البارت السابع. ...
......................للكاتبه رزان. ..
حسن. شهلااااااء
شهلاء. شفت حسن دخل ركضت ختلت وراه.
حسن. انتي شنو ليش سويتي هيج لج اني جنت مخدوع بيج كل ضني جان انتي طاهره ونضيفه .
شهلاء. لا حسن انت فاهم غلط .
حسن. لا بالعكس جنت فاهمج غلط بس هسه شفتج على حقيقتج انتي ازباله.
شهلاء. والله اني مو هيج والله .
حسن. بعد مااريد اشوفج لا بالشركة ولا بأي مكان .
شهلاء. لا حسن لا أفهم مني .
حسن . اطراااخ.
شهلاء. ضربني حسن وطلع راسن طلعت أركض وراه حرك سيارته وراح رجعت للبيت دخلت الغرفتي كضيتهه بجي للصبح .خابرت عليه الصبح ميرد دز رساله مكتوب بيهه.
شهلاء لاتتصلين ولا تجين للشركه ولا أريد اشوفج بأي مكان اني بي وإلا .. افضحج كدام الناس كلهه .
قريت الرساله متحملت نهاريت بالبجي
خلص بعد مراح يشوفني بأي مكان مدام صدك الي شافه وماصدكني عمره مكان يحبني. حسن صفحه ونطوت بحياتي ..
حسن. من شفت شهلاء بهل وضع بعد ماعدي ثقه بأي وحده اتصلت عليه مجاوبتهه رجعت اتصلت دزيتلهه رساله وهددتهه حتى بعد متتصل لأن اعرف نفسي بس اشوفهه أو اسمع صوتهه راح اضعف مااريد أضعف وحتى أخلص من حبهه قررت أسافر وبتعد. . سافرت الألمانية ....
مرت الأيام ..
شهلاء. صار شهر ادور شغل ماكو والفلوس الي عندي راح يخلصن فهمت أهلي ماكو نصيب بيني وبين حسن صح نقهرو بس تفهمو الي صار لأن كلتلهم كلشي صار مره جنت افتر ع المحلات بلكي اشتغل عامله بمحل لكيت محل ملابس نسائية قبلو اشتغل بي اشتغلت مده شهرين بس صاحب المحل جان يضايقني بنضراته وتصرفاته وطلب مني زواج سري اني رفضت هددني يبطلني قررت أبطل وبطلت . رجعت ادور شغل بهاي الفتره ابوي صحته ادهورت راجعت بي الأطباء كالولي عنده مرض خبيث نقهرت عليه كلش وراعيته ضل 3 أشهر وتوفى طبعاً مسويت فاتحه لأن ماعدنه أحد يوكف بيهه فاتحتنه بس اني وأمي بيهه وره شهر أمي متحملت وماتت أثر سكته قلبيه ضليت وحدي حتى ماكو أحد الي يواسيني الجوارين قامو بالواجب ودفنو امي. وهاي الي سنه اني وحدي البيت الي أجرته ماعدي انطي اجاره انتقلت منه ابيت تعبان عباره عن غرفه وحده ومطبخ وحمام. نكسر واهسي من الدنيا .. ضليت ادور شغل مخليت مكان يعتب عليه آخر شي كلت ارجع ابيع طرشي مثل مجنت ورجعت اسوي طرشي وابيعه اطلع منه اجار البيت الحمد لله جان اجاره رخيص لأن البيت حيل تعبان ورطوبه بي بس احسن من ماكو وستمريت ابيع الطرشي جان رجال عنده مطعم يأخذ مني كميه جبيره عجبه الطرشي الي اسوي وكالي راح يكول الاصدقائه اصحاب المطاعم هم يأخذون مني وفعلا اجو واخذو مني لميتلي كم فلس جنت مااصرف الي احصله اطلع بس الي اشتري بي اغراض الطرشي وعلى كد لفه كل وجبه لميت وكدرت افتح محل طرشي وصارو عندي زباين يجون إليه بالاسم وهاي الي 3 اسنين مشايفه حسن ولا أعرف أخباره جنت كل فتره ادك عليه من رقم جديد عندي اسمع صوته وسده. ...
