كرونيك بعنوان :مافيا💣💣 _القلوب💟💟💟

💓البارت 11💓

الحلقة الحادية عشر :

رقدت على ظهري و أنا نشوفي مع ظلام الليل الي خايف من نور الصباح قعدت قدامي ...في لحظة حسبتها ملاك نازال من السماء ....شعر أصفر و عينين زرق .
رجعت النفس و مليت ريتي بيه ...و درت عندها و قلتلها شكون أنتي ؟؟ ضحكت ضحكة حسيت أنو اللؤلؤ ساح من فمها ...
حطت يدها على كتفي ...و قاتلي أنا المعلمة تاعك من اليوم ...
وقفت و مشات و خلاتني و عرفت أنو لازم عليا نتبعها ....دخلت دار صغيرة كل حاجة فيها تدل على رقة و أنوثة صاحبتها ...
نوفل : ماوصلوش ؟؟ هديل : لا ...
نوفل : ماتو ؟؟ هديل : مانعرفش ...
نوفل : حوسو عليهم ...لازم تحوسو عليهم على الأقل ندفنوهم ...
هديل : موش خدمتي ...
تشوف مع أوراق محطوطين فوق المكتب و موش مقيمتني ...
نوفل : كيفاه موش خدمتك ؟؟ أنتي شكون وين راه سينيور بوعلام و فهميني في خدمتي عندي 3شهر ندير الي تحبوه من غير ما نجاوب درك جاء الوقت الي تجاوبوني على تساؤلاتي ....
هديل : هاك الكونترا تاعك أقراها درك تفهم كل شيء ...درك روح تدوش و إرتاح و غدوة تبدأ حياتك الجديدة ...مرحبا بيك معانا ...
مدت يدها تصافحني صافحتها و هزيت الأوراق و طلعت ...
دخلت للبيت و بديت نقرأ في الكونترا الي كانت كأنها صفقة مع الشيطان ....
بنود العقد :
_الطاعة ثم الطاعة العمياء لصاحب العمل ...و الموت لإنقاذ حياته في كل الحالات ...
_ السرية التامة
_الإلتزام بكل القواعد المفروضة من صاحب العمل .
_عقد مفتوح مدى الحياة ...
_ يمكنك الحصول على أي جنسية ترغب بها و جواز سفر
_عطلة سنوية مدتها 30يوم فقط ...
و باقي البنود يفرضها صاحب العمل متى يشاء ... إمضاء القعد محتم و لا خيار فيه و التراجع ممنوع ...
_راتب شهري قدره 10آلاف دولار شهريا دون إحتساب مصاريف االإقامة و الإطعام ...
نوفل : ههههههه يا أولاد الكلب ...الحمد لله توقعت الأسوء ...
تدوشت و لبست شورت لقيتو في لاشومبر و هزيت العقد و هبطت نمدهم للمعلمة ...

جام للحلقات 😍😍