36

202 12 0
                                    

Zoyaan:

Hooriya ab ahista ahista brri horhi thi, mjhe uski fikr thi kyuke uss ne ab tk Ayesha ko apni maa ke roop mai tasleem nahi kya tha aur jistrah ek beti ke qareeb maa hoti hay ustrah lakh chahne ke bawjud baap nahi hoskta,kuch sharai(religious) usoolo ki wjah se.

Ayesha ne kbhi isko apnane ki koshish nahi ki thi haan magar wo isse nafrat bhi nahi krti thi, uski bharpoor koshish hoti ke wo uski zimedaryan poori kre aur apna waada nibhaye.. Shayad wo bus wahi kr rhi thi, mjhe takleef hoti thi is baat se magar mai uss pr mamta thop bhi nahi skta tha.

Maine socha tha aj Hooriya ko dupatte ki ehmyat ke bare mai btauga. Islye maine ye moqa munasib jaante huay Ayesha se baat shuru ki.

" Hooriya ab barri horhi hay. Usse ap prde ke baare mai kuch kyu nahi btati? "

' Main kya bataun usse? '

Iss do tok jawab ki mjhe umeed nahi thi, lekin maine apna ghussa zabt kya aur phir se goya hua.

" Ayesha jistrah tm apne prde se khudko smnbhalti ho ussi trah main chahta hu Hooriya bhi khudko smnbhale. Kya tm usse ye seekh de skti ho, meri khatir pls? "

' Wo ab bari hogyi hay. Khud smjh skti hay. Han ap itna keh rhe hain tw bta dugi ke aj se rozana dupatta pehna kre. '

Maine muskura kr uske rookhe rawayye ko nazar'andaaz kya aur uske hatho ko apne hath mai thaam kr uska bosa lya.

••••

Hooriya ki behtareen karkirdgi pr use 9 aur 10 ki taleem ke liye scholarship ka ailan kya gya tha, har class mai awwal aane wali meri honehaar bachi. Ma sha Allah. Mera sar fakhar se buland tha aur dil uski salamti ki duayen mangta nahi thakta tha.

Aj bhi Ayesha ne usse dil se nahi apnaya tha, wo uske rawayye se saaf wazeh tha. Aur na hi aj tak Hooriya ne Ayesha ko 'maa' keh kr pukara tha.

Ab jab uske jaane ka waqt tha tw pata nahi kiun mjhe Ayesha ke chehre pr halki si fikr ki jhalak dikhayi di. Usse school ki traf se Islamabad transfer krwaya ja rha tha jahan pr wo do saal scholarship pr prhne wali thi.

Alhamdulillah, mjhe is baat ki khushi thi ke km se km Ayesha ki baat man kr us ne sar pe dupatta baqaidgi se pehenna shuru krdya tha.

Islamabad jaane se ek din pehle maine Ayesha ko ghair-mamuli preshani mai mubtila dekha, wo musalsal gharri ko tke ja rhi thi aur baar baar Hooriya ke kamre ki traf nazar dorati jahan ki light off thi.

" Tm baar baar udhr kya dekh rhi ho? Hooriya so chuki hay. Preshan mat ho. Kal In sha Allah main khud usse chorne jauga. Isi bahane jo deal mjhe finalize krni thi wo bhi waheen pr ek international client se krluga. Wo Islamabad aya hua hay chand din ke liye. Tw isse behettar moqa aur koi nahi ho skta. "

' A... Aap.. Ap kyu ja rhe hain? Mtlb. Hooriya akeli thori na ja rhi hay, uske sath uski friend bhi tw hay. Aur... '

" Dekho tm kham'khwa mai preshan ho rhi ho. Mai do din mai hi wapas ajauga. Ab apni beti ko aese hi ksi ajnabee shehr mai nai chor skta na. "

' Jee.. Wo... Asal mai... Mai... Wo.. '

" Kya hua Ayesha, ap preshan kis bat ki wjah se hain itna? "

' Main pregnant hun. '

" Ap bhi na aese time pr mazaq kr rhi hain. Shukr hay ap ne Hooriya ke samne... "

' Main mazaq nahi kr rhi. Mai sach keh rhi hun. '

Ayesha ke munh se ye alfaz sun kr mjhe apne kaano pr yaqeen nahi araha tha, kyuke jis cheez ka intezaar maine 4 saal besbri se kya wo aj mjhe milrhi thi. Ye nahi tha ke mai Hooriya ko apni aulad nahi manta tha, lekin mjhe ye hasrat thi ke mai Ayesha ke bachay ka baap bnsku. Kyuke mjhe Ayesha se beintehaa mohabbat thi aur shayad ab ye mohabbat aur brh jayegi.

DeewangiWhere stories live. Discover now