الجزء 19

19.8K 491 88
                                                  

#كوبرا
بدلت لي وعد و جهزتلها حاجاتها و بنرفعها معاي للمشغل .. و أنا طالعه قتلي أمي مش لازمك المشغل اليوم .. قتلها ليش !!
قتلي لين نشوف خوك شن يصير معاه .. قتلها كيف شن يصير معاه !!
قتلي يوافق او لا على حمزه ..
قتلها خلي يمشيله حمزه قبل .. قتلي اهو بنتصل بي خوك و بنعطيه علم ..
خشيت خديت بنتي و ركبت سيارتي و طلعت مشيت للمشغل .. و في الطريق امي تتصل بيا ما رديتش عليها ..
وصلت للمشغل .. و بديت في خدمتي .. بعد ساعه ممكن نتفاجأ بي أمي جايه في تاكسي و قتلي اطلعي روحي معاي .. قتلها شن في ؟؟
قتلي اطلعي قبل ..
طلعنا و في الطريق قتلي صكريه المشغل بيجيبلي مشاكل هلبا ..
قتلها ليش !! قتلي خوك مزال ما يعرفش انك فاتحه مشغل .. و ما يعرفش انك اطلقتي ..
و كان بنقوله توا بيقولي انتو مش معبريني و انا طرطور ما نعرف بشي و و و ..
مش ضعف مني .. لا و الله .. بس القوة أحيانا في المواجهة تبي حقارة ..
و ما تقدريش اديريها مع امك للأسف .. روحت للحوش .. لقيت حمزه باعتلي ( ما نبيش نتصل بيك لان ممكن نحرجك قدامهم .. بس اساحشتك ♥️ )
بعتله ( حتى أنا )
بعتلي ( بكرة ماشي لي صلاح )
هنا بس تعرفي إن الرجولة مواقف 👌🏻و من قال تهمنا النهايات .. وقتها بس توصلي للنهاية و إنتي مقتنعه إنك خسرتي راجل 👌🏻بدل ما توصلي للنهاية و انتي في قلبك 100 طعنة و حسره لأنك كنتي مع ذكر 💔
و ما جابش النصيب .. و ما اجتمعناش .. أقلها خليك راجل يا بي 😉
حاسه بكل الأبواب مسدودة .. و أمي من كثر خوفها من صلاح بدت كل تصرفاتها نتاج خوفها من ردة فعله ..
العشيه جى عمي .. عادي ما اهتميتش .. قعدت نرسم في تصاميم ..
نادتني امي قتلي عمك يبيك .. استغربت و طلعت سلمت عليه ..
هدرز عليا و بعدها قالي سمعت ان في ناس تقدمولك ..
قتله به !!!!
قالي انا جاي باش نقولك ارجعي لي راجلك خير ما تربي بنتك عند راجل براني ..
انصدمت 😳😳 و ما عرفتش شن نرد و نضت و خليته في الصالون ..
مشيت لي امي في المطبخ قتلها انتي قلتي لي عمي ؟؟
قتلي طبعا بنقوله امالا شنو !
خشيت للدار جنب بنتي و انا الغيض بياكلني .. روح عمي و جتني امي قتلي انا قتله خوك كل شي .. و قالي شوفيها كان تعطيني 40 الف من فلوسها .. قتلها به ! 😳
قتلي في واحد بيهربه من الحبس و هو رافعه للنيابه و يبي فلوس .. قتلها و انا شن دخلي ؟؟
قتلي تبي تتزوجيه حمزه اعطي لي خوك فلوس ع الاقل ما يوقفش فيها ..
قعدت ساكته .. به يا نور اعطيهم الفلوس ع الاقل حمزه يمشيله يتعامل معاه كويس صلاح ما يحشمكش ..
به و كيف بنكمل باقي خدمتي !!
يلا يا نور انتي بتتزوجي حمزه و المشغل عادي تقدري تكسبي منه بالشويه بالشويه ..
قتلها به موافقه ..
قتلي سلم بنتي يارب 😍 هكي نبيكم حنينين على بعضكم 😍
قتلي الراجل بيجي ياخد الفلوس الصبح .. قتلها تمام ..
بعتت رساله لي حمزه ( امته ماشي لي صلاح ؟ )
بعتلي ( مع الساعه 1:00 )
قلت الحمدلله هكي كويس ..
رقدت و انا عندي تفائل .. و الصبح اعطيت الفلوس لي أمي كاملات .. و قعد مبلغ بسيط ..
اتصلت امي بي صلاح و جى الراجل لي قدام الحوش و أعطاته أمي المبلغ ..
و قعدت نستنى في تليفون حمزة يقولي شن صار بالدقيقه ..
فاتت الساعه 1:00 و فاتت الساعة 2:00  ...
