البارت الخامس
.
✍ روز علي rose_____ali
بقيت احجي ويه حيدر وناسيه الدنيا حتى محسيت بالوقت .الى ان سمعت صايح بابا وصوت امي الي تتوسل بي حتى يهدأ
حبيبي اني اروح هسه لان بابا ديصيح ماعرف شكو . اشوف وارجعلك .
.
حيدر . ماشي .
.
مروة . باي حبيبي .
.
حيدر . بايات .
مروة .
سديت الخط و نزلت بخطوات متثاقله وبهدوء من ع الدرج اريد افهم الموضوع شنو . شفت لمياء واكفه وتسمع . وصلت يمهه . وحجيت بهمس .
.
مروة . خير لمياء شصاير شبي بابا .
.
لمياء . ماما حجت ويا عليج علمود الخطوبه وكام يصيح
.
مروة . اسمع بابا يكول الماما .
.
ابو لمياء . وين لكانه هذا الحافي الشروكي شجابه علينه شلون اله عين ويجي يتقدم اساساً . يروح يخطب وحده من مستوا مو يجي على ناس اعلى منه
.
مروة . من سمعت كلمات بابا هذه صدك نقهرت وتأثرت باوعت بوجه لمياء واني دموعي بعيني . خلص عرفت مستحيل بابا يوافق . بابا من النوع اذا يكول لا يعني لا . صعدت للغرفه من قهري بسرعه نمت ..
حيدر .
بقيت انتظر مروة ترجع تتصل وبالي مشغول وافكر كلت ماكو غير اكيد رفض او اكو شي . معقولة ميوافق . معقولة كالوله . اكل عقلي التفكير . حتى مكدرت انام للصبح . كمت من فراشي غسلت وبدلت وطلعت من وكت . حتى امي جانت بعدهه مكاعده . تلكاني واحد من اصدقائي .
.
سجاد . السلام عليكم . ها ضلع شلونك .
.
حيدر . هلو سجودي . انت شلونك .
.
سجاد . الحمد لله بخير . بس جيت عليك علمود شغله ضروريه .
.
حيدر . خير كول .
.
سجاد . اني وياك قدمنه الفايلات بيد علي مو صح .
بس علي ممسلم لا فايلي ولا فايلك . .
.
حيدر . لعد شنو يجذب عليه . يكلي لحد هسه ماكو شي .
.
سجاد . اي لان خايف عليك . وعليه . بما انه احنه الوحيدين الاهلنه . بس اني بالنسبه الي مصر ع هذا الموضوع ولكيت واسطه قويه بيوم واحد يكمل كل شي . راح اقدم فايل جديد . فاذا حاب تقدم ويايه . كول حتى ثنينه ندز فايلاتنه .
.
حيدر . الله وايدك ياريت .
.
سجاد . استعجل خويه .لان همه راح يبلشون يدامون مضل شي .
حيدر . ان شاء الله . اليوم لو باجر اجيبلك الفايل بس لازم اتواجه ويه علي
.
سجاد . خويه ترة والله هو خايف عليك والا هو ليش هيج يسوي شمصلحته .فلا تواجهه ولا ابد
.
حيدر. انه جان رحت قدمت بدون ما احتاج احد بس لان اريد الموضوع بتسهل ردت واسطه .
.
سجاد . بسيطه خليهه عليه .
.
حيدر . ياله اني اترخص . سجودي . امرلك ان شاء الله . تأخرت ع المحل .
.
سجاد . غالي حيدور .
.
حيدر . اوصلك ويايه .
.
سجاد . الله وايدك . .
.
حيدر . ياله اصعد ..
شغلت السياره ورحت وصلت سجاد البيتهم وطلعت للمحل . اشتغل واني بالي يم مروة وينهه وين صارت وكلش خايف لا صاير شي . للعصر اجه علاء طب للمحل .
.
الله جابك .
.
علاء . السلام عليكم .
.
حيدر . عليكم السلام .تعال الله جابك . .
.
علاء . خير شبيك .
.
حيدر . دك على خطيبتك . شوف صاير شي اكو شي . اكو خبر بخصوص موضوع الخطوبه .
.
علاء . ماشي راح اخابر . بس انت لتبقى هيج متوتر ومدري شبيك ..
.
أنت تقرأ
حلم شهيد
Romanceبسم الله الرحمن الرحيم . مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا . تقول رصاصةٌ بعد استخراجها من جسدِ شهيدٍ:كنت ٲنوي العبورَ بجانبه ،...
