THE BAD BOY | SMH

01. Game

-Play or be played.-

"Сун Мину бол үнэхээр халуухан залуу."

"Тэр нэг унтсан охинтойгоо дахиж унтдаггүй."

"Минуг нэг эмэгтэй хаяснаас хойш ийм болчихсон."

"Тэр бол зүгээр л нэг адал явдалд дурлагч."

Лекцийн танхимд ард суух охид ийн шивнэлдэх бөгөөд яагаад хүн бүрийн ярианы сэдэв Сун Мину гэх тэр залуу байдгийг нэг л ойлгохгүй юм. Тэр бол зүгээр л нэг хувцсаа тааруулж өмсчихдөг, сайхан сүрчиг цацдаг жирийн л нэг залуу  биш гэж үү? Яахав, түүний өөрийгөө авч яваа байдал арай өөр хэдий ч өдөр бүр яригдах хэмжээний нэгэн биш шүү дээ.

Профессор лекцийн танхимд орж ирснээр охидын яриа Сун Мину гэх төгсөх  курсын залуугаас шилжих нь тэр.

Би Сун Минуг танихгүй л дээ. Яахав, хааяа нэг сургууль дээр таардаг л юм. Өөртөө итгэлтэй гэгч нь дээгүүр харан алхах дэгжин залууг хараад үнэхээр сэтгэл татам юм гэдгийг нь өөрийн эрхгүй хүлээн зөвшөөрч орхидог. Түүнтэй биечлэн уулзаж ярилцаж байгаагүй ч бусдын ярианаас түүнийг ямархуу хүн болохыг амархан тодорхойлчихдог.

Тэр бол зүгээр л нэг юм юмыг сонирхсон, хааяа нэг гормоноо зохицуулчихдаг идэр насны залуу. Хүмүүс түүнийг клубд архи балгачихаад тамхи татан зогсох зуур бүхий л бүсгүйчүүд яг л гэрлэн дээр шавж байгаа дэнгийн эрвээхий адил тойрон хүрээлдэг гэж ярьдаг л юм. Үнэндээ тэр ч тэгж харагддаг.

Зүс мэдэх  залуугийн тухай бодлоо хаян молекул биологийн тухай лекцэндээ анхаарлаа хандууллаа. Шинжлэх ухаан гэдэг хэтэрхий ярвигтай салбар учир багахан сэрэмж алдахад л том зүйлээс  хоцрох аюултай.

----------------------

Лекц дууссаны дараа яг танхимаас гарах гэж байтал профессорын "Пак Хаын." гэх дуунаар түр азнан индэрийнхээ өмнө өөрийнхөө зүйлсийг цэгцлэн зогсч буй түүн дээр очлоо.