رجعنا للبيت ونزلنا الغراض ووصلنا لباب البيت ولاگتنا حنان جان تگول هاي شنو غيث مشتري للفصلية هيه شنو وتشتريلها هيه خدامه وباوعت لغيث وجهه صار نار من العصبيه وضربها راشدي .
وگال الها بعد لتگولين فصلية هاي مرتي گدام الناس سسسسمعتي وعافها ودخل واندار عليه
گلي : الحكيني بعياط
من دخلت الغرفة وبديت ارتب الغراض شفت العلاگه الي جابها بالاخير وجان بيها البدلة الي گتله عليها حلوة وهنا طرت من الفرح وهو جان دا يدخل باقي الغراض وهو واگف بباب الغرفة وبدون وعي ركضت عليه وحضنته وگتله شكرا وبقيت حاضنته فترة اوف ياحضن الي احبه .
غيث جنت دا ادخل الغراض واجتي عليه نسرين حضنتني وحسيت گلبي راح يوگف وگلتلي شكرا ردت اگلها تتدللين ياعمري بس سكتت وحضنتها وبعد فترة سحبت روحها هيه وباوعت الها شفت وجهها احمر صار من الخجل فديت الي تخجل يابوياااية شگد احبها گمت ....
من ردت اطلع وصلت يم الباب انداريت عليها
گتلها :نسرين .
گالت :أمر ش....غيث .
ضحك وگلي: البدله تلبسيها اليوم بحنه البنات ومتطلعين بيها برة لان گوم زلم راح يجون واخوي حازم موجود .
گالت :تأمر غيث .
غيث بيني وبين نفسي فدوة اسمي يجنن بصوتها.
رحت طلعت برة يم الولد واجوي بنات عمي وعماتي وبناتهم والبيت انخبص خبص .
نسرين اجوي بنات عم الشيخ وخوات العريس وعمات الشيخ وبناتهم ....
وتعرفت عليهم گلهم وبنت عمته اسمها مروة جانت كلش حبابة وياية اجتي عليه للغرفة حطتلي مكياج ولبست البدلة طلعت كلش حلوة طلعت من غرفتي وردت اروح للصالة وشفت غيث خطف اويلي طالع يجنن انتبهت عليه باوعلي خجلت ودخلت ركض للصالة ....
غيث جنت دا احجي ويا امي الشيخه وشفت نسرين طلعت من غرفتها تريد تروح للصالة ولك يابة طالعة تجنن جنها ملاك ماشفت بحياتي بجمالها لابسه البدلة وطالعه عليها حصر اوف ياگلبي وفوكاها حاطه مكياج ردت اگلها بعيوني ياربي وين اضمها من العيون ترخصت من الشيخه وردت اطلع بس انداريت على الشيخه گتلها : يمه فدوة دير بالج على نسرين لا وحده تغثها ابتسمت الشيخه وگالتلي :بعيوني اشيلها .
نسرين دخلت للصالة اباوع الكل تباوع عليه وجانت بنت خالته لغيث گاعده وتباوعلي بغضب وحقد وغيرة واني هم مدرت بال الها گلت بنفسي خلي تولي ورحت گعدت يم مروة بنت عمته لغيث فدوة الها حبابة كلش وطيوبة وبقيت گاعده وهنا اجتي عمته گالتلي فدوة مرت غيث تجنن گومي ارگصي ويا البنات وجرتني وگمت ارگص ويا البنات والكل يباوعون عليه نسوان عمه لغيث وبناتهم وخالاته وبناتهم وكل الموجودين .
وهنا اجتي بنت خالته لغيث ودفعتي حيل وخلتني اوگع بالگاع والكل گاموا يضحكون بس عمته ومروة والشيخه ضاجو گلش وكامو يحجون عليها وهي تضحك عليه وتگلهم هيه ثولة هيه خدامه متعرف ترگص بس تعرف تخدم وهنا اني انقهرت گلش وطلعت من الصالة ابجي ورحت لغرفتي وماانتبهت منو گدامي ووگعت بحظن واحد بس مااعرف منو .....وهنااااا كانت المفاجأة من رفعت عيني شفت حازم بوجهي ووبعد لحظة من الصدمة دخل غيث وشافني بهل الموقف ....
بعدت عن حازم ورحت اركض لغرفتني وحسيت احد لحگني وجنت دا اريد اسد الباب وماحسيت الا والباب اندفرت بوجهي ووگعت بالگاع وشفت غيث عيونه تجدح نار من العصبية وجرني من شعري وسحلني سحل صعدني فوك لغرفته ودفعني على جربايته وبده يضربني ويصيح ليش جنتي حاضنة حازم واني بس ابجي ودموعي تصب ومااعرف شجاوبه ماانطاني مجال احجي ضل يضرب بيه وجر العگال مالته وضربني بي ورجع جر الحزام وضربني كل قوته وبعدين عافني بغرفته وطلع واني ابجي واون وحتى كمت انزف ووره شوية فقدت الوعي لان جنت گلشي ماماگله من الصبح لحد هسه ...
غيث اني طبيت فجأة للبيت شفت نسرين حاضنه حازم وتبجي من شافتني وخرت عن حازم وراحت تركض لغرفتها واني صرت نار وعيوني گامن يجدح نار متحملت گتله لحازم انتظرني حسابك بعدين ولحگتها وجريتها من شعرها وصعدتها فوگ وبديت اضربها اني اضربها وگلبي مثل نار عليها بس حاقد عليها بنفس الوگت وعفتها وطلعت من الغرفة وقفلت باب غرفتي ونزلت ......
وللحكاية بقية ....تابعوني حبايب وصوتولي اذا عجبتكم قصتي فديتكم
