البارت الثلاثون...
#اسمعني صوتك
# للكاتبه روزايه...
شألـم منـك
ثلـث آه
وثلـث خـوف
وثلــث عثــرات #ياعمري
.....
بيسان... ماحسيت على نفسي غير مشموره بغرفه مهجوره تخنك الالم الي براسي فضيع اريد احرك نفسي ما اكدر ...
زحفت كوه على ركبي يله كدرت استندت على الحايط بطني سجاجين وتكطع بيهه وين اني ومراد وين...
انتبهت على نفسي كمت ادك على وجهي سوده بوجهج بيسان ولج عفتي مراد ينزف ورجعتي لنقطه الصفر ملخت نفسي....
على صوت البجي مالتي واصيح واغلط عليهم انفتحت الباب واحد شكبره بشع حيل وكعلي دك واني حاميه بطني ....
طلع وسد الباب اسمعهم برا يحجون يكولون بشير خاين هربهم انكتل بمكانه بس مروان انهزم ماشفنا هو والضابط...
... لاتخاف هاي طلعت مرت الضابط ماراح يعوف عرضه لو يكلفه حياته هسه يجي عليهه
... بس مولاي احنه مانكدر نبتعد ونرجع للمقر وناخذهه شنسوي بيهه انريد الضابط ومروان....
... اجتنه اخباريه اكو قوات مال جيش متقدمه صوبنه واحتمال يقصفون المقر خلينه هنا احسن....
... رجعت راسي على الحايط بالم لو حايط وتعرض لهكد ضرب هم جان وكع شنو ذنب طفلي دخلت بثامن وماعاش يوم مرتاح بجيت بصوت مسموع واحس طفلي يبجي وياي يدفر بكل مكان....
راح بالي على مراد عفته يصارع الموت ضربت وجهي شكد غبيه اني شلون ماسمعت كلامه صرت بطله ورجعت ....
ايام تعيسه كل شويه واحد يفتح الباب عليه يضربني ضرب مبرح لحدما ينغمي عليه ويه كل رفعه سوط اكول هاي نهايتي ....
يومين مرن اني تحت تعذيب هذوله الكفره الي شوهوا الاسلام بادعائهم واكاذيبهم....
مسك....
من رزلتهن بعد ماوصلن للمطبخ صار العشه وصبينه للزلم وبعدين النسوان صدك تعبنه انهلكنه محد كامت كلهه خطار بس مرت محمد شيماء ساعدتنه شويه والبقيه عرايس...
اني ومروه ضلينه اخر شي كلنه من يرحون نتعشه مروه بس ودينه العشا كالت راح اروح اسبح وابدل واجي متت حر....
راحت واني لميت المواعين الباقيه غسلتهم حته لاتصير هوسه ادور على الزاهي ماكو لكيته خلصان رحت اريد اجيب واحد من المخزن....
المخزن صاير مفصول عن الهول بالممر يعني محد يشوفه بعدني ماوصلتله اسمع صوت تبسبس ركزت زين....
... اسمعي ولج مروه الي اكوله تنفذي بالحرف الواحد واذا مانفذتي كلامي والله اذبج بتهمه اخلي زيد يشيلج ويشمرج برا...
.... فطيمه عوفيني مامليتي مني دمرتيني كافي...
... اني هذا الكلام الي عندي الج مهله اسبوع وتنفذين كل كلامي وهاي مسك اريد اشوفهه برا البيت ...
أنت تقرأ
اسمعني صوتك
Mystery / Thrillerلا مكان يأويني ولا ملجىء يحميني.. هربت من ناسي وارضي وحتى من نفسي.. هربت واذا بي اخرج من بئر واسقط في حفرة..
