مشاعر حائرة ..

404 1 0
                                                  

المشاعر جزء غامض
زى نصل فى قلبى غامد
ورغم المه قلبى جامد
اه بينزف بس صامد ..

المشاعر جزء مخفى
زى شئ لعليل بيشفى
او لقلب ساعات بيطفى
منى لكن مش فى صفى ..

المشاعر مش كفاية
قلب يرسم مية حكاية
لسه جزء من الرواية
بيه هتحلو البداية او تصير كلمة نهاية ..

المشاعر يعنى قلبك
اللى خد قلبى فى كفك
وقاله دى نهايتك وحتفك
وقلبى معرفش ايه هدفك ..

المشاعر يعنى صرخة
قلبى بيموت والا لسه
لسه باقى بقلبى همسة
والغياب يخنقها خلسة ..

المشاعر يعنى غربة
تخلق جوه منى كربة
نفسى نبقى بجد قربا
والا نفسك نبقى غربا ؟؟

المشاعر مش حقيقة
وهم جوه قلوب بريئة
خدعة لها مية طريقة
حلم بين ايدين جريئة

المشاعر هى حبك
وقلب كان يتمنى قربك
بس قلبك زاد فى ظلمك
نبضه يرسم سور فى بعدك

خواطر واشعارحيث تعيش القصص. إكتشف الآن