#عشك_ابن_الريف🔞🔞
#البارت24
مساء الخير💚
الكاتبهAylol
مو ميت عدل وإكبالي أشوفك دوم
وأتامّل رحيم الغيبتك رجعة
ما صدّك غفل يا خويا عنّي تروح
مستعجل تريد فراكنا بسرعة
كدّامي علقلم كلّ ساعة أشمّن بيه
بلكي علقلم نيشان من صعبة
وشكد ذكريات مخلي عالورق
وحجايات حلوه أبالي متجمعة
نقرى بدفترك حد ما تطيح عيون
والبوم الصّور نشتاق ونطلعه
عيني عالدّرب من ربعك إيردون
أكولن بلكي أشوفن جاي وي ربعه
ويطول انتظاري او وكفتي علـ باب
عين اتاني تبقى وعين بالدّمعة
شريد أنسى يمّا منيلّي النّسيان
هو الجرف ينسه الماي ويودعه
ورود::حضني ابوي ويبجي اجه فهد سحبني دخلني للبيت
لو شما احجي ماكدر اوصف الحزن ولوجع شعور العجز يذبح بدلج ترجعينه
تنطين من عمرج بس يرجع ...
حضنتني فاطمه وتبجي بحركه
فاطمه:: ولج ورود البارحه خابرني لبارحه يكلي اخلي ورود اسمي ابنها ع اسمي
ولج البارحه اني احجي ويا المن عاافاني حساااام شون نطاك كلبك جهالك شون عفتهم
صغار حرمتهم منك ليش
الكاتبهAylol
ورود::حضنتها وابجي وياها اجت امي عمت عيني ميته عساني ولاشفت هليوم
راح حسام راح ردنا نروح وياهم ماقبلو نتوسل بيهم اني وامي وفاطمه .
طلعوو بسيارات ونسوان لازماتنه رحت خويه بعد ماشوفك ..
اريد اشوفه اخر مره طلعت
لشارع ركض
..واني اشوف تابوته فوك السياره ..حسااااام يروح اختك
ارجع اركض ورى السيارات بلا وعي
حافي وعبايتي مدري شلون لابستها ..لزمني ياسر يريد يرجعني للبيت ...ياسر يااسر ولك راح حسام راح بعد ماشوفه ولك جهاله صغار منو الهم
ياسر والله وعدني يرجع والله كالي مااموت
ياسر::كاافي ورود موزين عليج
ورود::دخلني جوى كابلت امي وفاطمه وحده حالتها اتعس من الثانيه عماتي وبيبتي
اريد اركز بيهم ماكو
حسيت نفسي راح اوكع جلبت بايد اطياف ..مفتحت عيوني الا بلمستشفى ..يمي اطياف وياسر
...
اطياف::ورود لاسوين بنفسج هجي انتي حامل صار عندج نزيف وحالت الطفل خطره
ورود::ماهزني هلخبر ولا اثر بيه ..طلعنا للبيت ..ثاني يوم الفاتحه
وكعت فاطمه وجهه صار اصفر شكد حاولنا نصحيها مكعدت اخذوها للمستشفى ..
شويه ورجعت كابلت امي وتصرخ ولج عمه اني حامل المن اجيبه
ابني يجي لدنيا يتيم .......
الكاتبهAylol::::لاحضت اكثر تعليقات اخوانهن شهداء ماريد اهيج مواجعهن
اكثر من هجي ..الافضل اختصرلكم هاي الفتره لان صعبه ع ورود وعلي اني ككاتبه بالف ياويل
اكتبهن حييل اتأذيت بهذني البارتين ربي يرحم شهدائنا
ورود::خلصت ايام الفاتحه ويوميه متخربطه ودكتوره دكلي نامي ع ضهرج....دوام تركته مداومت بعد
......فاتت خمس اشهر ع ستشهاد حسام
فاطمه بقت يم اهلي لان هيه يتيمه لا ام ولا اب بس اخو واحد ومسافر
حيدر رجع للحشد توسلنا بيه لحد مملينه يكول جنت ادافع عن وطني هسه لا اريد اخذ ثار اخوي
بيت اهلي مبيه اي روح بارد من المشاعر
شكد حاول حيدر يطلعهم من الهمه بيه مكدر
