كرونيك بعنوان:<< انتي كل نساء الكون>>💖اسيا&فؤاد💖

💖البارت08💖

الحلقة الثامنة
مخلالها حتى دقيقة باش تخمم قاعدة في فراشها وتخمم وش صرا معاها لعشية حاجة ماكانتش في الحسبان في الليل صونا تيليفونها رقم متعرفوش في اللول مهزتش اما مباعد هزت
اسيا :الو شكون معايا
امين :معرفتنيش
اسيا :باردون معرفتكش
امين :انا الحيط لي تخبطي فيه لعشية وهو يضحك ضحكة موراها خبث
اسيا :وش تحب مني قالتها بعفوية
امين :ملخر عجبتني مقدرتش منعجبش بيك حاجة فوق طاقتي عندك جمال ساحر
اسيا كان جمالها اوروبي بحكم انو جدتها من اصل فرنسي وهي بزاف تشبه لجدتها
اسيا :انت باين فيك واحد تتمنيك عليا ملخر شوف وحدة تمسخر بيها انا مش متاحة حتى الواحد قالتها بعفوية ( اسيا جامي حبت واحد او ارتبطت في علاقة حب كانت راسمة خط احمر على روحها راجل متخليه يفوت لعندها ) كوبت التيليفون عليه لكن امنة شجعتها بعد ما شافت انو مصر يهدر معاها وكل يوم يستناها قلتلها اعطيه فرصة اسيا خدمت هدرت صاحبتها في راسها جازو يامات كملو الكونترول وبشوية بدات تحكي معاه وبدا يعجبها وهو كان عقلو طاير فيها وفي جمالها
وهي خارجا من لكلاسا صونا التيليفون
امين : الو لبلوندا ديالي سافا
اسيا :وهي حاشمة سافا لاباس ونت سافا
امين :كي نسمع صوتك نولي طاير مش غير لاباس وهي ضحكت بحشمة وجها حمار اليوم حاب نشوفك
اسيا :فرحت مفهمتش علاه فرحانة كي راح تشوفو مزالت مفهمتش مشاعرها وهي قاعدة في لافاك تحت شجرة ديما تقعد لتم وهي تخمم في هادا الانسان لي دخل حياتها فجأة ومخلالهاش فرصة حتى ترفضو ماهيش عارفة تخاف ولا تفرح رجعت لعشية من لافاك وجدت روحها باش تتلاقاه كان الشتاء بارد لحال لبس سروال كحل ومونطو مارون جاي مع لاتاي ديالها خرجت كعبة وحدة شافها طار عقلو فيها مشاو مع بعضهم هو كان يتغزل في جمالها وهي كانت خايفة وفرحانة في نفس الوقت كان الجو بارد وهي ترعش بكلها كان يقربلها وهي تجبد روحها هي معندهاش تجربة مع الرجال وماتوثقش فيهم اسيا قد ماكانت قوية كانت بريئة ...