حسن .. رجعت بعد ثلاث اسنين من السفر رجعت الحياتي والشركتي بس جنت اشوف شهلاء بكل مكان مانسيتهه ولا نسيت الي سوته وياي جنت كاعد بالمكتب اجه واحد من الموضفين .
الموضف .. أستاذ عندي شغله وياك ضروريه.
حسن. كول شنو الشغله .
الموضف . أستاذ أريدك تنطيني الأمان.
حسن. الك الأمان احجي.
الموضف . أستاذ ست شهلاء مضلومه .
حسن. لاتجيب سيرتهه كدامي. الموضف . أستاذ راح اسولفلك كلشي اني نادم على الي سويته أريد الله يسامحني بس ميسامحني اله اكلك الحقيقه.
حسن. شنو الحقيقه .
الموضف . اني جنت أحب ساره حب جنوني بس جان شرطهه حتى تقبل بيه اسوي هاي الشغله الشفتهه بست شهلاء حتى تنتقم هيه منهه وفعلا سويت الي رادته دزينالهه رساله بأنك موجود ويه ساره بذاك المكان وكنالك هيه هناك ذاك بيت وحده موزينه انطيناهه كم فلس وسوت الي انت شفته وهاي كل الحقيقة ست شهلاء مضلومه.
حسن. نصعقت من سمعت الكاله كمت عليه شبعته كتل وطلعت الساره بهذلتهه كدام الموضفين كلهم طلعت بكل سرعتي رحت البيت شهلاء عرفت اهلهه اتوفو وهيه منتقله الغير بيت بس محد يعرفهه وين ضليت كل يوم افتر ادور عليهه بالوجوه حتى نزلت منشور على الفيس بفقدانهه بس بدون صوره بس اسمهه وبالجرايد مخليت شي مسويته حتى السوك الجانت تشتغل بي هم رحت ماكو وهاي ثالث سنه على فراكنه كرهت حياتي بدونهه بس ماايست اكول يجي يوم والكاهه ...
شهلاء. جنت كل مااضوج وذكر حسن وأهلي اروح للنجف أبقى يم كبور أهلي وجنت كل خميس اروح الهم مالي أحد غيرهم وراحو .استمر شغلي وكام يكبر خليت عمال يشتغلون وفتحت محل ثاني وطورت شغلي أجرت شقه قريبه على شغلي فوك المحل مالتي قليل اطلع من المحل للبيت بس للنجف اروح كل أسبوع.
حسن . رحت على منطقتهم القديمه وسالتهم على مكان الدفن مالت أهلها أخذت وياي أحد الجيران الراحو بالدفنه نطيته كم فلس اجه وياي شفت كبورهم نضيفه ومليانه ورد سألت الدفان .هم أحد يجي هنا. كلي كل أسبوع تجي بتهم تقره قرآن تبقى يمهم طول الليل وتروح الصبح حتى كايليلهه موزين عليهه بس هيه متقبل وتنام يمهم.
حسن. عرفت شوكت اجي والكاهه رجعت للبيت بعد خمس ايام وتروح للنجف لازم اشوفهه هناك.
اجه يوم الخميس ورحت انتضرتهه طول اليوم ماكو ضليت اليل كله انتضرهه يم قبور اهلهه مااجت خفت اروح وهيه تجي ومااشوفهه ضليت بالمقابر مرعوب وحدي هاي شلون تبقى هنا وحدهه متخاف.
حسيت اكو شخص ورايه انداريت .....
يتبع. ...
لاتنسون حبايبي
تصويت متابعة تعليق. .
احبكم كومات ....الكاتبه رزان. ..
