💔 حب خادع 💔
حياه: صدقني هقتل نفسي لو قربت تاني
حمزه: ويقرب تاني
حياه: وتحط السكينه علي ايديها وتقطع شريان ايديها ويجري عليها حمزه عملتي ايه عملتي ايه انتي مجنونه
حياه وتبدأ تحس بدوار شديد: ا.ا.لموت عندي اهون من انك تقرب مني انا بكرهك بكرهك وتفقد الوعي ويشيلها حمزه يحطها علي السرير ويربطلها الجرح بحاجه علشان يوقف النزيف ويمسك الموبايل ويتصل بالدكتور ايوه يا حسام تعالي بسرعه علي البيت بسرعه ياحسام وبعدين هتعرف كل حاجه ارجوك اوعي تتأخر
ويقعد حمزه جنب حياه علي السرير ويمسك ايديها ويبوسها ليه ليه ياحياه تعملي كده انا مكنتش هقرب منك غصب عنك انا كنت بخوفك بس فوقي يا حياه فوقي وبعد شويه يوصل الدكتور حسام ويدخل الغرفه بدون إذن ويشوف حمزه قاعد علي السرير وماسك ايد بنت ويظهر علي وجهه القلق والخوف
حسام: احم مين دي ياحمزه
حمزه بلهفه: حسام ارجوك انقذها يا حسام قطعت شريان ايديها الحقها يا حسام
حسام: طيب استني بس ويروح حسام يقعد مكان حمزه ويشوف الجرح حمزه دي لازم تروح مستشفي حالا انا هنزل اجهز العربيه وانت شيلها ونزلها تحت بسرعه وينزل حسام يجري ووراه حمزه وهو شايل حياه والجرح بينزف وتشوفه دولت وتالا وليليان وهو شايلها وبيجري
تالا: دي شكلها انتحرت
دولت بغل: يلا خليها تغور ونخلص منها
ليليان: بس ايه اللي حصل علشان تنتحر
تالا بحزن: خالتو هو كده خلاص حمزه اتجوز ومش هيكون ليا
دولت بشر: مستحيل حمزه هيتجوزك ومفيش غيرك هتكون مراته والبنت دي انا عارفه هخلص منها ازاي
ــــــــــــــــــــــــــــــــــــــــــــــــــــــــــــــــــــــــــــــــــــــ
في المستشفي
يوصل حسام وينزل من العربيه ومعاه حمزه وشايل حياه ويدخلها غرفه الكشف
حسام: حمزه اطلع بره انت دلوقتي ويطلب من الممرضه تساعده ويخرج حمزه بره وبعد شويه يخرج حسام ويجري عليه حمزه
حمزه بلهفه: حسام حياه كويسه فيها حاجه
حسام: الجرح كبير اوي بس الحمد لله ربنا ستر وشويه وهتفوق وتقدر تاخدها بس مين دي ياحمزه وكانت بتعمل ايه في غرفتك
حمزه بحزن: مراتي يا حسام
حسام بصدمه: ايه مراتك امتي وازاي
حمزه: مش وقته يا حسام
حسام: طيب يا حمزه ادخل اطمن علي مراتك وربنا يقومها بالسلامه وشويه كده هاجي اطمن عليها واشوف ينفع تروح النهارده ولا لا ويمشي حسام يروح مكتبه ويدخل حمزه لحياه يشوفها نايمه يروح ويقعد ويبص علي ملامح وشها الحزينه حتي وهي نايمه ويتنهد تنهيده طويله ياتري ياحياه ليه الحزن اللي علي وشك دا وسببه ايه من يوم ماشوفتك وانا حسيت اني بتشد ليكي طول عمري بكره النساء بس لما شوفتك معرفش عملتي فيا ايه ولا لما اغمي عليكي قدام عيني انا اتجوزتك علشان اتشديت ليكي ومعرفش ليه الاحساس دا او ليه انتي اللي حسيت كده ناحيتك بس كل اللي اعرفه دلوقتي اني عايزك تفوقي فوقي ياحياه فوقي
وبعد شويه تبدأ حياه تفوق وتظهر الرؤيه قدامها وتشوف حمزه تحس بالذعر وتترعش ا.ا.بعد عني اوعي تقرب مني ابعد عني ونصرح ااابعد عنيييي ويقرب منها حمزه ويحاوطها بذراعيه بس اهدي اهدي وينادي للممرضه ويطلب منها تنادي الدكتور بسرعه ويجي حسام يجري
