الرجل الاربعيني باللهجة الليبية

..توضييييح و استفتااء..

السلام عليكم ...
صبااااحكم سعييييد

كيف حالكم حبايبي عشاااق روايه الرجل الاربعييني ....

طبعا حسب كلام امس  والي قبله والضجه الي صاارت ولقيت ممكن اربع رسااايل في الخااص ....
معترضييين علي تأخير الروايه الي بعد رمضاان..
اني نشبح فيها مش هللبة المدة منها اني نااخد راااحه. ..
ومنها هو شهر عبااادة يعني منقدرش نكتب فيييه ...
هذا شيي ...

والشي التااني... مش حلوة لما تبدو اترااجو في الرواايه علي احر من الجمر احلي من انكم اتقوولو بااايخه مافيهاش احداات... احسن ولا...

هيا صح النهايه مشووقه ومفتووحه هللللبه... لاكن اني مقلتش ..خلاص تمت هكي ..انه رعد مهنااش وميييت واخلاص تمت الروايه ..

اكيد في الجزء.. التااني ان شالله ... بيكوون احلي واحلي لووو صبرتو الي الموعد الي كتبته ..

توة حاليا عندكم خيااارين...يعني صووتو علي ....

رقم.وااحد... انكمل الروايه كييف ماااكانت الي الاربعين باارت... وتم الروايه ونختمها قبل رمضان والبارتات قصييرة وكل يوم باارت  ...

رقم اتنيين ... انأجل الروايه الي مابعد شهر رمضان الفضيييل... طبعا كل عام وانتم بخير ... ونزيد تلاتيين بااارت ... تانيات وهكي اتولي الروايه من ستيين باارت واحداتها اكثر والبارتات اطول...

انتم لييكم الخياار...صوتو.. فوووق 👆👆

مع انه عندي قصه حقيقيه ميه في الميه  وعطلت اعليها... وراسلتني صااحبتها دايركت وقرت رواية عاصفه نوفمبر ... وطرحت عليا قصتها ... واني بالحق حسيتها مختلفه وعجبتني  ..وعدتها ننشر بعد روايه الرجل الاربعيني  لذلك يا اعزااائي ...
افتحولي راسي بي شيييته🔪🔪🔪 ....
كيف الحل فييكم ...

وشي تااني لقيت رسااله .. من ولد بنت مش معرووف ...
دايركت قاالي كييف اتقووولي مشو عن طريق بن ولييد ...
الصراحه ضحكني او ضحكتني اني ماقلتش مشو عن طريق بن ولييد المهربين الكلاب حشااكم طبعا وحشااها مدينه الفخر والعز...وكل مدن ليبيا

... يعني لو انته ساااكن في طرابلس وجاتك مشيه للجنوب ..علي طريق شن بتمشي ...
بديهي مع سااحلي بن وليد  ولو انته من سكان الجبل الغربي وتبي تمشي للجنوب بتمشي مع طرييق غداامس وسيناون
..هذي طريق اسااسيه  ولو انته من سكاان الشرق وتبي تمشي للجنوب بتطلع مع سااحلي الهلال النفطي سرت وبتمشي للجنووب .....مش قصه انه قبليه او شي ..دكرتها عاادي .. لاكن من الانتقااد رديييت الباارت ومسحتها وانحاااول انه معش ندكره مدن لانه القبليييييييه مشتعلة شعععل .....

واني من اشد محبيين طبيعه بن وليد وسكااانها ناااس فل الفلل ...  لو معااي من بن ولييد ...
انحبكم هلللبه ..هلبااات

مع انه فييه بنووته قالتلي علاش اخترتي باااب السياسه ودكرتي التهرييب والمدن تدكري فييهم غييرك ميدكروووش في المدن  وضحتلها وفهمتني ورايها نبهني لي هالشي  ...
......تحيه ليييك سموووحتي ... وجهته نظرك عجبتني 😂😂😘😍🤩

انوضحلكم انتم  شي توة ... توة حاليا لما قريتو الروايه حسيتو باختلاف ولا لا من ناخية حطيتكم في قلب المجتمع الليبي ..في احداات المجتمع الليبي ... يعني لما قلت الوزير السابق حاتم مش معناها موجود حق ... الروايه خيااليه في واقع بلاد ان شالله تكونو فهمتوو .. واني عارفتكم من حمااسكم للقصه حابيينها وعاجبتكم لتوضيح بس  ..

الروايات التقليدية ملينا منها قصه حب في مدرسه ..ولا بنت ولد حبو بعضهم  ولا بنت حبت ولد عمها  ولا بنت هربت مع ولد .. ولد يلعب علي بنت بتصاويرها ... ...شويه اكشن في الموضووع مضرش .. ..؟

وهلبه فييه انلاحظ فييي باااب دعم.كبييييير جدا منكم حباايبي وتعليقااتكم نقري ونحس في روحي دااايرة مجهوود كبييير الحق ... ونستني في تعليقااتكم الحلوة الي زييكم ...

... اني تبو الحق ولا مرة قرييت روايه ليبيه نهاااائي ولا اني بننتقد رواياات مع اني ضفت مجموعه كبييرة في مكتبتي ... وقريت بعض منهم مؤاخرا  ..وكل كااتبه ولييها طريقتها في الكتاابه ..موفقاات لو في حد منكم يقري في روايتي  ... ..

واصلا اني مش هوايتي الكتاابه ...عاادي نكتب للفراغ والتسليه بس..
وكتبت اول روايه عاصفة نوفمبر... علي خااطر نجلاء والي صاااير معااها ..من محييط عائلتها ...المعفنيين هههههههه ...وعجبتني ونشرتها ..

والرجل الاربعيني قصة سمعتها من بنت جت في بالي اتجي روايه ..وضفت عليها خيااالي . خيال كاااتبه ركزو علي هالشي ... الاحدات موجوودة في كل بييت ... وفي بلادنا لاكن خياليه ... يعني اعتبروها مسلسل ليييبي ... بوليسي ..سياسي.....

المهم اني بنخلي التصويت ليكم ...... وانتم احرااار......

ان شالله منكونش عطلت اعلييكم ...ومللتكم ...
بس شوية توضيبح ... واني عندي رحابة صدر ..بشكل ماتتخيلوهش ..اي انتقاد نتقبله .. ولو عندكم اي اضاافه او انتقاد عندكم علي الروايه عاادي تفضلو في اي وقت...

اختكم جميله جاااااسم ....

تو بتقولو كان كتبتي بارت خيير من هالكلاام ..عاااارفتكم 😂😂😂