# البارت الثاني....
#اسمعني صوتك
# للكاتبه روزايه....
كامت مريم استقبلتهم ماعرفناهم منو رحت اني قدمتلهم الضيافه وشفتهن يباوعن عليه بسرعه رحت للمطبخ ومريم كعدت يمهن ...
هن 3 وحده بكد مريم واثنين كبار عمرهن تقريبا بالخمسين بعد السلام والكلام حجت وحده منهن كالت ...
... عيوني اكيد ماعرفتونه احنه جايين نطلب ايد بنتكم بيسان لابنه بشير ...
... من سمعت بأسمه بطني اوجعتني يعني هذا مصر بعده وفوكاهه داز اهلهه واني حته بعد ماشفته عبالي احترم رأي...
مريم.. حبيبتي اهلا وسهلا لاصغرآ بيكم ماعرفناكم ...
... تسلمين عيوني اني ام بشير وهو طالب ويه بيسان وشافهه ويحمد باخلاقهه ومثل متعرفين هالواحد عندي واريد افرح بي لذلك بس كالي اجيتكم خطابه ...
... والله ما اعرف شكولج بس اني ماعندي كل اعتراض الرأي الاول والاخير الهه ولابوهه خلي يجي ابو دانيال واحجيله واذا الكم قسمه يمنه تصير
... لا اطولون علينه فدوه رجعولنه خبر باقرب وقت لان ابني رايد بنتكم وتضل على دراستهه وكل شىروطكم احنه حاضرين...
وانتو اذا حابين اسألوا علينه بأي مكان احنه مسلمين بس اذا وافقتوا نحجي بهذا الموضوع بعدين ...
... اسمع كلامهم وما اعرف شكول لمريم اذا سألتني واكيد ماراح تسكت وعبالهه اني عندي شي وياااا...
طلعن النسوان واجتني بسرعه تركض لزمتني من زندي وتجر بيه حيل...
مريم... اسمعي بيسان احجي عندج علاقه بالولد وشلون اندل البيت واجه وديري بالج تكذبين اعرف هاي سوالف الجامعات مال معجب وشافهه لو مامنطيته مجال ما اجه خطب ....
بيسان.. والرب ماعندي شي بس مره حاجاني ورفضته ولا اعرف شي عنه حالي حال البنات ..
... انتي موافقه لولا قبل ما احجي لابوج ..
... لا عفيه الرب يحميج انتي من يمج سديهه لاتخلين بابا يوافق ما اريد اتزوج اريد اكمل دراسه..
... ليش شعندج مويكولون تكملين دراستج ومبينين زينين بعد شكو خلصي ابوج من حمل الدراسه وهو رجال جبير كل الي يحصله ملابس وملازم الج ..
... لاعفيه ما اريد اتزوج بعدني اول سنه فدوه لاتخلين بابا يوافق اني اسوي كل الشغل الي عليه بس ما اريد اتزوج..
.. روحي هسه كملي لف الكبه وانشوف رد ابوج من يجي..
... من سمعت كلام مريم دب الخوف بداخلي خاف صدك تخلي بابا يقبل بزواجي غير اتخبل ما اريد اتزوج اريد اكمل دراسه مااريد ارتبط من هسه احس نفسي صغيره ....
ضليت الوب بمكاني وافكر شلون اذا وافقوا وخاصه بابا ما اعتقد راح يسمع كلامي والولد مابي قصور ومريم خاف تضل تحجي براسه...
أنت تقرأ
اسمعني صوتك
Mystery / Thrillerلا مكان يأويني ولا ملجىء يحميني.. هربت من ناسي وارضي وحتى من نفسي.. هربت واذا بي اخرج من بئر واسقط في حفرة..
