الولد وظلم ابي بقلم طيبه سامي الناشربارق العراقي

البارت الخامس والسادس

#الولد_وظلم_ابي
#البارت_الخامس
#بقلم_طيبه_سامي
#الناشربارق_العراقي

طه:منو يمه الي راح تخطبيه  لعمو
ام طه:راح اخطبله خالتك مياده
طه:ماما بس خالتي ام موده راح تزعل عليج وهيه حبابه
ام طه:انت انجب واسكت هيج خايف على خالتك هيه هاي مدسسه من جوه لي جوه ام البنات متعرف انت بعدك صغير وتصرفاتك مثل ابوك
طه:لدكولين صغير اني عمري 13سنه  وخالتي صدك حبابه وبعدين وين اكو مثل ابويه
ام طه:انجب ولتطلع من البيت
طه:ان شاء الله
ام طه :طلعت من البيت  وصلت للجمله مال حمايه
ابو موده:هلا بيج ام طه تفضلي
ام طه:شلونك شلون بناتك
ابو موده:الحمد الله انتو شلونكم
ام طه:الحمد الله
ابو موده:اي بشرينه
ام طه: والله لكيت المره بس كون تعجبك
ابو موده:اي كولي مدام اختيارج خير ان شاء الله
ام طه:والله المره هيه اختي مياده عمرها 25 وتعرف رفضت هواي زلم لان ماكو قسمه
ابو موده:ها اي ونعم بيكم(هيه صح تشبهج ومو هلكد حلو بس يارب تجيبلي الولد واكسر خشمها لهذيج  واعذبها)
ام طه:تكدر تروح الابويه واني اكله عليك
ابو موده: رحم الله والديج
ام طه:يلا عيني ولدي وحيدهم بالبيت
ابو موده:الله وياج سلمينه
موده:اجه بابا  وفرحان واني هستوني راجه من المدرسه ماما خلت الغده البابا وجهه كله كدمات ضرب
وكلها راح اروح اخطب وماما مردت عليه تخاف يضربها مره ثانيه
ابو موده:لازم معاجبج تعرفين منو
ام موده:شنو راح يفرق عرفت او معرفت
ابو موده:لا يفرق هواي
ام موده:هههه اي بالله منو سعيده الحظ
ابو موده:تستهزئين حضرتج المهم مياده اخت ام طه
ام موده:شنو شنو وانت ملكيت غير ها تكسرني بيه وبعدين هيه تلحكني تلحك نضافتي حته تزوجها
ابو موده:هوه اني اريد اكسر خشمج  وبلكت تجيبلي الولد مثل اختها
ام موده:يووو عقدتني من سالفه الولد حسبي الله ونعمه الوكيل من عساك لا تتهنه وياه
ابو موده:استحقيتي الضرب
موده:وكل عاده ضربها ومتكدر تحجي وبعد ماعدها مكان تروحله لان خوالي زعلو عليه لان مقبلت تروح وياهم
ومر (شهر) وصار العرس وبابا فرحان جنه اول مره يزوج وماما كاعده بالغرفه تبجي وماعدها تلفون  تحجي ويه خالتي فاطمه ومع العلم هيه تدري همه زعلانين عليه وبقينه نسمع الهوسه ولكل فرحانين وماما ترضع ملاك واني وايه نلعب ودائما تردد (حسبي الله)
ابو موده :كمل العرس واني كلش فرحان وصار الليل وليله الدخله
ابو موده:انتي زوجتي وان شاء الله تجيبيلي الولد
مياده:ان شاء الله
ابو موده: نسجمنه اني وياهم وكلش فرحان بيه
مياده:كعدت وهوه طاير بيه من الفرح
ام موده:كعدت الصبح دا اريك موده حته تروح للمدرسه واسمع الضحك والسوالف بس الله يعلم شيصير بكلب المره من تسمع احد اخذ زوجها منها شفتها نزلت اني استمريت انو اريك موده لان متاخره وراحت موده للمدرسه
مياده:شلونج خاتون متباركيلي
ام موده:باوعت عليها ورحت رضعت ملاك وايه فزت تبجي واني اسكت بين هاي وهاي واني مالي خلك وافكر  شون  راح اسلك طريقي وياهم يارب صبرني 
ابو موده:نزلت وشفت هذيج ساده الباب ودكيت الباب عليها شنو خاتون وين كاعده كومي سوي ريوك
ام موده:عوفني بحالي الله يخليك
ابو موده:دكومين لو شلون
ام موده:خفت يضربني كدامها كمت سؤيت ريوك بس مخليته تشوفني اني سؤيت الريوك
موده:مرت الايام وصارت مياده تتعارك ويه ماما وتحرض بابا يضربنه على اقل شغله الله لا يوفقه
ويوم من الايام كاعدين نتغده
مياده: عيني ابو علي شلونك
موده:بابا ضل مستغرب ورافع حاجبه  شنو ابو علي
ابو موده:شنو السالفه ابو علي هذا دلع جديد
مياده: هههه معرفت اني حامل
ابو موده:شنو صدوك ياالله
ام موده:اني سنين حامل وميعرف الجنين ولد لو بنيه وهسه اول خلفته عبالك
مياده:اي والله وان شاء الله يجي علي
ابو موده:الدنبوس متشيلينه
مياده:تومر ابو علي
ام موده:(على اساس هيه ماده ايده على شي دخيلك يربي صبرني على هل مصيبه ) يلا موده حبيبتي كومي خلصي واجباتج 
ابو موده:راح تصير دكتوره
ام موده:ان شاء الله
موده: دخلنه للغرفه وكلت ماما انتي ليش دائما تبجين
ام موده :ابجي على حضي لان خلاني مارؤح ويه اخواني حته لو اشتغل خدامه يمهم
موده:اي ماما اني حته مشتاقتلهم بس اكلج ماما
ام موده:ها حبيبتي
موده:هذوله الزلم الي جانو يجونه من ازوج بابا بعد ما اجوي
ام موده:اي طبعا ميجون غير يخاف عليه  وكدرت تعدل ابوج واني طلعت كلشي ماعندي حظ الحمد الله
موده :حبيبتي ماما لتبجين  تدرين اليوم المعلمه سالتنه شنو تردون تصيرون من تكبرون
ام موده:اي حبيبيتي صدك شنو تردين تصير
موده:محاميه
ام موده:شلون عرفتي هاي وليش تردين تصيرين محاميه
موده:اكلج بس متضوجين اني سمعت المعلمه تكول للمعلمه الثانيه .اختي صارت محاميه وراح هي اداقع عني وتاخذ حقي منه
ام موده:لا ماضوج كولي(قلقت)
موده:اريد ادافع عليج واخلي بابا يتعذب مثل ما معذبج
ام موده:ههه حبيبتي لدكولين هيج على بابا ولدكولين هذا لكلام لحد ابد
موده:ليش ماما
ام موده:احسن
موده:زين

