Chapter 16

117 28 49

"Tum nahi samjh pao ge,
jo main sochti hun.
Tum nahi samjh pao ge,
kis azeeyat se guzarti hun!

Tum kya samjho ge pyaare
Ke Zindagi Gulzaar hai?
Tum kya samjho ge pyaare
Ke zindagi phoolon se bhari huwi hai?
~ ahadscupcake

—————-

"mujhe interview ke liye jaana hai tum chalogi mere saath?" Emaan ne yusra se pocha tha.

"main chali jati per office ka bohat kaam hai" yusra ne jawab diya aur emaan udaas huwi thi.

"Arsalan ke saath chali jao woh yousaf ko park le ker ja raha hai" Yusra ne bedhayani me bol diya tha aur parso raat ka saara waqaiya emaan ke zehn me gardish karne laga tha.

"nahi main manage karlungi" yeh kehte hi woh bhar ki taraf bharh gayi

"aaj toh bare logon se mulaqat hogayi!" Woh awaaz Arsalan ke walid ki th. jo ghar ke ander dhakil horaha tha jab emaan bhar ja rahi thi. Emaan ne usko nahi dekha tha per jese hi uski nazar us pe pari, emaan ka chehra gusse ki shiddat se laal hogaya tha.

"kidher ja rahi ho? apne shohar ke pass?" Woh shaqs jahilon ki tarah has raha tha.

"zaroor kyun nahi? aur is bar tumhari koi ghatiyan harkat mujhe rok bhi nahi sakegi!" Emaan ki awaaz me sakhti thi, usne ek ek lafz chaba kar uski aankho me ankhein dal ke bola tha.

"zayada nahi uchal rahi tu!" us shaqs ne emaan ki baazu marori thi aur emaan ke mou se cheekh nikli thi.

"baba yeh aap kya ker rahe hai?" Arsalan bhaagta huwa peeche se aya aur emaan ko uski girift se churwaya tha. Woh zameen per paon marta ander chala gaya aur emaan wahin aankho me ansu liye khari rahi.

"chalo mere saath" Arsalan usko gaari ki taraf le aya. Yousaf bhi unke saath hi tha. Emaan chup chaap wahin bheti rahi. Uska baazu laal horaha tha aur ankho me ansu arahe the.

"mamu balloon " Yousaf gaari me bheta huwa tha jab ussey balloons nazar aye.

"yousaf sit down! abhi pehle khala ko drop krdein phr lelenge" Arsalan yousaf ko samjha raha tha per woh rone lag gaya tha jiski wajah se unhe wahin gaari rokni pari.

"Lala lez go" Yousaf ne gaari se utarte hi emaan ke darwaaza khola aur apne nanhe haathon ne uska haath pakra tha. Emaan usko dekh ke halka sa muskurayi thi.

Woh teeno wahin khaare the jab kisi shaqs ki nazar emaan pe pari thi. Wohi andaaz, wahi chehra, wohi khoobsurat aankhein! woh abhi bhi waise ki waisi hi thi... masoom, sadha, khoobsurat! Phir uski nazar saath khare bache per pari jo uska haath mazbooti se thame khara tha. Woh uske saath muskura rahi thi, per jese hi usne Arsalan ko dekha wohi raat uski aankho ke samne ayi thi. Alyaan ko kuch samjh na aya. Usne apni gaari ka sheesha uper kiya aur agey bharh gaya.

Woh seedhe apne hotel ke room me gaya tha aur wahan jaate hi bed pe khud ko pehnka tha. Ussey aaj phir apna aapko do saal pehli wali jagha per mehsoos horaha tha. Aaj phir woh bebas mehsoos karraha tha.

Woh bacha kon tha?
Emaan Arsalan ke saath kyun thi?
Kiya us raat huwi har cheez sach thi?

Woh aankhein band karke lait gaya.

Tu Shab Main SubhaWhere stories live. Discover now