هادي كرونيك تاعي الأربعة والبنات سامحوني كيفاصيت الكرونيك تاع أسماء وغيس الله غالب مكانش عندي افكار محددة وهاني عوضتكم لهادي نشاله تنال اعجابكم
حبكم😘
_______________________________________
الحلقة الاولى :
كان يامكان في وحد القرية بين جبال العروبية
قرية صغيرة نقدرو نقولو منسية ناسها عايشين واحدهم ومايبغوش البراني عليهم , نروحو عند خالتي خوجة المرا الكبيرة تاع الفيرمة وغير كلمتها ليجوز قاعدة فدار المطرح كيالعادة تشرب فقهوتها السخونة كيما يبغوها صحاب الريف تشرب وتستبن وتشوف فتيليفيزيون تاعها بوعرورة (البنات تاعرفوه نولمالمون جاي كبير وموراه تقول عرورة وثقييييل)
محمد: ما رآه وصل الربيع !
خوجة : ايه وانا شابغيتني نديرلو !
محمد: لا يا ما غي بغيت نڨولك بلي هاداك هو آما باه نڨسموا أرض بي
خوجة : يڨسم انا ني شاداتك 😏
محمد: اما مين راكي رايحة ببرودية تاعك ، ها هدري هدرة مسڨمة ، انا روح ما كاشما نسرح هيا تبقاي على خير
خوجة: اصبر دوكا تروح تعيط لڨاع خوتشك وتڨولهم غدوة نلڨا جدهم مستفين عندي
محمد : مايكون غير خاطرك آما ! هاني رايح
خوجة : اصبر !!! ومتنساش خوك ليراه فالعاصمة حتى هو راه خوكم ومن حقو الورث والارض
محمد: ماا تڨصدي خويا علي ؟؟
خوجة: ايه وكاين خوك وحدوخر فالعاصمة ؟!
محمد: لا يا ما ! دروك نعيطلو
(ملي وليت نتفرج فولاد الحلال وانا نتعلم فالوهرانية أااااه شحال نحبها واعذروني كي نغلط ههه انا قيد التجديد😂😂)
___________________________
في جيهة واحدوخر من شوارع العاصمة فبيلكور فدار علي ولد خوجة
أسماء : هايا عليلوا واش كاين ثمااا
فتون وبتول : هايا عليلوا هايا عليلوا واش كاين ثمااا ههههه
علي : اااه خلاص صرعتولي راسي روحي اديهم للماناج وانا نشد حومي
أسما : يااااه ميغسي بابو ميغسي ايا البنات سلموا على راس باباكم وامشي نبدللكم ههه
طلعوا بدلوا وكيجاو هابطين سمعو باباهم يهدر فالتيليفون وولا كحل وجهو
راحت أسماء باش تشوف وجبيه عيط عليها عيطة تهد الجبال
علي : روحي ازربي وجدي خاوتك معندناش الوقت لاقالو كلمة لازم جوز اجري لازم غدوة نكونو لتم مانيش حاب نزيد نعصيهم اجري
اسما مافهمت والو جوست باباها قاللها وجدي حوايج للولاد بيسك حيباتو لتم
طلعت حطت كامل الخزانة ملخلعة ووجدت حوايج باباها وحبطت لباباها باش يفهمها
علي : شوفي بنتي رانا رايحين للريف لدار مانك يعني يما شوفي انا ويماك الله يرحمها تزوجنا بلا رضاية والديا بيسك يماك بنت العاصمة ومانك ماقبلتهاش بيسك ميحبوش البراني هيا انا فورصيت عليهم وخذيت يماك عزلوني وحاوزوني وجرحوني وقف معايا غير بابا الله يرحموا بصح بالتخبية على يما بيسك بابا كان زوالي مسكين ويما هي ليكانت تحكم فالفيرمة وكايللها الدراهم كالزبل حاشاك .تعيش بنتي نطلب منك برك تكوني صابرة معاهم وبطلي العناد ديالك لازم ثقلي روحك معاهم وراني نوصي ونعاود خياتك بالاك أمانة خلاتهوملك يماك كيروحو لتم انا حنحاول نكسب ثقة يما ونكون مشغول بيسك رانا رايحين نڨسموا هاداك هو !!
أسماء: معليش يا بابا بصح منضمنلكش نثقل روحي هههه مي نحاول المهم رضايتك
سلمتلوا على راصو وطلعت خممت شوية وتقلقت يعني كيفاه هادي فاميلية بابا سنين كامل مابانوش حتى جنازة يما ماحضروهاش ودوك بأنو باه يڨسموا ياخي حالة يخي وراحت تلبس باه يديمارو
لبست لخياتها لبسة متشابهة
ومشطتلهم شعرهم وحومي ڨمطاتو مليح ووجدتلوا كابتو وبدلت هيا
لبست فاست كوير مع سروال جين سامبل وڨوداس نواغ وطلقت شعرها مع شوية ميكاب سامبل خرجة تحفة وديمارات مع باباها
يتبع .....
تفاعل اخوتشي تفاعل ني نقارعلكم 😂😂😂😂
أنت تقرأ
كرونيك 🤔هل الزواج بداية الحب 💓؟!(باللهجة الجزائرية🇩🇿)
Short Storyكرونيك جديدة تحكي على أسماء و سيف لي لعادات والتقاليد خلاتهم يتزوجو تبعو الاحداث تفهموا 😘😘😘
