اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ
#الهجين (سقوط الاقنعة)
الكاتبه : زهراء الهاشمي
لا تنسون التصويت على البارت
والتعليق بين الفقرات
جفاني نظر عيني عليك وانتاه
عايفني بكلب ما عاف ونتاه
لا تایه وگل لناس وین تاه انه
التايه وكل الصوج بيه
~~~~~~~~~~~~~~~~~~~~
عقيق : صعدت الغرفة ونار اشوفها شلون صارت فتحت الباب ودخلت لكيتها متربعه فوك الجربايه ولازمه راسها تقربت يمها
عقيق : بيج شي حبيبتي ؟
رفعت راسها تباوعلي بحيره
ونار : ما بيه
عقيق :ما ضجتي من الغرفه صارلج يومين بيها امشي نطلع نروح يم البنات
ونار : روحي انتِ انا ما بيه حيل
كعدت بصفها وحجيت بزعل
عقيق : جا ما اريد عبالي نروح انا وياج
ونار : اهوو عقيق مو وكت زعلاتج كومي نروح امري الله
طفرت اخذتها بحضني
عقيق : اي هيج من البدايه كومي يلا
ونار : انطي مجال خل ابدل ملابسي
عقيق : خوش انا هم اروح ابدل ملابسي
عفتها ورحت بدلت ملابسي ونزلت لكيتها منتظرتني بالباب لابسه بنطرون اسود وتشيرت اسود نص ردن ايدها مبينه متروسه وشم
عقيق : لو لابسه تشيرت كامل مو احسن
ونار : بطلت ما اروح
رادت تمشي لزمتها من ايدها
عقيق : اشاقه اشاقه اصلاً تخبلين بهذا بس امشي
جريتها وطلعنه تمشينه شوي ودخلنه البيت جدي لكينه البنات كاعدات بالمطبخ يسولفن عفت ايد ونار ودخلت
عقيق : شهل خيانه ولجن
ياقوت : ههههه اجيتي بوقتج تعاي الجاي حار
مشيت بوستهن وكعدت بصف ياقوت حجت ليار بحماس
ليار : صيحن بكيفجن محد موجود بالبيت كلها طالعه
ونار : شجون هم طالعه ؟
فايا : لا بغرفتها ما طالعه
دلمار : لاطشه بالبيت شيطلعها
اباوع على اختي صفنت شوي نوب حجت بهمس
ونار : عندي فكررره
ليار : شنو احجي
ونار : ماطول محد بالبيت بس شجون ليش ما نكتلها وندفنها بالبستان ولا من شاف ولا من درا هاا شدكولن ؟
أنت تقرأ
الهجين (سقوط الأقنعة )
General Fictionامرأة متعددة مُتجددة متفردة شاعِرة في المقام الأول مُلهمة ذات خفايا وخبايا وشأنٍ عالي مُمتزجة ما بين جنونٍ وفنون قارئة نهِمة امرأة تشعر برفقتها بأنكَ في حضرة قبيلة كاملة من النِساء
