Ako'y ipinunla, ngunit walang nag-alaga,
Nakatiwangwang, naulanan, naarawan,
Nangalirang, naglagas, nilunod ng baha,
At binayo ng hanging habagat' amihan.
Ngayon, munting dahon ay umuusbong,
Habang ang mga peste'y paligid-ligid.
Kunwa'y dadapo, pero manira ang layon,
Aking mga sanga'y kitilin, wasaking pilit.
Malakas kumunyapit, aking mga ugat,
Kaya puno ko ma'y hampas-hampasin
O 'di kaya'y sa lupa'y tuluyang iangat,
Ako'y muling sisibol, aking pipilitin.
Anumang puwersa, anumang elemento,
Kahit walang mag-alaga't magdilig,
Walang makakapigil sa aking pagtubo,
Ako'y sa Kanya, patuloy na nananalig.
BINABASA MO ANG
A Poem A Day Keeps the Stress Away
PoetryWARNING: Huwag Babasahin. Under Construction.