قلت لي امي كلمك صلاح ؟ قتلي لا ما كلمنيش .. اتصلت بي حمزه ..
قتله شن صار !! قالي ما باش يطلع خوك للزيارة .. قعدت ساعه ممكن نستنى فيه و توا طلعت ..
قتله كيف يعني ! 😳
قالي بكره نعاود نجيه ..
صكرت الخط .. و أنا مش فاهمة شي .. 😳😳😳 تاني يوم مشى حمزه تاني للزيارة .. و قعدت نستنى في أتصاله ..
و أول ما طلع كلمني .. قتله شن صار ؟؟
قالي في الأول رفض يطلع ..و بعدين طلع وقف عليا 5 دقايق بس .. قالي ما عنديش اخوات نعطيهم .. حاولت نخليه يقعمز معاي و نتكالموا بس رفض و طلع ..
صكرت الخط 😳😳
شن الي قاعد يصير !!! ما أستوعبتش ..
مشيت لي أمي قتلها حمزه مشى لي صلاح اليوم و صلاح قاله ما عنديش اخوات للزواج !!
قتلي قتلك انا مش بالساهل خوك يوافق ..
رن تليفون امي .. ردت .. نسمع في صلاح يقوللها معاش تخليها تطلع خير ما نقتل روحي هنا في الحبس .. و يعيط و أمي تهدي فيه ..
قعمزت و شاده راسي .. خيرنا احنا هكي !!! ما أعتقدش في نذاله اكثر من هكي !!
ليش به !!
الأنسان هكي يدير ما يبي طول ما فيش سوط يجلد ضهره !!!
قتلي سمعتيه خوك و لا !! زياده محبوس بين 4 حيوط زياده زايدينه بمشاكلكم ..
قتلي معاش تمشي المشغل .. فكينا منه ..
سكتت ما رديتش عليها و لا كلمة .. و نبي سنين باش نتخلص من الخوف من صلاح و أمي الي تربينا عليه ..
الصبح نضت لبست بنمشي للمشغل لقيت مفتاح السياره مهناش .. دورته ما لقيتاش ..
لقتني امي ندور قتلي أنا قمته و ما فيش طلوع .. خشيت للدار .. قمت الفلوس الي فضلوا .. و حطيت حاجتي و حاجة وعد في شنطه و طلعت المفتاح الاحتياط ..
نزلت حطيت شنطتي في السياره ..و ركبت خديت بنتي و طلعت ..
مشيت للمشغل .. حطيت حاجتي في الدار داخل و رقدت وعد و طلعت نخدم ..
امي تتصل بيا .. عرفت انها خشت للدار ما لقتنيش ..
بديت في خدمتي .. و عندي إصرار نهتم بخدمتي و ننجح بس ..
اتصلت بيا نوران رديت عليها .. قتلي وينك ؟ قتلها في المشغل .. قتلي أهو جاياتك ..
جتني و قتلي امك اتدور فيك شن صاير ؟؟
قتلها ليش اتدور فيا ؟؟ ماهو أنا كنت معاها في الحوش و ما تدورش فيا 🤷🏻‍♀️🤷🏻‍♀️
قتلي غير شن صاير ؟؟
تلفتت لها .. قتلها طلبوا مني 40 الف باش يوافقوا على حمزه .. و لما اعطيتهم رفضوه .. و مشى مرة تانيه الراجل و رفضوه ..
و فوق هذا كله خدت مني مفتاح السياره و قتلي معاش في خدمة في المشغل ..
يعني نصبوا عليا نوران ..
قتلي مستحيل امي اتديرها هذا صلاح أكيد ..
به ارجعي معاي للحوش و نحلوها غادي ..
قتلها ما عنديش حوش نرجعله .. قتلي أستعودي من الشيطان خلاص ..
قتلها نوران أنا عندي خدمة ..
قتلي بتقعدي هنا !!
قتلها ايه .. قتلي كيف بترقدي !!
اتصلت امي بي نوران .. قالتلها اهو انا معاها في المشغل ..
صكرت نوران الخط .. قتلي غير هيا روحي معاي .. قتلها هذا مكاني أنا ..
روحت نوران .. و قلت للبنات خلاص روحوا مش لازم خدمة اليوم .. غدوة تعالوا بكري ..
طلعوا البنات روحوا و صكرت انا المشغل و قعدت نخدم داخل ..
بعد ساعه بدا الباب يطق .. عرفتها أمي .. ما بيتش نفتح ..
بعدها نسمع فيها تتكلم .. فتحت الباب .. قتلها نعم !!
قتلي هيا اطلعي روحي معاي .. قبل ما يسمع بيك خوك ..
قتلها مازال متغطرسين !!
