Baazi Ishq Di [𝕮𝖔𝖒𝖕𝖑𝖊𝖙𝖊𝖉]

Chapter 33| Tere Haatho ki tarf Mere Haatho ka Safar

Waqt apni ravani se guzar raha tha lekin chaaro jb saath hon toh waqt ka pata kahan chalta tha. 3 haftey guzar gye thai lekin maano jese kal hi toh miley thai. Zaira Aarish kay saath nai jaati mgr wapis aksar saath aatey thai. Aarish ab bolney aur muskuraney laga tha. Roz who ussey koi na koi baat samjhata tha aur usku ajeeb o ghareeb mushkilaat sun kay hans bhi parta tha. Woh office mein ghaaibana hr lehaaz se uski madad krta rehta aur wo muskura dia krti thi yeh jaan kar kay yeh madad kis ne ki ho gi.

Aurangzeb ki dawa aur ilaaj buht moassar saabit hua tha. Wo ab lafz sahi se bol paatey thai. Pehle ki trha nahi mgr buht behtr bol lete thai aur ab sahara le kar kharey honay lagey thai. Naashtay ki mayz ab khoobsurat sajti thi kyoun kay sab neechey ikhatey naashta kia krtey thai. Safoorah muskuraney lgi thi. Aurangzeb ka theik hona Ruhaan kay sath sath uskay dil ki marham bn raha tha. Phir safoorah rango mein khush rehti thi aur rang uski zindagi mein wapis agye thai. Chahey who uska thesis project ho ya phir Ruhaan ka rang. Wo dono thori buht roz marrah ki baat kr paye thai. Lekin ek dusrey ki abhi tk nahi. Shayd safoorah ki deewarein ahista ahista pighal to rahi thi mgr poori pighalney mein waqt lage ga.

Zaira aksar wajid shah ko phone krti thi aur wo unhey sbki khairyat btati aur un se pucha krti thi.

Zindgai ne 3 saal baad dhair maheena aisey meharbaan kia tha kay sbki khoyi muskurahat wapis aaney lagi thi.

"Baajee tussi ...... parathay buht changey bnaadey o!"

Aurangzeb naashtey ki mayz par ahista se muskuratey bolay thai.

"Baba ek se ziada nai please. Doctor ne ziada oily food se mna kia hai!"Safoorah ne unki plate ko daika tha.

"Ruuuuu!" Melissa bhaagti hui ayi thi aur kursi baithey Ruhaan kay galey lgi thi. Ruhaan muskurata hua ussey jhuk kr uthaaney laga tha.

"Aap kal so gye thai. Jeyyy daikho meli plainting. Foorah ne meli help ki. Fisht ayi hun mein dlawing mein!" Woh inhimaak se Ruhaan ko painting dikha rahi thi aur Ruhaan ne khushi se dekhi.

"Melissa is a intelligent girl!" Ruhaan ussey goud mein uthaata khara ho gya tha aur Melissa ne khushi se dono haath opr kiye.

Aarish Zaira aur Safoorah muskura rahey thai. Daadi ashqem aur Aurangzeb bhi khush ho rahey thai.

"Foorah see!" aur Safoorah ne khush ho kar ussey high five kia tha.

"No high figh foori. Gimme a kissh."

aur Safoorah uski adaaoun pe hansi thi.

Woh kharri ho kar uskay qareeb ayi thi jb Ruhaan ne Melissa ko halka sa peechey kiya. Sb khaaney mein masroof ho gye thai. Unn dono ko koi ni daikha raha tha.

"Kiya kar rahey ho?" Safoorah ne ussey ghoora tha.

"Thora jelous ho raha hun!"

Ruhaan ne melissa ko dekhtey huey kaha tha aur na chahtey huey bhi Safoorah hanss pari thi.