Chapter 8

198 29 268

"insaan bhi ajeeb hota hai kabhi toh hum kisi shaqs ki ek baat per fida hojate hai aur kabhi kisi shaqs me hazar khubiyaan hi kyun na ho woh aam shaqs reh jata hai! Kuch rishte khoon ke hotey hai aur kuch rishte dil ke! Kabhi toh khoon ke rishte bhi humare liye woh nahi karte jo yeh dil ke rishte kar jate hai. Baat insaan insaan ki hai, Baat logon ki hai! Achay toh sab hee hotey hai, bura bnana kisko pasand hota hai. Magar dosra insaan us ek shaqs ko kis nazar se dekhta hai is baat per zindagiyan sawar bhi jati hai aur tabah bhi hojati hai!

"Tum araam karlo" Emaan Alyaan ke haath ka sahara lete huwe kamre me ayi thi, Alyaan ne bari ehtyaat ke saath usko bed pe laitaya tha aur phir kamre se bhar chala gaya. Emaan chup chap wahin laiti rahi.

Gaari ki raftaar tez thi, uske dimgh me abhi tak doctor ke bole huwe ilfaaz aur Emaan ke saath huwi guftugu chal rahi thi.

"hum kuch nahi keh saktey, abhi woh kafi stressed hai aur ayse me surgery karna bhi theek nahi, aap koshish karein ke unko khush rakh sake" Woh wahan hospital me, Doctor Iram ke samne wali kursi me bhetha tha.

"Woh theek hojayegi?" Alyaan ne dheemi awaaz me sargoshi ki thi.

"Dekhein Mr. Alyaan, zindagi aur mout Allah ke haath me hai, humne bohat case handle kiye hai aur Emaan kafi lucky hai ke unka case abhi zayada bigra nahi hai, hum koshish karenge, Zayada tar log Surgery ke baad kafi saal tk survive karte hai aur kuch surgery
ke waqt hi dum tor dete hai! hum apni taraf se puri koshish karrnge, baqi jo Allah ki marzi!" Woh Alyaan ko dostana raviye se samjha rahi thi.

"Assalam o alikum bhaabhi"

"Walikum aasalam Alyaan" Phone ki dosri taraf Nimrah thi.

"Bhabhi hum mil saktey hai?" Alyaan ki awaaz me ajeeb pareshani thi

"haan zaroor, per kheriyaat?" Ab nimrah pareshan huwi thi

"Jee main aapke ghar ke neeche hun, please kisi ko btayega mat" Yeh keh ker usne phone band kardiya.

_____

"tum abhi tak jaag rahi ho?" Raat ke 12 baj rahe the Alyaan kamre me aya jab Emaan wahan sofay per laiti huwi thi.

"kuch khaya? aur yahan kyun pari ho? itna bara bed nazar nahi araha?" Itne sawalat per uska koi jawab nahi aya tha.

"Emaan main tumse baat karraha hun" Alyaan chira tha.

"maine bola mujhse baat karo?" Emaan ka lehja sakht tha. Alyaan thori der chup chap ussey dekh raha tha.

"Emaan.. main" Woh apna jumla mukammal kar hi raha tha jab Emaan wahan se uth ker uske samne aa ke khari huwi thi.

"bas Alyaan please bas, mujhe nhi zaroorat tumhari jhooti humdardi ki, mujhe nahi zaroorat tumhare saath ki, mujhe nahi zaroorat is rishte ki, mujhe akela chor do please mujhe nahi rehna tumhare saath" Uske awaaz me gussa aur dard tha. Woh yeh kehte hai uske samne se hati thi aur Alyaan ne usko baazu se pakar ke dewaar ke saath lagaya tha aur ab ain uske samne aa khara huwa tha. Uske dono baazu dewar pe they aur Emaan beech me khari thi. Emaan ki ankho pe gussa shiddat se tha uski ankhein laal horahi thi aur woh abhi bhi uski ankho se dekh rahi thi. Alyaan ne uski taraf dekha aur woh gehri bhoore rang ki kayi tarha ke ehsaas dekhate huwi aankho me khoya tha . Ek ke ander gussa ubhar raha tha aur dosre me sharmindagi. Lamha toota tha, Alyaan uske aur qareeb huwa tha aur uska haath apne haath me liya tha, Emaan hichkichai thi, uska gussa ansuon me tabdeel huwa tha, Alyaan ne uska haath apnay honto ke qareeb le ker gaya tha, halka se boosa diya . Emaan ki ankho se beikhtyar ansu gire the.

Tu Shab Main SubhaWhere stories live. Discover now