مازال ما فقتوش على روحكم !!
فعلاً 👌🏻👌🏻 { إنَّهَا لاَ تَعْمَىٰ الْأَبْصَارُ وَ لَكِنْ تَعْمَىٰ الْقُلُوبُ الْتِي فِي الصُّدُوُرِ }
أنتو خلاص قلوبكم انعمت .. معاش تعرفوا الصح من الغلط ..
قتلي مش ح تروحي معاي ؟؟  قتلها هذا مكاني .. و ربي حسيبي و حسيب كل حد ..
طلعت أمي و صكرت المشغل و قعمزت نبكي .. فعلاً محبة الوالدين بخوت .. 🤷🏻‍♀️🤷🏻‍♀️
قعمزت شويه و ناضت وعد .. بدت تبكي .. خديتها و طلعنا بالسياره ..
خديت فراش و غطاء .. خديتلها حليب و كل شي .. و خديت مواد غذائيه و روحت للمشغل ..
وكلتها و اعطيتها حليب و قعمزت تلعب ..
حطيت الفراش قعمزنا عليه .. درت سندوش كليته ....
حلوة الراحه .. و الأحلى لما تكوني في مكانك 👌🏻👌🏻 ..
كلمني حمزه و ما حكيتله شي .. و رقدت و تاني يوم فقت قمت الفراش و غيرت ملابسي و بديت نخدم ..
و عدت أيامي هكي .. تجيني نوران كل يوم تطمن عليا ..
و في يوم جتني زبونه .. قتلي نبي نحدم عندك قفطان .. قتلها تمام .. و قعدت نهدرز عليها كيف تبي التصميم و و و ..
شاورتلي ع القفطان الي كنت نخدم فيه .. قتلي هذا حلو يهبل .. قتلي للبيع ؟؟
قتلها ايه .. قتلي طلبيه لي حد ؟. قتلها لا .. قتلي أنا ناخده منك ..
قتلها بصراحه قماشه غالي .. المتر بس بي ألف دينار .. يعني ح يكلفك ...
قتلي عادي مستعده ناخده .. قتلها تمام .. خشي البسيه و نشوف مقاسك ..
قاساته الزبونه و قتلها يومين تلقيه جاهز ..
كملت خدمته في نفس اليوم .. و كلمت الزبونه و جت خذاته .. و لما أعطتني حقه .. حسيت بطعم نجاحي بالفعل 👌🏻👌🏻
خشت نوران .. و طلعت زبونتي بي قفطانها .. قتلي نوران هذا شنو !! 😳😳
قتلها حق القفطان .. قتلي هذا كله حق القفطان ! 😳😳😳😳
قتلها ايه 😁😁
كنت كل يوم نزيد ننجح .. و الزبونه الي تخدم عندي تبعتلي صديقاتها كلهم يخدموا عندي ..
حمزه ما يعرفش إني قاعده في المشغل .. و في يوم كلمني قالي شن رايك نجيب أمي و خلاص بالك وقتها تمشي الأمور ..
خفت نقوله لا يفهمني غلط .. قعدت ساكته .. قالي شن في !!
قتله أنا طلعت من الحوش و قاعده في المشغل .. قالي ليش !!
قتله حمزه شوف نصيبك .. أنا بنتعبك معاي و خلاص .. قالي كيف يعني ؟
قتله زي ما سمعت ..
قالي نشوفك بكره ؟ قتله لا ما نقدرش .. قالي ليش ؟؟ قتله ما نبيش من يسجل عليا نقطه .. يقولوا قعدت في المشغل باش تشوف فلان و تتلاقى مع فلان ..
قالي في الطريق .. في سوق .. في اي مكان .. قتله و الله ما نقدر ..
قالي به فوتيهم أماليك قصدي ليش قلتيلي شوفي نصيبك ؟؟
قتله نبي نخدم و بس .. الزواج مش وقته توا .. قالي هادي انتي نور هكي تحكي !!
قعدت ساكته ...
كيف بنتزوجوا به !!! أماليك لو جوا أمي مش ح تستقبلهم .. من بيقرالي فاتحتي ؟؟
قالي تقدري تقريها بروحك عادي ..
قتله مش ح ندير هكي .. و معاش نبي أي عراقيل تشدني الفتره هادي ... نبي نخدم و بس ..
قالي به و أنا معاك ..
صكرت الخط ..
نعاود نقول الراجل موقف .. الراجل وعد .. الراجل كلمة .. أفتقدناها للأسف في مجتمعنا اليوم ..
لو حبك و قدرك 👌🏻ح تكوني ملكتي الكون كله .. أحنّ عليك من أمك و أهلك كلهم .. لو حبك 👌🏻

كوبراحيث تعيش القصص. إكتشف الآن