قــصــة حــطـمــني قـــدري…
بقلم ( فـجر المساري)
و (Abbas AlHaji). البارت 3
مساء الورد 🌹🌹🌹🌹🌹🌹🌹عليكم
روان… .
لبست وكملت وتمكيجت نزلت جوه حتى اخلي
الاغراض بالجنطة الي ماما كلتلي عليهم
قبل لا انساهم شيخلصني من نبع الحنان…
فتت للمطبخ فتحت الكاونتر لكيتهم وخليتهم
بالجنطة…
بابا… كال يله كملتوا الناس ينتظرونه بالباب
ماما… ابو هيثم بس البس عباتي واجي . ..
طلعنه وشفت واحد طويل يخبل شكله ومرتب
شعره اسود وملامحة حلوة ورجولية صاار بوجهي
استحيت ودنكت…
شكيت بي هوه…
لان جان هم لابس ملابس لون اسود بنطرون
وقميص ..
صعدنه بسيارتنا اني وبابا وماما واخواتي
رونق ورقية…
واخواني علي وهيثم ضلوا بالبيت…
لان بابا مقبل نروح وحدنه خاف نتاخر لليل ..
وعمو سلمان هم راح ويانه… بسيارته
واحنه كاعدين بالسيارة…
رونق… ولج وران شوفي نسيبي طالع يخبل
بقيت طريق كله افكر بي…
بالبداية جنت مشايفته ولا مهتمة بي
بس من شفتة كلبي رفله ..وافكر بي …
وطريق من الحلة لنجف طويل…
اعرفكم بنفسي اسمي علاء عمري 23 سنة
من بغداد كملت سادس اعدادي وبطلت مداومت
كلية رغم معدلي جان كلش زين ..
بس مريت بظروف كلش صعبة جبرتني
اترك الدراسة…
شكلي / اسمر ،وشعري اسود وطولي 179 وعندي عضلات ..
والعب حديد واشتغل بمحل ملابس وجنت دائما
اهتم بمظهري…
اني اكبر من روان بخمس سنوات…
امي اتوفت من جان عمري 9 سنوات وابوية اتزوج وعايش ويه ابوية وزوجته…
جنت اتمنى امي ويايه بكل خطوه بحياتي بكل شي… ..واكول ياريت
امي ويايه موجوده ..
حتى من قررت اتزوج جنت اتمنى هي تختارها
الي وتزفني…