موده:ومرت اربع اشهر وبابا يحسبلها يوم يوم وشنو تتنسه يجيبلها ركض وماما العبره خانكتها الله يساعد كلبها واليوم راح يرحون للسونر
حته يعرفون الجنين
يتبع

#الولد_وظلم_ابي
#البارت_السادس
#بقلم_طيبه_سامي
#الناشربارق_العراقي

موده:اجه بابا وجايب ذبايح ويوزع فلوس
ام موده:اني عرفت انو هيه حامل بولد
ابو موده:ارتاحي حبيبتي مياده ولا تغثين نفسج والله لعيشج ملكه ام علي
مياده:يتربه بعزنك حبيبي
ابو موده:يمه فدوه رحتلج
موده:بابا يذبح الذبايج ويوزع وفرحان بس كله علينه وحته اني لازم من ادزني للمحل اني ارؤح اركض الها ومر شهر 
ابو موده:رجعت للبيت ولكيت مياده تبجي  ها شبيج
مياده:زوجتك ام البنات دكلي كومي سؤي غده ونضفي ليش كاعده
ابو موده:وينج ولج
ام موده:ها شكو
ابو موده:لزمتها من شعرها هاي ام ابني شنو تريديها تنضف احترمي نفسج احسن
ام موده: بس اني مكلت شي ولا طلبت منها وسكتت(خفت تسويلها لعبه عليه  او تطرح وهيه شتحجي مصدكه عنده ) فضطريت اكول اي الله كريم
موده:عاف امي  ومادري ماما ليش قبلت بهذي دموع التماسيح الي سوتهن مياده  ومرت الايام على هل الاسطوانه ولحد ما مرت الاشهر وصارت العطله الصيفيه  واني صار عمري9 وايه ٣ س وملاك1
مياده:اه الحكوني  اه يمه
موده:ماما مياده راح تجيب
ام موده:جنت دا اقرا قران وطفرت يا صدك واخذت تلفونها واتصلت على ابو موده الو
ابو موده: الو ها حبيبتي
ام موده:(سكتت من القهر الكلمه العمري مسامعتها )
ابو موده:وينج حبيبتي
ام موده:هاي اني مياده راح جيب شكلها
ابو موده:ها صدك جاي جاي
ام موده: رحت يمها لان حاسه بوجعها واهدي بيه
موده:اتعجب على امي شلون كلبها طيب  وتساعدها وتشوف بابا مدللها لمياده لمفروض امي متباوع بوجها
اجه بابا طاير 
ابو موده: ها شبيج حبيبتي كومي كومي
ام موده:اباوع عليه وخانكتني العبره
ابو موده:شعندج واكفه روحي جيبي غراض الطفل والله لو صار بي شي ياويلج
ام موده:اني اكدر اعاند وما اجيبهن بس حرام عليه
موده:جنت ما افتهم ليش ماما راحت جابت الاغراض وسمعت كلام بابا تكدر تخليها تتوجع
مياده:اتصل على وحده من خواتي
ابو موده:اتصلت على ام طه تعالي مياده راح تجيب
ام طه:صدك جايه جايه
مياده:اه بعد ما اتحمل
موده:بابا صعده بالسياره وطاير بيها واني وماما نباوع عليه
ام طه:اخذني ابو طه للمستشفى وصلت
مياده:اه اه لحكيني بعد ما اتحمل
ام طه:يمج اني يمج
ابو موده:اني افتر بالممر وكاني اول خلفتي بس يبقه هذا الولد
ام طه:شفته يفتر بالممر اهدء عيني
ابو موده:شو تاخرت
ام طه غير معسر والله خايفه يصير عليها  شي اختي وابجي
ابو موده :لا اسم الله يمعوده هاي ام علي
ام طه:(والله عفيه عليج مياده)راح اشوفها واجي
ابو موده :يلا فدوه انتضرج (يارب دكومها بالسلامه)

يتبع