs sa damit habang nagpupumiglas siya na parang bata.