حسام: ايه اللي حصلها مالها يا حمزه
حمزه: فاقت وقعدت تصرخ وبتترعش
حسام: ويديها حقنه مهدئه وتنام وهي بتقول بصوت متحشرج ا.ا.ا.بعد عني ابعد عني لاا لاااا وتنام حياه
حمزه: حسام انا لازم اخدها من هنا دلوقتي حالا
حسام: مينفعش ياحمزه هي لسه تعبانه
حمزه: وانا قولت هاخدها من هنا ويروح حمزه عند حياه ويشيلها ويمشي
حسام: طيب استني هاجي اوصلك ويمشي معاه حسام ويوصلوا الڤيلا وويشيل حمزه حياه ويطلعها الغرفه وينيمها علي السرير
حسام: طيب ياحمزه انا همشي انا دلوقتي بس حاول تبعدها عن اي توتر ويمشي حسام ويقعد حمزه جنب حياه ويملس علي شعرها انا اسف علشان وصلتي للحاله دي بسببي فوقي وانا اوعدك هعوضك عن اي حاجه وحشه شوفتيها في حياتك ويبوس راسها ويسمع صوت الباب بيخبط يروح يفتح يلاقي تالا ودولت وليليان
حمزه بغضب: ايه اللي جابكم هنا وعايزين ايه
دولت: براحه علي نفسك شويه فيه ايه جاين نطمن علي الهانم مراتك اللي حاولت تنتحر ليله فرحها
حمزه بغضب: قسما عظما لو جيبتي سيرتها تاني علي لسانك هخليه اخر يوم في عمرك يادولت هانم فاهمه
تالا: انت بتكلمنا كده ليه وعلشان مين علشان دي
حمزه: دي اللي مش عجباكي احسن منك ومن كل اللي زيك علي الاقل مش رخيصه بترمي نفسها علي كل راجل شويه
تالا: قصدك ايه ياحمزه انا رخيصه يعني
حمزه: عليكي نووور اهو انتي اعترفتي بالسانك وانا ميشرفنيش ان اللي تشيل اسمي واحده رخيصه زيك
ليليان: خلاص ياحمزه وانتي يا تالا انتي وماما يلا بينا من هنا وجودنا هنا ملهوش لازمه هو حر هو ومراته
حمزه: بالظبط كده وجودكم هنا ملهوش لازمه وفهمي امك الكلام دا كويس ومش عايزه اشوف واحده فيكم معتبه باب الاوضه دي تاني والا هندمكم علي اليوم اللي اتولدتوا فيه ويقفل الباب في وشهم
تالا: لا كده كتير بقي انا يقول عليا رخيصه وبرمي نفسي علي كل راجل شويه طيب يا حمزه ماشي
دولت: والله لتدفع التمن غالي اوي ياحمزه ان مادمرتك انت والزباله اللي معاك دي مبقاش انا دولت
ــــــــــــــــــــــــــــــــــــــــــــــــــــــــــــــــــــــــــــــــــــــفي مكان ما
هو: حبيب قلبي
هي بغل: اوعي كده ابعد عني
هو بخبث ويحاوطها بذراعيه: ليه بس ياقلبي الجميل زعلان مني ليه
هي بعصبيه: انت قولتلي هتخلص علي حمزه مش كده بس انا مش شايفه انك بتعمل حاجه ولا انت خايف منه
هو بغضب: مين هو علشان اخاف منه انا بس مستني الوقت المناسب وهنفذ علي طول المهم فيه اخبار جديده
هي: ايوه البيه اتجوز
هو: اتجوز ومين بقي تعيسه الحظ اللي هتترمل بدري
هي: بت كده باين عليها بلدي اوي كل اللي عرفته ان هي السكرتيره بتاعته
هو بصدمه: لا مش معقول مستحيل ياخدها مني انا حبيتها اول ماشوفتها والله ماهسيبك ياحمزه مش هسيبك وحياه هتكون ليا حياه ليا انا بس ايوه ليا انا
هي: سرحت في ايه
هو: لا ياحبيبتي مفيش حاجه ويكمل بخبث هو احنا هنفضل نتكلم علي حمزه اليوم كله ولا ايه انتي وحشتيني اوي
