طبت لغرفتي وبقيت ابجي ومكسور خاطري على هلي مع العلم اني جنت اعرف هلي وين راحوا لان ماردو يجيبون لبيت الشيخ گالولي يبنيتي احنا رايحين لبيت اختج لبغداد لان ابوي علاقته مو هلكد ببيت اخوانه من وره السنوان بقيت افكر وصافنة اخاف زوج اختي مايقبل باهلي لان هو غريب عنا وفجأة اندكت الباب گلت منو بصوت ناصي وسمعت صوت ام عدنان تگلي اني يمه فتحت الباب وهيه گالتلي يمه انتي صح فصليه واني مابدي شيء اسوي الج والشيخه تگول خلي الفصلية تساعدج بالمطبخ وتنظف البيت بس خلي تخلي بالها فوگ متصعد ابد يم غرفنا بس تنظف الطابق الجوة ومتختلط بأي شخص بالبيت لان هيه فصلية وابني اگتل بيد اخوها النذل وهي الكلمه دمرتني رغم انو هاي الحقيقة وفعلا طلعت ويا ام عدنان ورحت للمطبخ وبديت انظف وشفت المطبخ يرادله هواي شغلات وبالحقيقة اني جنت احلم يكون عندي بيت جبير واني ارتبه بيدي واخلي فدشي حلو كلش لان من جنت اروح لبغداد لبيت جدي اهل امي جنت اشوف بيوتهم والديكورات والتنظيف والشغلات الي تجنن بي وفعلا بلشت انظف واغير مكان الشغلات الي بي وهو المطبخ كلش جبير ووصيت ام عدنان توصي على شغلات يجيبوها من السوگ مثل بردات ومنظفات ومعطرات وحتى بخور وصيت وام عدنان وصت الولد الي يشتغلون ببيت الشيخ يجيبوهن وورة فترة جابوا الولد الشغلات الي ردتهن وبديت اغير البردات ونظفت الگاك بالمنظفت وشغلت بخور بحيث ريحته ملت البيت ولما خلصت جانت صايرة دنيا ليل وبديت اساعد ام عدنان بالعشى وسويت اكل اشكال والوان واني اكلي كلش طيب كلهم جانو يگلولي هيج وسويت برياني ودجاج شوي محشى صار الاكل ريحه ملت البيت ونسيت اكول الكم انو ماجان اي احد من بيت الشيخ يوصل المطبخ وردت اقدم الاكل بس ام عدنان ماقبلت گالت حتى لحد يشوفج انتي صبي واني احط السفرة واودي العشى الهم وفعلا رحت ام عدنان حط السفرة وبدت تودي المواعين مال الاكل وبيت الشيخ جانو كلهم ملتمين على السفرة وحازم اخو الشيخ الي گاعد ببغداد جان موجود علمود فاتحة اخو اجه من بغداد ومن شاف الاكل گالها هاي شنو ام عدنان اليوم اگلج حلو وريحته تجنن مبين طيب گالتله لا وليدي هاي الفصلية طبخته الكل بقوا صافنين ومو مصدكين شلون طفلة وهيج تطبخ طبخها مبين كلش طيب
الشيخ من گالت ام عدنان هذا طبخ الفصلية حسيت بگلبي رجف خصوصا اني شفتها الصبح شايله حسن مو طبيعي ......وللحكاية بقية فديت تصويتكم حبايب
