البارت الثالث
.
✍روز علي
.
حيدر .
طبيت للبيت شفت امي كاعده وحدهه بالصاله .
.
ها يمه الله يساعدج ليش لحد هسه كاعده .
.
ام حيدر . يمه انت يوميه تجي من وكت . صارلك كم يوم تتأخر ويبقه بالي يمك وانتظرك . ليش يمه .
.
حيدر . لا يظل بالج يوم . ماكو شي نكعد اني وجماعتي . ومنحس بالوقت . واليوم جنت معزوم بعيد ميلاد انتي لتنتظريني بعد .
.
ام حيدر . يبعد روحي هو اني تغمضلي عين اذا ما اشوفك نايم بفراشك .
.
حيدر .
بست امي من ايدهه وراسهه .
.
كومي بفراشج حبيبه . ولتشغلين بالج وين اروح قابل
.
كامت امي راحت الغرفتهه . واني كعدت ع القنفه طلعت جكاره .ادخن . فتحت الفون شويه اجاني اشعار مسج ع الماسنجر . من منوشه كوين .
.
مروة .
تمددت ع الجربايه و بقيت افكر بكلامه وبكل حجاية يكولهه . افكر بعيونه وطوله ومعاني وجهه وغضبه وعصبيته وابتسامته اخذت الفون وكعدت اكلب
.شفت اسمه نشط ... لحظتهه قلبي رف فتحت المحادثه اريد ادز شي ماعرف شنو اكتب . تالي كتبت ..
📥
مروة . موجود .
.
حيدر. نعم موجود .
.
مروة . شلونك .
.
حيدر . الحمد لله . وانتي .
.
مروة . يعني لا بأس .
.
حيدر . خير ليش لا بأس صاير شي . جا قبل ساعه شفتج تضحكين وتبتسمين وتسولفين .
.
مروة . اريد اتحجب . بس ماعرف شلون وماعرف مين ابدي .
.
حيدر . ماشي . بس شنو السبب الي يخليج تريدين تتحجبين فكرتي .
.
مروة . اي فكرت وهواي . .
.
حيدر . اي وشنو السبب .
.
مروة . فكرت انه الحجاب شيء واجب . مثله مثل باقي العبادات الي اعرفه . كل ركن من هذه العبادات مرتبط بالثاني . فكيف اني اسوي ركن واترك ركن ثاني . فأكيد لازم اطبق كل الواجبات . ما اترك شي .
.
حيدر . صح . زين شنو مفكره اول خطوة تسويهه .
.
مروة . ماعرف .
.
حيدر . شوفي . سبق وكتلج الحجاب شي مقدس . من تلبسي لازم تنطي حقه الكامل . تنطي قدسيته . لذلك . مو تلبسي هسه وبعد فتره تنزعي . والله شنو حارة او مديلوكلي . من تلبسي خلص لازم تتعهدين امام الله .انه انتي مستمره . مهما كانت الظروف .
.
مروة . زين واذا متحملته .
.
حيدر . لا اذا انتي حابه هذا الشي وراغبه بي . ومفكره انه هذا الشيء امر اللهي . و واجب . عليج . هنا راح . تتحملين . وراح تحبي وبمرور الوقت راح تتعودين وتشوفين نفسج انتي مراح تكدرين بدونه ..
.
مروة . باجر اروح اشتري .ان شاء الله . .
.
حيدر . ارجعي فكري زين بقرارج . وشوفي نفسج . وشوفي السبب الي يخليج تلبسين الحجاب لان لازم تلبسي عن قناعه ايضاً ..
.
مروة . صدكني مقتنعه وحابه .
.
حيدر . جيد ..
مروة . ع فكره اسمي مروة ..
.
حيدر . عاشت الاسامي شكيت اسمج مروه . من اسم منوشه ..
.
حلو اسمج .
.
مروة . شكراً . من ذوقك .
.
حيدر . العفو
.
مروة .
((للحظات ساد الصمت بيني وبينه . حرت شلون اخلي يحجي . ويايه .))
.
اكول . 📥.
أنت تقرأ
حلم شهيد
Romanceبسم الله الرحمن الرحيم . مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا . تقول رصاصةٌ بعد استخراجها من جسدِ شهيدٍ:كنت ٲنوي العبورَ بجانبه ،...
