Chapter 5

180 31 255

zindagi ki haqeeqat faqt itni hai jab insaan sambhalne lagta hai, tab zindagi larkhane lagti hai•

_______

ab Alyaan or Emaan me cheezein kafi normal hone lagi the, waqt guzarta jaa raha tha, Alyaan ka akhiri semester adha ho chuka tha, or Maheen ke mutabiq woh uska nikkah uske semester khatam hone ke foran baad karwa dena chahte the.. Maheen ne talaq lene ka faisla kiya tha or ab Alyaan ne is case ke liye ek bohat qabil waqeel "Haider Niazi" ko hire kiya tha. Woh yeh case nahi harne wale Alyaan or Haider dono ko is baat per pura yaqeen tha! Nimrah or Saif bhi waapis aa chuke the or Saif ki ammi ke bohat israr ke baad Emaan unke ghar hi raha karti thi.

"Assalam o alikum meri jaan kesi ho?" Emaan ke phone ki ghanti baje the or woh Salma Anni ka phone tha.

"Walikum Assalam Anni! kesi hain aap? " Emaan ne khushi se jawab diya tha

"Anni ki jaan main theekh hun! tum batao? kesa chal raha hai sab? Lagta hai wahan dil lag gaya jo ab anni ki yaad nahi ati" Salma ne haste huwe kaha tha

"Nahi anni mjhe aapki bohat yaad ati hai bas parhai ke beech me time nikalna mushkil hojata hai. aap fikr mat kijien main semester khatam hotay hi ayongi aapke pass"

"haan ab tumhe wapis toh ana hi parayega.."

"kiya matlab anni ? sab theekh haina" Woh pareshaan huwi thi..

"haan bachay sab theekh hai balke khushi ki baat hai, larkay walon ne bola hai ke 3 mahine baad nikkah karna hai." yeh khabar sunte hi Emaan ko dhachka sa laga tha.. Uska dil chah raha tha woh kahin dur bhaag jaye sabse dur. Is zabardasti bandhtey huwe rishte se dur.

"Anni main aapko kitni bar bol chuki hun. main yeh shaadi hargiz nahi karugi! or is larkay se kiya main to kisi se bhi shaadi nahi karna chahti! Anni mujhe shaadi ke naam se nafrat hain or yeh baat aap janti hain, aap janti hain ke Baba Or Ammi ka kiya anjaam huwa tha, or phir aap meri bemari ke bare me bhi janti hai, per is rishte me mujhe kyun bandh rahein hai... kyun aap do logon ki zindagi barbad karengi. Or shayad koi bhi kisi bemar larki se toh shaadi karega nahi! aap please unhe mere bare me sab btayein aur dekhye ga woh log khud mana karenge aur agar nahi karenge toh main khud kardun gi per aap mujhe yeh shaadi karnay ke liye majboor mat karein!" Emaan ghusse me aag bagola horahi thi. Uska maazi ek bure saaye ki tarha usko taang kar raha tha.

"Emaan mere bachay ayse nahi boltay, nikkah se pakeeza rishta koi ho hi nahi sakta! tumhare baba or ammi ke saath jo huwa woh unka naseeb tha bachay, tum apni zindagi ko apne liye mushkil na banao, humein issey acha rishta kahin nahi mil sakta! Or woh log jaante hain ke tumhe.. or woh tumhare ilaaj ke liye already ek doctor se baat kar chuke hai, Emaan samjhdari se kaam lo mera bacha..!" woh usko samjhane ki koshish karrahi thi per Emaan ne unko Allahhafiz bol kar phone kaat diya or bed per lait gaye, ansuon ka gola uske halak me phas chuka tha woh ronay ki hazar koshish kar chuki thi maagr ek ansu bhi uske aankh se na baha..

"Kash us raat main bhi mar jati.. Kashhh. Allah apne ayse kyun kiya.. Mujhe kyun nahi bula letey aap" Woh ander hi ander ghut rahi thi, Rona chahti thi per ansu ane ko tyaar na the!

_____

"Emaan" Nimrah boli thi.

"hanjee" Emaan ki ankhein laal thi or Nimrah yeh dekh chuki thi..

Tu Shab Main SubhaWhere stories live. Discover now