إلا بدخلة أبو سعد وأبو خالد وأبو سعود وأبو فارس وأبو تركي وأبو راشد عليهم وقف فواز وتقدم يسلم ع أبوهـ واخوانه وأزواج خواته .. ووقفوا الشباب إحترام لهم ..
وسام : عمي متى بيجي .؟؟
أبو خالد : بـ الطريق .. أـنا بدخل أسلم على خواتي والبنات فواز سلمت وإلا تدخل معاي ؟؟
فواز : لا بدخل أسلم على أمي والبنات
الجد : موجودات هنا ؟؟
أبو خالد : إيه .. وريح عمرك بـ أخليهم يجون يسلمون عليك
أبو سعد : لا يا بوك العيال هنا وبيستحون البنات { يقصد شباب العائله }
أبو خالد : بيجون متغطيات ومعهم أمهاتهم
أبو فارس : الله يطول بعمرك .. يعني العيال بياكلونهم .. ماهم بروحهم .. كلنا هنا
ابو سعد : أجل خلهم يجون
أبو خالد يوقف ويوقف معاهـ فواز ويدخلون قسم النساء
اتصل فـ جوهرهـ وقال لها إنه بيدخل اهو وفواز .. قالت جوهرهـ لـ الحريم ولبسوا موضي ولولوهـ وجوهرهـ عباياتهم وتغطوا
أبو خالد واهو يدخل ويشوف كل إللي بـ الغرفه لابسين أسود : ما شاء الله مستعدات !!
أم سعود وإهي تضحك : لإنه بيدخل سعد واعياله وغطينا البنات
البنات : فوووواز
فواز مستانس له شعبيه عند البنات والأولاد
سلم عليهم أبو خالد وفواز ,, وتحمدوا لـ أبو خالد بـ السلامه وجلسوا شوي .. موضي أم فارس زوجة أبو فارس يصير أبو خالد أخوها من الرضاعه لإنو أبو خالد راضع زوجت عمه ويصيرون أزواج خواته أخوانه من الرضاعه ,, يعني وسن تكشف عندهم وتسلم عليهم ,, وأولادهـ يسلمون على عمتهم موضي ..
أبو خالد : أجل تعالوا معاي للمجلس .. ابوي بيسلم عليكم
أم تركي : خلاص بنجي كلنا ذا الحين
وتين : بروح معاك ياخالي ذا الحين
أم سعود : كلنا بنروح سوأ لازم نعرفكم على أبوي ..
وتين بدلاخه : ليش جدي مايعرفنا ؟؟
أم سعود : قصدي ياذكيه إنه مايعرفكم إذا صرتوا متغطين
وتين لسا تفهم : أـها
خلود : الإستيعاب عندها بطيء
وتين : لا ياشيخه !!
وسن : ماعليك منها . . إحنا أساساً تاركين الإستيعاب السريع لها
فواز : هههههههههههههههههه
خلود : إيوا .. أعجبتك
فواز يقهرها .. يموت على مايرفع ضغطهم : أكيد إذا وسن قايلتها بتعجبني
