Intezaar

309 19 12

Uski khankhan karti churiyan kanon kai lie aik khoobsorat geet ki haisiat rakhti thin. Uski hasi aisi thi jese chaman main bahar agayi ho. Wo bolti toh aise lagta jese uske surkh honton se phool jhar rahe hain. Uski bari bari ankhein aur ghungriyaley baal uski soorat ko mazeed dilkash banatey. Aisi hi thi wo, hardilazeez Chammi.

Apne ghar key sadar darwaazey ke bahir tangey ki awaz suntey hi Wo dupatta shokh andaz mein lehratey huey, athkelian karte bhaagti hui ghar kai aangan main aa gayi aur satoon ke peeche chup gayi

Oops! This image does not follow our content guidelines. To continue publishing, please remove it or upload a different image.

Apne ghar key sadar darwaazey ke bahir tangey ki awaz suntey hi Wo dupatta shokh andaz mein lehratey huey, athkelian karte bhaagti hui ghar kai aangan main aa gayi aur satoon ke peeche chup gayi.

Dupatta munh mein dabaye, uski bari bari dilkash ankhein kisi ka intezar kar rahi thin. Har din woh us shakhs ke intezaar mein guzar deti jiske sath uski har saans juri thi, jisko wo hamesha se chahti thi aur hamesha chahti rahegi.

Woh they bhi aik dam munfarid, key har koi unko pasand karey. Wo dilkash awaz, wo bikhrey huey ghoonghreyale baal, wo dhaan paan sa aadmi, wo gehri ankhein keh dekhne wala kuch waqt ke lie uske sehar se bahir hi na ata. Aur jab wo apni dilfareb awaaz mein shayr kehta toh sun'ne wala mehv reh jata. Woh they Jameel Bahiya - Chammi ke sab kuch.

Aaj jameel bhaiya ko jang-e-aazadi mein gaye hue chaar maheenay poore hogaye they

Oops! This image does not follow our content guidelines. To continue publishing, please remove it or upload a different image.

Aaj jameel bhaiya ko jang-e-aazadi mein gaye hue chaar maheenay poore hogaye they. Apne pichle khat main unho ne is wada kia tha ke wo 4 maheeney baad chutti per ghar ayen gey aur Chammi toh tabse din gin rahi thi. Aj hi chaar maheenay poore huey aur wo subah sawere uth gayi, kyunke wo aney wale they.

Chacha jaan ne jab darwaaza khola, toh maalom hua key taanga barabar wale ghar ke bahir ruka tha. Unke walid amritsar se aye they. Chacha jaan ke chehray per mayoosi chaa gayi aur woh darwazay ko kundi laga kar aander aa gaye.

' Kya hua chacha jaan..' us ne pareshani se poocha.
' Nahi aya woh.' Chacha jaan ne mayoosi se kaha.
Uska dil muztarib hogaya, wo apne dupatte koh hathon se masalney lagi. Us se mazeed apne jazbaat per zabt na hua aur wo apne kamrey ki taraf bhaagi.

' Chammi, arey chammi

Oops! This image does not follow our content guidelines. To continue publishing, please remove it or upload a different image.

' Chammi, arey chammi.. kahan bhaagi ja rahi hai.'
Bari chachi ne peeche se awaaz de kar poocha magar wo koi jawab diye baghair bhaagti hui apne kamrey ki taraf chali gayi aur darwaaza ander se band karlia.

Wo apne bister per dharaam se aa giri aur uski ankhon se be ikhteyaar aansu behne lage. Aik aur din guzar gaya tha us insaan ka intezaar karte karte jo uske lie sab kuch tha. Wo poori duniya ko chor kar sirf uske paas jana chahti thi.. magar jati toh tab jab uski koi kher khabar hoti.

Akhir rote rote aur sochte sochte us ki soch aik nuktay per aa ker rukk gayi. ' Kya main dubara un se mil sakun gi, ya mera ye intezaar siraf intezaar hi reh jaye ga...'

A/N: I was excited to share this with you guys, please let me know if you liked it ❤️

Aangan One ShotsWhere stories live. Discover now