الجزء 20

20.8K 491 100
                                                  

#كوبرا
بدت حياتي في غربه .. المشغل صقع هلبا .. يقطر ميه جهة الباب .. نحاول ندفي وعد .. يهرب عليا الضي في الليل نعديه و عيوني مفتوحه .. إنوض الصبح انشف الميه و نقيم الفراشات و نفتح المشغل نبدا خدمتي ..
ينضربوا خيوط الضي .. نصكر على روحي باب المشغل و نخدمهم بروحي .. يروحوا البنات و نقعد نخدم للصبح مرات .. و وعد بدت تمشي و تبي من يراقبها كان مست حاجة ..
قسمت وقتي .. الصبح نفصل و نخيط .. العشيه نطلع انا و وعد ناخد شن ناقصني .. و في الليل نرسم تصاميم ..
و في كل مرة نحط القرش ع القرش .. كثرت عليا الخدمة .. و حسيت إن المشغل بدا ضيق عليا .. و بديت نفكر ننتقل لي مكان تاني ..
كان حمزه أحنّ و أوفى من أماليا .. نوران بس متواصله معاي و تجيني ..
كنت نقعد فتره طويله ما نحكيش مع حمزه الا برساله تحكي شوق كبير ..
كلمة ( كيف حالك ) في رسالة .. كانت تحضنك .. تمرر كفها ع خصلات شعرك .. تدفيك في البرد .. تقولك انا معاك و ما نسيتك ..
بديت ندور ع مكان تاني نستأجره للمشغل و نبيه يكون كبير .. ع الاقل تكون عندي حجرة أنا و وعد .. و بعد أيام .. حصلت مكان في موقع كويس هلبا .. وقعت عقد الإيجار .. و بديت ننقل في حاجتي .. و فرشته .. و جهزت داري انا و وعد ..
جتني نوران باركتلي و قعدت عندي .. قتلي قداش خاطري تروحي معاي حوشنا توا ..
قتلها حتى انا و الله .. بس الله غالب المكان مش مكاني ..
قتلي الراجل الي امك اعطاته الفلوس .. قتلها ايه فكرك في الشهاده شن صار فيه !! ..
قتلي نصب عليهم .. معاش يعرفوا عليه شي .. قتلها لا مش معقوله 😳😳
قتلي غير شفرته .. و أسمه طلع غلط .. قتلها كيف عرفتوا ان اسمه غلط ؟؟
قتلي سأل عليه سامي ..
قتلها لا حول و لا قوة الا بالله 😳😳 مشوا الفلوس صار ..
قتلي أمك لين مرضت لما سمعت .. قتلها عادي بالعكس .. أهم شي صلوحه كويس ..
قتلي ماهو كان عندها أمل صلاح يطلع .. قتلي يومها قتلي زعمه نتصل بي حمزه نقوله بالك يشده الراجل و يردلنا فلوسنا ؟؟
قتلها امك تبي تتصل بي حمزة ؟؟ 😳😳
قتلي ايه ..
قتلها به !!!
قتلي ايه قتلها لا تكلميه و لا تتصلي بيه ...
قتلها نوران انا عجزت على فهمهم اماليك .. توا مش حمزه ما ينفعش و حابس ولدها !! علاش بتكلمه على الراجل ؟؟
قتلي توقعي حتى كلماته ..
قتلي ايه حق نسيت 🤭🤭 .. قتلها شن مازال ؟؟ قتلي راجلك طلق مرته 😄😄
قتلها بجد 😳 !!
قتلي ايه .. شكله مكسد قال خلي نخفف من أزمة الزواج المتأخر .. نخليهم كلهم مطلقات خير من مش متزوجه 😁😁😁
تخففي في دمك نوران 🙄🙄 .. قتلي لا و الله .. بس مداير لي روحه جو 😆😆
............................
و فاتت شهور .. و أنا كل يوم خدمتي تكبر .. و بعت سيارتي و شريت سيارة حديثه ..
و كان في شي واحد بس بين عيوني .. ان يكون عندي حوش ملك ..
و في يوم و انا مقعمزه نرسم في تصاميمي بعد ما صكرت المشغل .. سرحت في حياتي كيف كانت لما كنت عند سراج و كيف طلعت من غادي .. و خطرت على بالي المرأة الباكستانيه و بنتها الي كانت تخدم على مكينة الخياطه ..
قررت نمشيلهم تاني يوم ..
نضت الصبح .. جهزت نفسي .. و فتحت المشغل و خديت وعد و طلعت .. اتصلت بيا نوران قتلي تعالي تغدي عندي ..
قتلها اليوم ما نقدرش خليها مرة تانيه ..
في الطريق وقفت ع سوق و خديت كل شي .. و كملت مشواري ..
