أحببت للمرة الثانية ( كرونيك باللهجة الجزائرية)

prt 13

الحلقة 11
بقيت نشوف فيها كيفاه راحت و طلعت للدروج خلاتني نتخبط وحدي وعلاه يعني راهي دير هك وش ذنبي.....
What happened? Did I say something wrong? زاك :
I'm sorry my wife feels tired maybe she is sick أصيل :
Well ok that's fine زاك :
ومبعد راح زاك وانا اعتذرتلو و مالغري هو قالي نورمال بصح انا جاتني تبهديلة و تبعوه وراه بالواحد و في دقيقة فرغت الصالة
قعدت في الصالون كالميت روحي ومبعد جيت طالع تقابلت مع اسيا قلتلها
أصيل : نظفي كلش مانسحقش غدوة نشوف اي حاجة متعلقة بالحفلة ( وطلعت )
دخلت للبيت لقيتها راقدة في سابع نومة ماعلابالها بحتى حاجة بقيت بحوايجي نحيت الكرافاطة و بقيت قاعد و نشوف فيها
عند كنزة
نضت الصباح غير حليت عيني لقيت أصيل مقابلني يشوف فيا و باين مقلق و عينيه حومر باين مارقدش خلعني أول مرة نحل عيني و نلقاه قدامي
أصيل : صباح الخير يا لالا باين رقدتي ملييح
كنزة: مارقتش في حياتي رقدة كيما هاذي
أصيل: اييه باين بصح كيفاه عطاك قلبك ترقدي بعد لي درتيه فيا
كنزة : (نضت من الفراش وراح نحكم شعري ) وش درت
أصيل : (وهو نايض جاي جيهتي) ماتلعبيهاش روحك بهلولة بهدلتي بيا قدام ضيافي اني شاورتك اذا ماحبيتيش كون قولتيلي نعتذر ونصيب 1000 حل علاه راكي تنتاقمي مني
كنزة : انا مادرت والو انا ماقدرتش نمثل و انت غير تستغل في الفرصة ساعة تحط يدك على خصري و مرة على كتافي و تلوحلي الهدرة تاع سويت هارد بزااااف عليا ماقدرتش
أصيل : ماشتيش لبستك العينين اوكل عليك و انا باه مايقدملك حتى واحد نقدم انا خيير و هاذي اخر مرة تلبسي كيما هك و زيد بلاك نتي جاتك تمثيل بصح انا كنت من نيتي
كنزة : أصيل على من راك تكذب انا وياك في زوج علابالنا بلي متزوجتنيش باسكو تحبني الحكاية اوكل مصلحة باه تدمجو الشركات يعني ماكالاه تلعبها
حكمني أصيل من الكول تاع القمجة تاع البيجاما و جبدني ليه و قالي : شوفي ديري وش تحبي انتاقمي كيما تحبي هزي الفكرة لي تساعدك بصح ماعندكش الحق تكذبي مشاعري انا كي نقول نحبك يعني نحبك و اني علابالي وش راني نقول وراني قد هدرتي
تعرفو تاع الصح خلعني ولا قلبي يخبط 180 في ثانية و بقيت ساتة و غير نشوف في عينيه حتان تلقني وهبط . بقيت ساعة و انا نستوعب وش صرالي و مبعد تفكرت بلي اليوم عندي حصة في المعهد و بما انو يومي الاول لازم نخلي انطباع مليح بلي نهتم بالفاشن المهم لبست غوب نواغ ميدي فوق الركبة و يديها تغواكاغ ( يعني نص يد ) و كونفارست بيض و ساكادو نواغ و جيت هابطة انا جوست راح نحل الباب جبدني أصيل و خبطني في الحيط
كنزة : اايييي وش بيك هبلت ...
أصيل : وين راكي رايحة
كنزة :رايحة للمعهد يا كنتا لي قتلي سجلي
أصيل : اييه و ثاني قتلك هاذا وين حاجة
كنزة: ايي ميش وقتك خلاص خليني نروح او راح عليا الحال ( وجيت رايحة بصح هو خبط يدو في الحيط ماخلانيش نفوت)
أصيل : اصلعي بدلي لبستك
كنزة :وعلاه ديجا وش دخلك مانبدلش راهي عاجبتني
أصيل ( خبط يدو على الحيط قريب كسرو) : كي نقولك تبدلي يعني تبدلي انا راجلك و نسال فيك ونتي مرتي حبيتي ولا كرهتي الوغ تطرعي تبدلي ولا نحلف ماكنش خرجة
اااا أصييل ولا واعر صح صح خفتو هبطت من تحت يدو و طلعتللبيت بدلت و رحت للمعهد قريت ز فات نهارعادي و رجعت للدار ريحت في بيتي هو ماكانش عيطت لماما سقسيت عليها و هي ثاني حكينا و مبعد كوبيت بقيت نتفرج في اليوتوب و كي وصل وقت العشا هبطت تعشيت معاه بصح ماحكيناش خلاص و غير خلص هو ناض طلع و انا زدت شوي وطلعت دوشت و لبست بيجاما شورت وبوستي تاعو و درت كريم في يدي و وجهي ريحتو ستروبري هااايلة و انا نشف في شعري قدام المراية تولهتلو كيفاه يشوف فيا راح ياكلني والكتاب لي في يدو راح يطيحلو ( يستاهل واحد ما قلو العب معايا ) درت عندو اتخطف ودار روحو يقرا رحت للفراش عطيتو بالضهر و رقدت