عسول:
البارت ...١٠
#انين_الرووح
عشك طفله
فرح اخذتني بالاحضان
احجيلكم شويه وين رحنه
الاماكن اجنن والناس حلوه والكل يكول الشعب العراقي شعب يجنن افترينه رحنه الشرم والاسكندريه
والاهرام يا الله اجمل ايام حياتي عشتها بقينه اسبوع في مصر
ورجعنه للعراق وصلنه مطار بغداد بقينه بيت اهلي كم ساعه وبعدها نطلقنه للمثنى البيتهم
ماقبل نبات يم اي
والكل استقبلنه بأحر التهاني والتبريكات
طبعا الحاظرين بس اهله خواته واخوته
وامه وابوه ما انطو خبر
بأن حسين ازوج جانت فرحانه بيه حيل فرح
كبل اخذتني الغرفتها اشوفها
وشوف شلون غيرت اثاثها وجانت حيل فرحانه
نزلت جوه شفت خاله ام حسين
بالمطبخ وياها جنتها ام مصطفى والبنات
رحت ع عذراء وكتلها اريد اسوي شي
خطيه مقبلت وكالت انتي عروسه روحي ارتاحي واحنه نكمل الباقي
لحيت عليها بس ابد مقبلت
رجعت يم فرح الغرفتها كعدنه نسولف ع سفرتنه المصر
وشوفتها الصور الاخذناها اني وحسين جنت اني حيل مرتاحه بس بنفس الوكت جنت خايفه من الوكت والمجهول
وجنت اكول شلون راح ادبر حياتي اهنا لان فرق جبير بين حياتهم وحياتي
وسمعت حسين صاحلي ورده وينج
ورده .اني اهنا يم فرح
حسين .تعالي اريدج
كمت رحت يمه لزمني من يدي مثل لزمه اب البنته ابكل رقه وخذني للغرفه
دخلنه اثنينه وسد الباب وصاحلي اكعد ع الكرسي الموجود
كعدت
حسين .شوفي ورده
هاي غرفتنه اثنينه يعني مكان راحتنه
اسرارنه اني وانتي متطلع باب هاي الغرفه
لا صغيره ولا جبيره الينحجي اهنا من تطلعين الغرفه تنسي
ماريد لا اهلي ولا اهلج يعرفون علينه شي اوك
ورده..اني بس اسمع وهز ابراسي بمعنا اي
حسين .من باجر تنزلين وساعدين امي والبنات بالبيت والمطبخ كرايبه من يسألوج انتي ليش اهنا
كولي علمود الدراسه اريد ادرس ويه فرح
صار معلوم ابد لتغلطين كدام احد وتكولين انتي مزوجه
الحجاب ميوكع من راسج ابد لان بيتنه يدخلوله زلم هواي
لبس بجايم بس ابغرفتج بره ماكو
مجادل مع البنات وامي ماريد
..كلشي سوي واذا شي معجبج من نكون اثنينه بالغرفه كوليلي عليه واني اغيره اوك
ورده .اي ان شالله
عذراء .وين العرسان العشه جاهز نزلوا تعشوا
حسين .اي ماشي
..يله ورده نزلي يم البنات
ورده .وانت
اني بعدين انزل عندي شغله اكملها ونزل اروح لديوان يم الزلم
ورده .نزلت ورحت يم البنات وخاله ام حسين صاحتلي اكعد يمها
كعدت وبديت اكل ما شالله اكل كومه من حب كلبك وشتهه يشبع قريه ابحالها
كملنه وكلنه فاكهه وحلويات لملمنه الماعين وبدينه نغسلهم اتفقنه اني وعذراء وفرح نغسلها لان المشاركه حلوه
شغلت اغاني ابتلفوني وبدينه نغسل ونغني ونضحك يعني اليوم جان حيل حلو كملنه الماعين والتنظيف
عذراء .حبيبتي ورده كافي تعبتي انتي واليوم رجعتي من سفريتج
ورده ..لا نكمل ونروح للهول اجيبلكم كرزات وسولفلكم عالسفره
طلعنه اني والبنات للهول
رحت الغرفتي جبت كرزات والكيبل مال تلفوني علمود
اربط تلفوني بالتلفزيون علمود عذراء وفرح وام مصطفى وبناتها يشوفآ الصور والفديوات
بس انتظرنه لحد ما يطلعآ كرايبهم
صارت ساعه ١١ بالليل كضيناها سوالف عالمدرسه وهالامور وعن بغداد
ومن طلعآ البنات صارت كعده مغلقه بس اني وعذراء وفرح
شغلت تلفوني بدينه نتفرج عالصور وكل صوره اسولف عن المكان
وجان نفز وطفيت تلفوني ابساع من الخوف
وجان تنفتح الباب علينه وطلعت بنت ام مصطفى الجبيره بنين
عذراء وجع والله شلون جمدتينه ابمكانه طلعي صوت قبل الدخول لو متعرفين
ورده..ميخالف مصار شي تعاي بنين كعدي وين خواتج
بنين ..نامن من زمان
اي كعدي باوعي ويانه بس لتحجين لحد
اي ما احجي وره
شويه جتي ام مصطفى وهم كعدت اتابع
شو هاي من حالها
اي ليش لا ناس تفتر وناس مدفونه بالحياه
عذراء ..شنو قصدج ام مصطفى ليش ما طالعه انتي يعني
منو راح لشمال العام
ام مصطفى ..يمعود هاي هم تسمه طلعه شوفي اهنا الحياه من صدك
فرات وطلعات اخوج حسين مامقصر ويه ورده ابد
