الحلقة الخامسة عشر
بعد سمانة رجعت يماة اسيا من عند خوالها قررت اسيا باش تصارحها بكلش دخلتت للكوزينة ,اسيا : يما ممممم ريحة الماكلة شحال بنينة يما نعاونك خالتي فاطمة : اوه من وقتاش تحبي لكوزينة ممممم بنتي ونعرفك هيا احكي ,اسيا: يما حبيت نقول...نقولك بلي كاين واحد قصت عليها خالتي فاطمة :واحد يحبك وتحبيه اسيا :وهي مصدومة كيفاش عرفتي ماما ,خالتي فاطمة:قلب الام يحس شفتك كيفاش تبدلتي نشالله يكون يستاهلك ويحافظ عليك عنقو بعضهم اسيا كانت فرحانة كي يماها تفهمتها وحست بيها وكثرت خرجاتها هي وامين وتقربو من بعضهم كتر وكتر اما يماة امين كانت حابة غير وقتاش باش تروح وتخطب اسيا رسمي لولدها خاطر امين كانت عندو اخت وحدة وهي باش تتزوج وتمشي لدارها ويماه كانت حابة دخل الفرحة للدار وتزوج امين لي ولى عمرو 29 سنة ....
اسيا قاعدة تتأمل في البحر فوق الصخرة المعتادة ديالها صونا التيليفون ديالها امين لي عيطلها
اسيا : الو عمري سافا , امين : سافا حبيبتي وين راكي ,اسيا :قدام لبحر ونتا وينك ,امين :شريت مابل جديد زعمة نريقل في الديكور ديال الدار هيا استغلت الفرصة باش تشوفو ويقعدو على راحتهم راحت لعندو كانو بزاف متوحشين بعضهم .. امين : جيتي باش تلهيني باش منريقل الدار ,,اسيا :اممممم تحبني نروح دوك ,,امين :نن عمري معندك وين تروحي يالاه نكملو مابقاش بزاف بقا غير النيتواياج كانو يخدمو ويضحكو وساعة يلعبو مع بعض بعد ما كملو دخلت للكوزينة باش طيب حاجة ياكلوها كانت واقفة مع البوطاجي وهو واقف يتفرج فيها بل متحس كانت لابسة شورت دجين زرق وبيستي كحل ييييييي تبان مغرية ومثيرة بهاذيك لاتاي لي مابقاش يصبر عليها كان واقف لابس غير شورت وصدرو عريان مشا لعندا وحاوطها مور ظهرها بيديه وحاط شفايفو على رقبتها ووهي بعدت خافت ماهيش مستعدة لحتى حاجة ,,اسيا : تبقا لاصق فيا منقدرش نطيب ,امين نطيبو كيف كيف انا خليني نبوسك ونتي طيبيبلي باش لماكلة تجي بنينة كيما ريحتك ,,اسيا: حبي بغيت صحن وين نلقاه ,,,امين: هذي لكوزينة ديالك عمري لازم تعرفي كل حاجة وين تلقايها طبست راسها وحشمت كملت طيبت لفريت اوملات كلاو مع بعض وهوما فرحانين ناضت بش تلم لماعن ,,,امين: خليهم في لكوزينة وارواحي راحت للكوزينة لمت لماعن ,,,امين : حبي افتحي لفريجيدار كاين صحن فيه لوز وجوز جيبيه معاك ( كان معول الراجل هههههه) ,,, اسيا:اوك عمري ,دخلت للصالون كان متكي على الكنابي وصدرو لعريان هبلها حطت الصحن وقعدت مقابلاتو,,,امين : متوحشك عللخر حبي حط يديه على ظهرها وجبدها ليه اكثر دخل حب يلصقها فيه اما هي فجأة خطرتلها افكار وافكار في راسها هربت من حذاه واللي انقذها صوت التيليفون ديالو لي فيقهم من العالم ديالهم ,,امين : دوك وقتو هذا اوووووووف يا ربي ..وهي حمدت ربي في قلبها مكانتش مستعدة لاي حاجة معاهد يما كان حاجز بيناتهم وماهيش فاهمة علاه حاجة تمنعها انو يقرب ليها اكثر ,,,طبعلها على خدها أمين : عمري عيطولي في الخدمة لازم نروح دوك نوصلك في طريقي ,,,اسيا :اوك عمري ...طريق كاملة وهي ساكتة كانت حابة تزيد تقعد معاه اكثر وفي نفس الوقت مش حابة دير اي خطوة تندم عليها وهو كي يشوفها زعفانة يبقى يتغزل فيها ،،امين : حبيبتي صاحبة الخانات نحبك مي لاغالب خدمتي بزاف صعيبة مي هيا باقيا مشنفة جبدها ليه حطلها راسها على كتفو وبيد تانية حاكم الفولون في هذيك الدقيقة صونا التيليفون ديالو كوبا مابغاش يهز ,,,اسيا :شكون لي يعيطلك ,,,امين هذا واحد صحيبي مرانيش حاب نحكي معاه ,مي اسيا دخلها الشك بقات ساكتة كان البرمي قدامها لاحت يدها باش تهزو وهو حكملها يدها مخلاهاش تشوفو ,,,اسيا : وشبيك امين علاش حكمتلي يدي ,,,امين : هذا البرمي تاع صاحبي نساه عندي كان بارع في الكذب باسها على راسها (كان ممثل بارع ) ياك وش ديري بالورق هاني قدامك انا هيا وصلنا ادخلي للدار لازم نروح ,,, دخلت للدار
أنت تقرأ
كرونيك بعنوان:<< انتي كل نساء الكون>>💖اسيا&فؤاد💖
Fanfictionمنقولة### باللهجة الجزائرية 🇩🇿🇩🇿🇩🇿 اروع ما في حبنا أنه ليس له عقل ولا منطق❤❤❤و اجمل ما في حبنا أنه يمشي على الماء ولا يغرق.... جبتلكم كرونيك جديدة وحقيقة والاجمل فيها انها دزيرية قمة في المتعة والاثارة والابداع❤ بعنوان > بطولة >
