البارت السابع . rose_____ali
.
مروة .
كلش نصدمت من شفته بالملابس العسكريه . وخفت عليه هواي . خفت لايروح مني لكن الي خلاني اكون قويه واتمسك بي اكثر شفت غيرته عليه بعيونه رغم هو محجه شي بس حركاته وكيف نزع سترته ولبسهه الي وكيف كان واكف ع اعصابه ينتظر لمياء وكيف جر الشال من ايدهه . ومن بده يحجي . ويه كل كلمه دموعي تجري . اخر شي من خله القرار عندي ارفض او اقبل بقيت صافنه بوجهه وافكر .
.
شلون يفكر يخليني بهيج اختيار شلون يفكر ويتوقع انه اني ممكن افرط بي او اتركه . هو بالنسبه الي روحي وشلون الانسان يكدر يعيش بدون روحه . محجيت شي ابد . بس حظنته بقوة وهو هم حظني .
انت روحي مستحيل افكر بيوم اتركك لو شنو يصير .
.
حيدر .
كنت متوقع راح يكون هذا تصرفهه . وخرتهه من حظني بهدوء وبستهه من راسهه .
.
ياله روحي وانتظري بهاللحظه تكونين زوجتي . دنجت ع اذنهه وشاورتهه بهمس . ((احبج)) .
.
مروة . ابتسمت االكلمته . وهمستله اني هم احبك .
.
حيدر . ياله لمياء . اخذيهه جوة .
.
عفتهه ورجعنه للاستقبال . عقد النه الشيخ . وبدت الهلاهل . فتت اني وامي وخواتي . كعدت يمهه . ولبستهه الذهب هواي ارتاحيت من شفتهه فرحانه وتضحك . ضعت بضحكتهه وبجمال ملامحهه وبراءة وجهه . احتاجيت اشم عطرهه . بحركه لا اراديه مني لزمتهه من ركبتهه بأيد وجريتهه عليه شميتهه من ركبتهه شويه وخرت كتلهه الاخر لحظه راح تكونين بيهه بعيده عني راح تبقه نفسي بيج الى ان تكونين بين ايدي . كطع هذه اللحظه مسج من سجاد يكلي اطلع احنه بالباب . .
ياله يحلوة اريد الستره .
.
مروة . شنو راح تروح . زين شوكت ترجع .
.
حيدر .
كمت وكفت وجريتهه من ايدهه وحظنتهه بقوة بستهه من راسهه . ورحت ع امي بوستهه هي وخواتي ومروة ابد معافت ايدي مجلبه بيهه . طلعت للباب .
.
وين طالعه هيج . بهذا لبسج رجعي .
.
مروة . بس . 😔
..
حيدر . بدون بس ..ما اقبل تطلعين هيج . فهمتي خليهه بالج ابد ابد ما اقبل تطلعين هيج وتخلين احد يشوفج فاهمه .
.
مروة . هزيتله براسي اي . حل ايدي وراح يسلم ع عمامه وابويه واني واكفه باب المطبخ واباوع عليه وعلى طوله . عيوني عميانه عن الكل الوحيد الي اشوفه يضوي بينهم . قبل ميطلع التفت ورجع علينه باس امه من راسهه وخواته واجه عليه باسني من راسي .
.
حيدر . ديري بالج ع نفسج ماشي وانتبهو ع بعض ما اوصيكم . . ياله في امان الله .
.
عفتهم وطلعت صعدت بالسياره وتوجهنه للمقر . وبلشنه قوانين وفحص وتدريبات .
.
مشت الايام ومر ع وجودي بالمقر ٤٥ يوم واني حتى اتصال ممتصل بيهم . بس اول يوم كتلهم راح اغيب فتره تدريب . يعني خليتهم يأمنون ويرتاحون . اليوم اخر يوم تدريت . رجعنه من ساحه التدريب للمقر كال الضابط عدكم يومين راحه . الي يحب ينزل يشوف اهله . والي يريد يبقى براحتكم . بس السبت بال ١٠ الصبح انتو كلكم هنا . . بالنسبه الي قررت انزل حتى اشوف اهلي ومروة كلش مشتاقلهم . نزلنه اني وسجاد وصلت البيتنه وهو راح البيتهم فتت بدون ميعرفون تلكتني امي شافتني تخبلت حظنتني ودموعهه تجري ممصدكه وع صوت بجيهه اجن خواتي هم حظنني وبوسني سلمت عليهن وبقيت كاعد يمهن شوية .
.
ياله صاعد اسبح وابدل واروح اجيب مروة حتى نتعشى سوة اليوم . واني اجيب عشا ويابه لحد يسوي .
.
ام حيدر . فدوة الطولك الحلو يمه تعيش وتجيب يروح امك .
.
حيدر .
بست ايد امي وصعدت غسلت وبدلت وطلعت شغلت السيارة جان ابن خالتي يوميه يجي يشغلهه . توجهت البيت مروة . وصلت الهم فتت للكراج بدون سيارة لان ردت اشوف رد فعل مروة . دكيت الباب طلعتلي لمياء اول مشافتني كالت .
.
لمياء . عزه هاي انت
.
حيدر . لا خيالي . شلونج ان شاء الله زينه .
.
لمياء . الحمد لله بخير انت شلونك .
.
حيدر . ماشيه ع الله . .. مروة وين .
.
لمياء . فوك بغرفتهه اصعد . ترة حتموت عليك والله . وعلاء هم هنا كاعد بالاستقبال .
.
حيدر .
فتت ع علاء بالاستقبال .
.
هلا بالضلع .
.
علاء .. اهلاً . لك هاي شنو صاير جنك ديج مهلوس من الضعف .
.
أنت تقرأ
حلم شهيد
Romanceبسم الله الرحمن الرحيم . مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا . تقول رصاصةٌ بعد استخراجها من جسدِ شهيدٍ:كنت ٲنوي العبورَ بجانبه ،...
