#الهجين ( سقوط الأقنعة )
الكاتبة : زهراء الهاشمي
لا تنسون التصويت على البارت
والتعليق بين الفقرات
لیلیه اسولف ضيم وشراح
قصص عشكي وطرش الريح
شيريد يصير بله عليك وشراح
اذا مريت مرت طيف بيه
~~~~~~~~~~~~~~~~~~~~
دلمار : خلصت محاظراتي وطلعت برا انتظر السايق شوي وطبكت سيارة سوده نزل منها أبلج يضحك أجا يتمشى بتجاهي ابتسمت بوجهه
أبلج : هلا أبنت عمي الصاكه
دلمار : هلا بيك
أبلج : اليوم انا اجيت بجلالة قدري حتى ارجعج للبيت شتردين بعد
دلمار : ليش تعبت نفسك جان السايق اجا
أبلج : خل يولي ماخذ اجازه امشي يلا البنات هم بالسياره
دلمار : ها صدك منو ومنو
أبلج : ونار المسودنه وليار المخبله
دلمار : هههههه ما اسمحلك تغلط عليهن
أبلج : يمعوده صدعن راسي بس يكركرن
ضحكت وصعدت بالسياره ونار بالصدر وليار كاعده ليورا
دلمار : السلام عليكم
-وعليكم السلام
دلمار : شلونجن بالسادس ؟
ليار : تعب تعببببب
دلمار : ما بقى شي وتخلصون
ليار : احنا راح نخلص قبل السادس
دلمار : لا تبالغين مو جنه سادس وهاي عبرناها ونجحنه
أبلج : صح هو شيرادله السادس سهل بس كولي انتِ ثوله
ليار : عززا اذا هيج سهل السادس شعندك باقي بي صارلك اربع سنوات ؟!
رفع ياخة القميص وحجه بثقه
أبلج : المدير ما يقبل يعوفني انا شعلي
ونار : اي صح صح
ضحكت عليهم واحد ناصب على الثاني
دلمار : وانتي ونار شلونج ويا السادس
ونار : ما بي شي عادي حاله حال باقي المراحل
ليار : دلمار ما شاء الله درجاتها كلها عاليه بحيث أقل درجه عدها يمكن ٩٨
التفت عليها وكفخها
أبلج : فلك طرج شني ولج مهكره الكتاب
ونار : قابل مثلك يوميه راسبه
أبلج : ترحيلي فدوه الخايسه
ونار : دنجب مصدك روحه الازرك
اضحك على مناكرهم بهل أثناء دك جهازي اسمع بس النغمه ادور عليّ ماكو شلت الملازم ادور بيهن وكع جوا رجلي
دلمار : لااا مو وكتك
أنت تقرأ
الهجين (سقوط الأقنعة )
General Fictionامرأة متعددة مُتجددة متفردة شاعِرة في المقام الأول مُلهمة ذات خفايا وخبايا وشأنٍ عالي مُمتزجة ما بين جنونٍ وفنون قارئة نهِمة امرأة تشعر برفقتها بأنكَ في حضرة قبيلة كاملة من النِساء
