لهفة قلب عاشق

كشف القناع 2

الفصل 17 الجزء الثاني

لهفة قلب عاشق

آريام ببكاء: مش قادرة مش قادرة يا فاروثتى مش قادرة أنسي شكلها دى حته منى يا فارس مهما الزمن يمر هتفضل جوايا

فارس بتأثر شديد: هنجيب حقها أوعدك
بص لأدهم لقاه سرحان وفي عالم تانى والحزن طاغي عليه
فارس قرب منه وهو ماسك آريام في حضنه مابعدهاش
فارس حط أيده علي كتف أدهم وقاله: مالك يا أدهم ؟
أدهم بعيون دامعه: صعبان عليا ليان أوى
فارس: أنت ماتعرفهاش وحالتك كده ما بالك بقا لو عرفتها
أدهم هز راسه ومتكلمش
فارس بص لآريام باستغراب وقال: آدم
آريام: ماله آدم
فارس: عارف؟
آريام: لأ
فارس بتريقه: لا يا شيخه ده إزاي يعنى؟
آريام ببراءة: يعنى مايعرفش
فارس وأدهم بصوا لبعض وبعدين انفجروا في الضحك
آريام بتبرم برئ: بتضحكوا علي أيه؟؟
فارس: أصل آدم ده زى سيف ماتعرفيش هو يعرف أيه ومخبي أيه؟:
آريام: تقصد أنه ممكن يكون عارف!!!
أدهم: أحنا لازم نعرف
فارس: إزاى
أدهم: ندور وراه
آريام: تدور وراه أيه بس ده عينيه في قفاه
فارس بابتسامه: هتدور إزاي يا أدهم وهتبدأ منين ؟
أدهم:نبدأ من اوضته
آريام: ولا هتلاقي الهوا؟
فارس: اشمعنا
آريام: عشان عملتها قبل كده واتقفشت
أدهم بإثارة: عمل فيكى أيه بقا؟ أكيد سامحك؟
آريام: اتروقت
أدهم شرق: أنا ماليش دعوة نغير الفكرة
فارس: لأ أنت عندك حق ولازم نعرف آدم مخبي أيه:
آريام: صح كده
أدهم: ومين هيدور بقا وراه
آريام وفارس بصوله وابتسموا
أدهم وقف وقال: لاااااا اون ماي بودى
آريام: يا شيخ اتنيل
فارس: أحنا وراك ماتقلقش
أدهم بابتسامه: جتك وكسه ما ده اللي قالقنى
آريام: يعنى أيه ؟
أدهم بصلها وبعدين قال: أمرى لله موافق
آريام ضحكت وحضنته أوى وأدهم فرح بس فارس اتضايق وبعدها عن أدهم بهزار عشان مايحرجهاش قدام أدهم
أدهم؛ هروح أشوف مهمتى وانتوا راقبوا آدم
آريام وفارس: تمام يا فندم

آريام كانت هتخرج بس فارس وقفها
فارس: آريام
وقفت بصتله
فارس قرب منها وقال: ماينفعش
آريام بابتسامه: هو أيه ده إللي ماينفعش يا فاروثتى
فارس: أنك تحضنى أي راجل مايجوزش ليكى عارف أنك عشتى فى أمريكا وده عادى بس هنا مش عادي فاهمانى يا حبيبتى
آريام هزت راسها وابتسمت وحضنته ومشيت علي بره وفارس الحزن مسيطر عليه وخصوصا بعد إللي حصل مع جنى بس هو مستحيل يخسرها مستحيل وهيفهمها في الوقت المناسب وخرج هو كمان
بس..........

آدم اتكلم مع جنى وفهم منها عن علاقتها هي وفارس
آدم: ماتزعليش يا أنسه جنى
جنى بحزن واضح :أنا مش زعلانه
آدم بابتسامه: واضح واضح
وبمكر قال: بس أنا متأكد من أن فارس بيحبك
جنى بابتسامه حزن: آه ماهو واضح وأنا عارفه وأهو قدملي الدليل مش فاهمه ليه عيشنى في وهم كبير وبعدين...ماقدرتش تكمل وانهارت في العياط
آدم حط أيده علي كتفها وهمسلها بحاجه جنى بصتله باستغراب
آدم بابتسامه: ماتستغربيش يا جنى وكل شئ بأوانه بعدين آخد تليفونها من ايدها وهي استغربت وكانت لسه هتعترض بس قالها: ماتعترضيش ده رقمي وبعدين بصلها بتركيز وقال: عارف أنك هتكلمينى وقريب كمان
جنى خافت آدم شكله بشخصيته دى سببلها رعب جواها وحست نفسها مذنبه بس هي مالهاش ذنب في حاجة!!! بس هي مستحيل تخسر فارس حبيبها حتى لو هتحارب الدنيا كلها عشان تحصل عليه حتى لو هتحارب فارس شخصيا
فاقت من سرحانها علي صوت آدم الغامض وهو بيقول: تقدرى تتفضلي يا أنسه واللي أنتى بتفكرى فيه ده بييجى بالهداوة مش بالغصب وسابها في حيرتها ومشي
جنى: يخربيتك أنت قريت إللي بفكر فيه إزاي ..ماشي يا أسيل الكلب والله ماهسيبلك فارس حتى لو لو مش مهم لو أيه المهم مش هسيبك وبعدين مشيت بسرعه