وكملت فاتحه بيت شيخ غيث واجه يوم الفصل وصارت الكعده واجوي هواي شيوخ تدخلوا بيها واتفقوا انو الفصل يكون بنت ابو علي وثاني شي بيت ابو علي بعد مالهم كعده بالقرية وانتهت الكعده ورجع ابو علي لبيته وبلغ مرتة بقرار الشيوخ وطبعا نسرين بقت بصدمه كلش جبيرة وبس تبجي وتلطم بس رضت بقرارهم ويوم الثاني كعد ابو علي ومرته وبنته من الفجر ونسرين حضرت ملابسها وبعدين اجوي عمامها وابوها وودوها لبيت شيخ غيث وطبت هيه وعمامها وابوها وجان بيت الشيخ كلش جبير ومرتب عكس بيت نسرين البسيط وبعدين اجه السيد وعقد الهم وهيه بقت منزلة راسها واصلا نسرين جانت متوقعه الشيخ جبير بالعمر وسنونة واگعه 😁 وشيخ غيث هم ماباوع الهه لان جان حاقد عليها بسبب اخوها وبعد ماخلص السيد عقد الهم راحو ابوها وعمامها وابوها ماكدر يوصي الشيخ عليها لان جان مدنگ راسه من ورة سوايت ابنه علي وطلع ابوها وعيونة كلهن حزن وحمر من البجي بس مابيده شي غير يسلم امره لله......
ونسرين بقت بالصالة تبجي ومدنگه راسها وهيه بعدها طفلة متعرف كلشي وبين صفنتها وبجيها سمعت صوت وراها يصيح عليها يگلها گومي يالفصليه جان صوت كله هيبة ورجولة ومن اندرات على الصوت هنا كانت المفاجئه ............
اتفاعلوا فديتكم حتى يصيرلي واهس اكمل تابعونا ببارت جديد