وصلت بعد ساعتين .. نزلت من سيارتي .. طقيت ع الباب .. فتحلي راجل ليبي .. قتله نبي المرأة الباكستانيه ..
قالي حولت من هنا .. قتله تعرف مكانها ؟؟ قالي نعرف لكن انتي بالك ما تزبطيش المنطقه ..
قتله ايه و الله ما نعرفهاش كويس .. قالي تو نطلع قدامك بالسياره و تبعيني ..
طلع قدامي و الراجل .. و حطيت في بالي انه مرات يكذب ..
وصلنا و ما نزلتش من سيارتي .. لين طق هو على الباب و طلعت المرأة الباكستانيه ..
نزلت من سيارتي و شكرته .. و سلمت عليها .. ما عرفتنيش ..
نحيت نظاراتي .. بردوا ما عرفتنيش .. قتلها انا نور .. كنة حوش ( .......)
قتلي اووووووو هلبا تغيرتي .. و سلمت عليا تاني و قتلي خشي داخل ..
قتلها لحضه بس .. مشيت سيارتي خديت وعد .. و اول ما شافتها فرحت هلبا و جت خدتها مني ..
و الله العضيم عندهم صفاء روحي عجيب 👌🏻نفسهم نقيه .. ♥️🌺
خشيت و لقيت ياسمين ( بنتها ) تخدم ع المكينه .. ما عرفتنيش في الاول .. بعد ما حكتلها أمها عرفتني و سلمت عليا ..
قعدنا نهدرزوا .. و انا حاسه براحة معاهم أكثر من أهلي 🤷🏻‍♀️💔
طيبتلي حوت .. جابت غاز الصغير جنبنا .. و تقلي في الحوت و تهدرز ..
الساعه 2:00 قتلهم انا لازم نمشي مزال هلبا الطريق طويله ..
بس قبل ما نمشي انا نبي نطلب منكم طلب ..
قالولي حاضر ..
قتلهم انا عندي مشغل في طرابلس .. نبي ياسمين تخدم معاي و بمرتب كويس .. و انتي تقعدي معاها غادي و مش ح ينقصكم شي ..
فرحوا هلبا لدرجة انهم قالولي نمشوا معاك توا ؟؟
قتلهم لمّوا حاجتكم هادي كلها و انزلوا طرابلس كلموني طول .. قالولي به خلاص ..و الفرحه في عيونهم .. و انا طالعه شدت ياسمين إيدي تبي تبوسها .. قتلها لا لا لا أستغفر الله 🤚🏻🤚🏻 قربت منها و حطيت ايدي ع خدها .. قتلها تتفكري يوم قمتي فرشة المكينه و اعطيتيني فلوس !!
عيونها دمعوا و هزت راسها ايه ..
قتلها الله☝🏻عز و جل قال { وَلَا تَنْسَوُا الْفَضْلَ بَيْنَكُمْ } ...
حضنتني و الدمعه في عينها و في عين أمها ..
طلعت و فتحت سيارتي .. و نزلت كل الي خديته من الطريق .. و هما يشكروا فيا ..
و ركبت سيارتي و توكلت على الله .. و أنا حاسه بأنشراح .. حاسه بطاقه إيجابيه ..
يااارب قدرني نرد فضل الناس عليا و ما نتناسى يارب .. ♥️♥️
وصلت للمشغل .. و كنت متعبه من الطريق .. غيرت ملابسي و رقدت .. تاني يوم جتني نوران .. تحكيلي شن صاير في امي و كيف صرفت الفلوس كلهم و كل مرة تدين من نوران و معاش تلحق تردلها .. قتلها للدرجة هادي !
قتلي خوك يحساب روحه يحضر في الدكتوراة .. مصاريفه يتحشم حتى الي يقرا يطلبها ..
قتلها نوران انا كل شهر نعطيك مبلغ و اعطيه انتي لي أمي .. و من غير ما تقولي إنهم مني ..
قتلي ليش ما نقولش إنهم منك ؟؟
قتلها أنا هكي نبي ..
قتلي معاش كلمك حمزه ؟؟ قتلها مرة مرة نبعثوا في رسايل لبعض و بس 💔😔
قتلي ما أقوى قلبك ..
قتلها بالعكس .. بس هكي افضل .. 
بعد اسبوع كلمتني ياسمين و أمها و قالولي احنا جايين طرابلس .. قتلها تمام انا نستنى فيكم .. و اول ما وصلوا جبتهم للمشغل ..
و قلت للبنات الي عندي ياسمين ح تكون مشرفه على كل شي هنا ..
و تعرفت ع المكان و بدت تخدم .. و يوم عن يوم يكثر الشغل .. و فتحت مشغل تاني و خليت فيه المغربيه و البنت الي معاها ..