هي: وانت كمان ياعمري وحشتني اوي وتلف ايديها حوالين رقبته وهو يشيلها ويدخل بيها الاوضه
انا: داهيه تاخدك انت وهي يارب تولعوا 😒
ــــــــــــــــــــــــــــــــــــــــــــــــــــــــــــــــــــــــــــــــــــــ
في غرفه حياه وحمزه
تبدأ حياه تفوق بس متلاقيش حد في الغرفه تحاول تقوم وتروح تفتح باب الحمام ولسه هتدخل بس تتخض لما تلاقي حمزه خارج منه وعاري الصدر ترجع حياه لورا بخوف
حمزه: متخافيش اهدي مش هقرب منك اهدي انا بس كنت بغير هدومي انا اسف هلبس حالا
حياه: من غير رد تدخل الحمام وتقفل عليها الباب وتقعد تعيط ويبعد شويه تمسح دموعها وتخرج تلاقي الاوضه فاضيه وحمزه مش موجود بس تشوف ورقه علي السرير تروح تمسكها وتقرأ المكتوب فيها حياه انا اسف بس صدقيني انا مكنتش هقرب منك انا كنت بخوفك بس انا اسف علي العموم انا خرجت وهرجع متأخر خدي راحتك وهدومك هتلاقيها في غرفه الملابس انا خليت الخدم يحضروا كل حاجه واسف مره تانيه
حياه بدموع: انت عايز مني ايه وليه انا مش كفايه عليا الوجع اللي سببتهولي قبل كده ليه ليه حرام عليك وكمان عامل فيها برئ ربنا ينتقم منك حسبي الله ونعم الوكيل فيك منك لله منك لله وتترمي حياه علي السرير وهي منهاره وتمسك شنطتها وتطلع منها صوره ليه الزمن بيعيد نفسه ليه مش كفايه اللي حصل زمان ليه بيتكرر تاني معايا ليه ليه انا تعبت من غيرك والله تعبت كل يوم اقول بكره جرحي يلم بس الظاهر اني هفضل عمري كله مكسوره بسبب بعدك عني اااه ياارب يااارب مليش غيرك وتنام حياه وفي حضنها الصوره ي
ويوصل حمزه البيت الساعه 12 بعد منتصف الليل ويطلع غرفته يلاقي حياه نايمه يروح يقعد في الارض قصادها ويمشي ايده علي شعرها وعلي خدها تعرفي انك شبه الملاك وانتي نايمه بس ليه الحزن اللي علي وشك وايه سببه لازم اعرف يا حياه لازم اعرف ايه سبب حزنك دا ويبوس جبينها ويغطيها بس يلمح صوره في حضنها يخاف يشيلها تصحي وتنهار تاني يغطيها ويروح ينام علي الاريكه
ــــــــــــــــــــــــــــــــــــــــــــــــــــــــــــــــــــــــــــــــــــــ
ويمر اسبوعين وحياه دايما في غرفتها وحيده بعد مانقلت في الغرفه اللي جنب غرفه حمزه وتسمع صوت الباب بيخبط تروح تفتح تلاقي دولت
حياه: نعم مين حضرتك
دولت بقرف وتزقها وتدخل الغرفه اسمعي بقي ياحلوه انتي مش هتقعدي هنا هانم انتي زيك زي الخدم اللي تحت دول ويمكن انتي اقل منهم كمان مش واحده زيك من الشارع هتعمل نفسها هانم وصاحبه بيت لا يا ماما فوقي
حياه بعصبيه: انتي مين علشان تكلميني بالاسلوب دا اسمعي انتي بقي كلامي لولا انك في سن والدتي كنت عرفتك مقامك وحذاري تتكلمي معايا كده تاني ودلوقتي اتفضلي اطلعي بره وماتعتبيش غرفتي تاني
دولت بغضب وصوت عالي: انتي اتجننتي ازاي تكلميني كده انا دولت هانم
حياه وهي تتصنع الخوف: يا مامي تصدقي خوفتيني يلا يا حاجه اطلعي بره قال هانم قال
دولت بعصبيه: لا دا انتي زودتيها اوي وتيجي ليليان وتالا علي صوتهم
ليليان: ايه فيه ايه يا ماما صوتك عالي كده ليه
