Chapter 7

174 29 201

Bohat dard dete hain woh ansu jo ankhon se nahi behte, woh dard jo insaan ko andar hi andar mar dete hain, woh zinda toh hota hai per ek lash ki tarha, woh dard me rehne ka itna aadi hojata hai ke uske aankh se ansu nahi behte, woh dard sehne ka itna aadi hojata hai ke ab woh bas muskurata hai, woh shaqs duniya me khushiyaan bant'ta hai kyunke woh janta hai ke khushiyon ka na milna kis qadr takleef deta hai..!

____________

Alyaan kamre me daakhil huwa tha, Emaan ainay ke samne khari apni jewelry utar rahi, Alyaan ne ek nazr us per daali or seedha bathroom me chala gaya, Emaan usse kisi qism ki baat nahi krna chahti thi isliye uske bahar ane se pehle hi bed ki ek tarf ankhe band karke lait chuki thi. Alyaan bathroom se bahar ate hi, kamre se bahar chala gaya or puri raat pata nahi kahan raha!

"Emaan betay, idher ayo.. main bohat khush hun meri jaan, main bohat khush hun.. Main jaanti hun tum mujhse naraz ho per mera yaqeen mano mere bachay, tumhe takleef nahi phonchana chahti thi" woh awaaz bohat dur se arahi thi.

"Emaan, tumhe yaad hai hum is jhoolay per bhet ker tumhare shaadi ki baatein kiya karte the, or tum humesha bure se mou bana kar chand taaron ko dekhti rehti thi, beta aaj main bhi ek taara ban gayi hun! per main humesha tumhare saath hun apne aap ko kabhi akela mat samjhana" Woh aurat us sehan me khari thi, or emaan uske bilkul samne. Woh Emaan ki ammi thi.

"Beta, main bohat khush hun ke tumne yeh shaadi karli, apni zindagi me toh tunhare liye kuch kar nahi saki per mujhe yaqeen hain yeh faisla tumhare liye behtreen saabit hoga" Unki ankhon me aansu the.

"khushi? ammi kesi khushi ? Ap logon ki khushi ? humesha se wahin to maini rakhi gaye hain aap sab ke liye! Emaan ki khushi ka kya? Ek dost tha mera, ek dost, aap sab ki wajah se ab usko bhi kho dungi sirf is Nikkah ki wajah se! ab wahi hoga jo humesha hota tha, aap or baba ki tarha main or Alyaan bhi humesha larte rahenge or ek din mera bhi wahin anjaam hoga jo apka huwa, or Alyaan woh bhi Baba ki tarha humesha khush rahe ga! haina ? mujhe aap logon se nafrat nahi thi per aap log mujhe humesha majboor karte aye hain aap dono se nafrat karne ke liye! Baba ko mujhse mohabbat hai ? yeh kesi mohabbat hai ke zinda hone ke bawajood woh us raat ke baad mujhse milne nahi aye? Yeh kesi mohabbat hai ke kal jab meri shaadi thi toh woh usme bhi na aa sake" woh ghusse se aag bagola horahki thi. Uski ankhein lal horahi thi!

"emaan beta? kiya huwa? tum theekh to ho?" Maheen uske bistar ke pass behte usko uthane ki koshish kar rahi thi woh neend me kuch duhrai ja rahi thi uska pura chehra ansu aur paseenay se behra huwa tha. Woh ek dum uthi or bina kuch soche samjhe woh Maheen ke gallay lag gaye. Maheen uske sar per haath pher rahi thi. Kuch der baad woh apne hawas me aye, or maheen ko muskura kar dekha. Maheen ne uske sar per pyaar diya.

"beta Alyaan kidher hai ?" Maheen ne pocha hi tha jab Alyaan bathroom se bahar niklata hai. Emaan usko dekh kar hairan reh gaye!

"Insaan hai ya jin" uske dil se awaaz ayi.

Alyaan maheen ke qareeb aya, ussey sar per pyaar liya or phir ainay ke samne jaa khara huwa.

"beta main umeed karti hun tumhe yahan koi pareshaani nhi huwi hogi" Maheen ek bar phir Emaan se mukhtaib huwi thi.

"Nahi aunty." usne muskura kar mukhtasir sa jawab diya tha. Uska lehja narm tha.

"Ab tum dono neeche khaane ke maiz per ajao or Emaan aj tum yeh jora pehn lena." unho ne Emaan ke haath me ek khoobsurat maroon rang ka suit pakraya tha. or wahan se chali gaye the or peeche peeche Alyaan bhi chal diya. Emaan wahi kuch der khari rahi or phir tyaar hone ke liye chali gaye.

Tu Shab Main SubhaWhere stories live. Discover now