الغيمة الاخيرة

6.4K 115 36
                                                  


يراقب صمته منذ قدومه و يراه يساعده في الوقوف و مازال عاقداً لحاجبيه، ليبتسم يلطف جوه/عزام والله أني بخير ياخي.. مابغيتك تدري لين أخلص و الحمدلله هذا أنا بطلع و بخير يارب لك الحمد


أعطاه عكازه و تأكد من وقوفه/تبي كرسي متحرك؟، أنا اقول احسن لا تمشي علطول


أخذ العكاز منه و مشى خطوات ثم ألتفت إليه/شفت كيف؟ ما احتاج شي بس فك عقدة هالحاجب طلبتك يابو راكان


رفع ناظريه إليه ثم أشار للباب/مشينا..


دخل كسار بهذه اللحظات/السلام عليكم شباب


ردا السلام بهدوء، ليبتسم قاسي/هلا كاسر توني أدري انك دكتور هنا


هز رأسه/معليش ماعندي وقت، و الا مان جيتك، ووقت فراغي زارني الوالد، شلونك اليوم سلامتك


أشار لعزام/بخير و هالرجال ماهو مصدق،


تحدث عزام أخيراَ/كاسر لا تقطعنا، لازم تزورنا ترانا أهلك، ماهو بس لا جاء الوالد نشوفك مالك حق بالقطاعه


بإبتسامه/يصير خير، يلا سلام و ماتشوفون شر.. سلموا على عمي عبدالله


ودعاه و خرجا معا...
سكت بدوره حتى ركبا السياره والهدوء حتى رآه يخرج هاتفه الذي يرن و يرد عليه/هلا مدى... لا تنتظروني أطلعوا البر مع منيف، أنا طلعت مع عزام..


انتظره حتى أغلق الخط/منت طالع البر خلك فالبيت


إتسعت إبتسامته/ودي أطاوعك بس أنا طلبتهم يطلعون البر و مثلك خابر عيالي هناك بعد..


هدأ و استغفر وهو يقود السياره بهدوء/تدري وش أكثر شيء اكرهه؟ اني أدري بأخبارك من غيرك..، قاسي لا تعيدها لا تعيدها وان عدتها ثاني مره بكسر رجلك الثانيه


ضحك وهو يراه يتوتر/عز الله بقولك، لا يرجال وحده و بتكسرها، استغفر ربك


إبتسم على مضض/لا جد يا قاسي لا تعيدها، أنا وانت اخوان كيف كذا ما تقولي و تقول للغريب!


بإبتسامته/منيف زوج اختي ماهو غريب، أساساَ مامنت باخده هو اللي كان موجود و قال بروح معك و ماكنت متوقع ان فيه عمليه، ومثلك شايف بسيطه الحمدلله..


إرتاح/لا تشد على عمرك، ترفق بنفسك.


ابتسم/إييه فكها يا رجال
.
.
.
.
.
.
.
.

في المجلس..،
تراه صامتاً لا يتحدث فقط يبدل فناجين القهوه، وذلك ليس بالعاده..!


قدمت له فنجاناً آخر وهي تتبسم/آدم وبعدين؟ مناديني علشان سالفه و بعدين ماتكلمت.. القهوه قربت تخلص

ما وراء الغيومحيث تعيش القصص. إكتشف الآن