دولت بعصبيه: اسألي اللمامه تربيه الشوارع دي
حياه بغضب: اسمعي ياست انتي قسما بالله لو لسانك غلط تاني لكون ناسيه انك في سن والدتي وهعرفك مقامك
تالا: انتي اكيد مجنونه ازاي تكلمي دولت هانم بالطريقه دي فعلا انك تربيه شوارع وناقصه تربيه
حياه بغضب: والله ماهي محصله حتي سواقه توكتوك وبالنسبه لتربيه الشوارع تعالي بقي اما اوريكي تربيه الشوارع بيعملوا ايه وتمسكها من شعرها تنيمها في الارض وتقعد فوقيها وتضرب فيها وتالا تصوت ودولت وليليان يخافوا يقربوا منها
تالا: الحقيني يا خالتو ااااه هتموتني الحقووونييي
ليليان: الحقي يا مامي هتموتها ويقربوا دولت وليليان علشان ياخدوا تالا منها
حياه وهي فوق ليليان بتضربها: قسما بالله اللي هتقرب هتكون مكانها ابعدي عني منك ليها
تالا: تصرخ وتعيط اااه يا مااامي سيبيني يا متوحشه انتي
حياه: ودي تيجي لازم تشوفي تربيه الشوارع علي اصولها ويدخل حمزه الغرفه ويتصدم من المنظر ويحاول ياخد تالا من حياه
حياه: سيبني عليها الحيوانه دي سيبني اربيها
حمزه: اوعي بس يا حياه هتموتيها
حياه: والله ابدا انا تقول عليا تربيه شوارع البت المسهوكه دي والله لقتلك
حمزه: خلاص يا حياه مانتي ضربتيها كفايه بقي سيبيها ويقوم حمزه تالا ويبعدها عن حياه وتيجي حياه تهجم عليها يبعدها حمزه خلاص بقي يا حياه كفايه كده وانتو ايه اللي جابكم هنا انا مش قايل محدش يقرب من غرفه حياه
دولت: ا.ا.انا كنت طالعه وهي اللي نادتلي واتخانقت معايا
حياه: الوليه ام اربعه واربعين دي كدابه وعايزه تاخدلها علقه زي الزباله التانيه
حمزه: اهدي يا حياه وقوليلي حصل ايه
حياه: انا كنت قاعده وهي خبطت عليا وزقتني ودخلت وقالت عليا اني اقل من الخدم اللي هنا والحيوانه دي قالت عليا تربيه شوارع وانا عرفتها تربيه الشوارع بيعملوا ايه
حمزه بغضب وصوت عالي: انا قولت كام مره محدش يقرب من حياه ولا يقرب من غرفتها هاا صدقوني دا اخر انذار ليكم انتو التلاته اللي هيقرب من مراتي تاني هرميه في الشارع انتو فاهمين برررره ويخرجوا التلاته من الغرفه وعلي وشهم نظرات الغل والكره ويقفل حمزه الباب
حمزه: حياه انا اسف معلش اللي حصل دا مش هيتكرر تاني اوعدك
حياه بدموع: ارجوك انا ولا عايزه اسمع منك ولا منهم انا عايزاكم تسيبوني في حالي انا مكاني مش هنا واهو اخرتي يتقال عليا اقل من الخدم وتربيه شوارع ارجوك سيبني في حالي بقي وطلقني
حمزه بلهفه: اوعي ياحياه اوعي تقولي كلمه طلاق دي تاني انا مستحيل اطلقك ولو حاسه بالخنقه انا هبعت السواق يجيبلك والدتك تقعد معاكي يومين بس طلاق لا يا حياه
حياه وتحس بالدوخه وعدم التوازن: يمسكها حمزه ويلاقي الجرح بينزف وتقع حياه بين ايديه و............
ــــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
توقعاتكم
ياتري مين المجهول واللي معاه؟
وليه عايز يدمر حمزه؟ وليه البنت اللي معاه بتكره حمزه وعايزه تقتله؟
ومين الشخص اللي في الصوره اللي مع حياه؟
وياتري حياه وحمزه هيستمروا مع بعض؟
وايه السبب اللي حياه علي طول حزينه بسببه؟