و أجرت حوش جنب المشغل .. و سكنت فيه انا و ياسمين و أمها .. و كل شهر نعطي لي نوران فلوس تعطيهم لي امي .. و مرات يصير ظرف و نعطي لي نوران تعطيهم .. و طلبت من نوران تخلي نارمين تكمل قرايتها و المصاريف مني ..
و قعدت ع هذا الحال .. و بفضل من الله كل يوم يزيد الشغل ع اليوم الي قبله ..
سافرت انا و ياسمين و أمها للعمره .. و كانت أم ياسمين ديما مهتمة بي وعد .. و تعامل فيها كأنها جدتها ..
و فتحتلي الدنيا إيديها .. و في كل وقت و كل لحضه نحمدالله عز و جل ♥️♥️
حملت نوران و ولدت بنت و سمتها ( نور ) و دارت لمة و مشيت .. و خليت وعد مع ياسمين ..
كنت في قمة أناقتي .. و حتى أمي لو تشوفني ممكن ما تعرفنيش ..
خشيت و لقيت خالاتي و بنات خالاتي غادي .. و مرت عمي .. و امي و نارمين .. كلهم عيونهم فيا 😳😳😳😳
إيه .. إيه .. أنا هي الطفله الي كانت تلبس في خمار .. أنا البنت الي حملت من غير ما تعرف كيف 🤷🏻‍♀️ .. أنا البنت الي ضحكتوا عليها لما شرت تليفون جديد .. و أنا .. و أنا .. و أنا ............
سلمت عليهم و الدمعه في عين أمي حزينه جداً .. ممكن لأنها متحسره إنها خسرتني .. ممكن لانها ما كانتش مؤمنه بنجاحي 🤷🏻‍♀️
قعمزت و كلي ثقه إن وعد الله حق 👌🏻..
بعد ساعه قتلهم بنروح انا .. قالولي مازال وقت .. قتلهم ما نحبش نقعد برا لي وقت متأخر .. قالولي عاد حتى راجل ما عندكش يحكم فيك .. احنا بدينا نمشوا للصالات و للعراس و نروحوا بروحنا 😄
قتلهم بس أنا لا .. و حتى لو ما فيش من يحكم فيا .. أنا نحكم في نفسي 😉😉
قالولي وين تسكني باش نجوك نهار تاني 😍 ..
قتلهم نسكن في ( ......) و تفضلوا مرحبتين بيكم في اي وقت ..
قالولي وين بالزبط ؟؟ قتلهم جهة محل وعد .. قتلي بنت خالتي نعرفه خديت منه عباية ..
قتلها ليا المحل .. و المشغل الي داخل ليا حتى هو .. كانوا كلهم 😳😳
قتلهم مرحبتين بيكم في اي وقت ☺️☺️ ..
و مشيت لي بنت نوران و حطيت لها حديدة أسم ذهب .. و عزوزتها عيونها فيا بتشوف شن حطيت .. و تفكرت هداكا اليوم 🤷🏻‍♀️🤷🏻‍♀️
و طلعت ركبت سيارتي و روحت .. و أول ما وصلت قدام الحوش .. لقيت حمزه ..
اوووووف ♥️♥️ سلمت عليه .. قالي تليفونك صامت ؟؟ قتله مش عارفه .. بس نوران جابت بنت و كنت عندهم ..
قالي استاحشتك جيت نشوفك .. ♥️♥️
و لا قدرت ناخدك و لا قدرت ناخد غيرك 🤷🏻‍♂️...
قتله حمزه انت مش ناقصك شي و تقدر ترتبط من غدوة ..
قالي ناقصني انتي ..
قتله أنا ما نقدرش نتزوجك بروحي من غير أهلي .. قالي نرجع نكلمهم تاني .. نرجع نمشي لي خوك تاني ..
شديت إيده .. و قتله شن رايك بكره نحكوا .. توا ليل ..
قالي اركبي حوشك و كلميني .. قتله ع فكره حتى انا استاحشتك ♥️♥️
ركبت لقيت قدام الباب ورد .. قمته و انا فرحانه 😍 .. خديت تليفوني بنشكره ..
لقيته يتصل بيا .. رديت .. قالي مش ليك لي وعد الورد 😉😉
قتله و انا ؟؟ 😔😔
قالي ما فيش ورد انتي 🤨
خشيت حوشي و حكينا ع التليفون .. و مشيت نشوف في وعد .. لقيتها راقده .. حطيت جنبها الوردات .. و بوستها و رقدت جنبها ♥️🌺
No name ♥️🌺

كوبراحيث تعيش القصص. إكتشف الآن