ام عبود: بعد الي تشوفه مناسب نسويه
عبود: شنووو بوية اني ما اكدر اروح هنا شغلي ماشي
ابو عبود: عبود احنا ما نعيش هناك فتره و نرجع، لكن احتمال نبقى سنه او اكثر اذا الشغل زين هناك بـ دبي، و انت كبرت بعد و تعرف تصرف براحتك و السفر الاسبوع الجاي
عبود: يي بوية ان شاء الله ترحون و ترجعون بالسلامة: و اذا كملت اني استأذن صارت الساعة بـ٩ و ربع، بس لا راحو يفرفرون الجماعة و اني باقي اسمع خطابات حتى تعكر مزاجي
ابو عبود: خذ راحتك وليدي
عبود: طلعت شغلت السيارة تصلت على احمد، الوو احمد وينكم اجي اخذكم لو طلعتو
احمد: وين وليت مو تفقنا بـ ٩ نطلع، يلة تعال منتضرينك
عبود: بعدين نسولف ليش تأخرت هسه جاي
رغد: سيف يلة واكفين ننتظرك
سيف: اخذو راحتكم، ليش واكفين عسى ما شر
رغد: سييف شنو اخذور راحتكم، مو كالت لك ماما توصلنا البيت خالتي
سيف: يي ادري بس اريد شوي اضوجج، حتى تصيرين مو حلوة و نطلع
رغد: سيف بس يلة بابا كال ترجعون قبل ١٢ و شكد نبقى، بس يحسبها علية بابا طلعت
سيف: يلة تعاي راح اخذكم مشي، بابا يريد السيارة يطلع بيها
رغد: بعد احسن صار هواي ما ماشيه بالمنطقة، طلعنا اني و ماما و سيف، هم بعد عنا كم فرع
عبود: وصلت للشباب كاعدين و مشغلين نرگيلة، هاا شباب ما نروح نفتر شو كاعدين
احمد: عبود ما تسوة نطلع تعال احلى ارگيلة تفاحتين
عبود: انطيني انطيني خلي اعدل مزاجي بيها بوقتها، اني هم كولت خليها على باجر نطلع
رغد: و احنا رايحين نمشي اكو بالركن الي بفرع بيت خالتي شباب كاعدين، و عطر التفاح يمكن تارس الفرع، اني حيل احبه نتبهت على سيف انطاني نظرة يعني لا تدورين عليهم، بس اني ما اكدر ما التفت و النظرة الأولى حلال، شفتهم ٣ شباب ثنين كانو صافنين على التليفون، بس واحد منهم صدك انيق و مرتب نتبهت لستايلة بعدين نتبهت الوجهة يباوع لي، صارت عيني بعينه و خجلت و درت وجهي، و كملت مشي مهم رحنا بيت خالتي بالركن الثاني وصلنا دخلنا
عبود: ادخن ارگيلة و كنت منزل راسي، رفعت راسي شفت ولد و ياه بنت شابه و مراءه وسط العمر، نتبهت للبنت لابسة شال نيلي و جوه الشال ما اعرف شنو يسموه، كب ماأدري، قباعة بني صاير بلون عيونها، و عيونها بيها سحر يجذب بشرتها حنطيه، شايلة جنطة نيلية، و حذاء نيلي بنت نازكة لفتت نظري
عبود: اكول احمد هاي العائلة من هاذ الفرع
احمد: هااا عبود خير بس لا هم نعجبت بيهة
عبود: لاا مجرد سؤال يعني ما يصير واحد يسئل
احمد: اني حالي حالك مو من هذا الفرع لو عقلك وكف، بعد ما يفكر
عبود: احمد بس، هو سؤال لا تسويها سالفة، اكول مرتضى هاي العائلة منين مجرد سؤال لا تسوي لي سالفه مثل احمد
مرتضى: مجرد صديق مو مقرب لأحمد و عبود بس يقضون وقت و راح يسافر بعد شهر يقيم بتركيا
مرتضى:عبود هاي اول مرة اشوفهم يفوتون منا
عبود: هاا ماشي كملو زحف أخذت من وقتكم بسؤالي.
مرتضى و أحمد: ردو نفس الوقت
امممم عبود، احنا نزحف الزحف عفناه لكرغد: سوالف و ضحك مع بنات خالتي مر الوقت بسرعة، صارت الساعة بـ١٢ تصلت ماما على سيف و اجة اخذنا بالسيارة يعني بابا راجع قبلنا
عبود: يلة شباب صارت الساعة بـ١٢ عن اذنكم، شوي تعبان انتو كملو سهرتكم و زحفكم
احمد: مو احنا عبود حتى ٢٤ ساعة زحف، اني هم اروح مرتضى عن اذنك وصلني وياك عبودي
مرتضى: اخذو راحتكم شباب اني هم نعست
عبود: ها حمودي هسه صرت عبودك عندك حاجة، يلة تعال اشمرك بطريقي
رغد: رجعنا للبيت رحت لغرفتي بدلت بعدين رجعت اتابع المسلسلات
عبود: و احنا بالطريق اكول احمد، ولو هسه تسوي لي سالفه
احمد: لا عبودي احجي شكو خلي احزر بس لا تسئل عن البنت هذيج
عبود: شلون عرفت ردت اعرف هذا الي كان يمشي وياهة، زوجها لو اخوها شنو تكول انت
أحمد: لاا لاا زوجها زوجها، عوف البنت بحالها ما كافي لك يومية زاحف الوحدة
عبود: زوجها اخوها اني شو دخلني بس حبيت اشاركك افكاري، يلة انزل هذا بيتكم لو اني غلطان
احمد: صدك ما كولت لي ليش اليوم تأخرت، كولت لي اكو موضوع شكوو
عبود: احزر شنو
أحمد: مستحيل لا تكول لي راح تخطب ما صدك، تثبت على بنت
عبود: لا هسه بعد وقت، غيرها راح اخذ راحتي
YOU ARE READING
القلادة الفضية
Romanceطيبة القلب و طفلة من الداخل لكن قوية، ماذا أن وقعت بحب شخص متكبر لعوب جريئ ولا يعرف الحب هل ستقع بجنون الحب. حب، فراق، حقد بعده لقاء، ما أحرگ القصة عليكم، اغلب التفاصيل مذكورة بالحلقة المنشورة ..... تابعوا و اعطوني رايكم بالتعليقات و رأيكم هل ي...
حلقة 1
Start from the beginning