#الحلقة_الخامسة_والأربعون
#عشق_الفيروز
#بقلمي_ولاء_رفعت_علي
_ بداخل مكتب إياس بالمخفر ...
فيروز تبتلع غصتها بألم فقالت بنبرة مليئة بالألم : يعني أنا هترحل ع النيابة دلوقت؟؟؟؟!!!!
محمد الذي يجلس قبالتها أمام مكتب إياس زفر بحنق : يعني أي الي انت بتقولو ده ياإياس استحاله تتسجن ف تهمة معملتهاش .. اتصرف ياأخي
إياس بسأم : للأسف والله زي ماقولتلكو كده البنات الي معاها والست الي مشغلاهم معترفين غير الواد الي قبضنا عليه معاها عشان نثبت إنها متعرفهوش وأول مرة تشوفه.. لاقينا رقمها متسجل عنده في السجل ونفس الأمر عندها كان مكلمها كذا مرة
فيروز بعصبية : إزاااااي!!! ... انا الي كلمتني الزفته الي اسمها هناء و..
قاطعها إياس : هي الي كلمتك بس طلع الخط متسجل بأسمه ... ده غير انه عشان يخرج نفسه من القضيه شهد بأن دافع ليكي 400 جنيه مقدما ووصفهم انهم كانو عبارة عن 4 ورقات بمية ... ولما عملنا تفتيش للأحراز لقينا المبلغ ده فعلا ف شنطتك
محمد : سهل جدا هما يحطوها ف شنطتها مش محتاجه ذكاء يعني
إياس : يامحمد احنا ف شغلنتنا للأسف بتعتمد ع الأدلة والشهود والمصيبه الاتنين ضدها ده غير حالة التلبس الي اتقبض عليها فيها
فيروز : يعني هتسجن!!!! .... قالتها وعينيها تتسع خوفا
إياس : احم ... المفروض دلوقت تترحلو ع النيابة وهم هيقررو بس لو فضلو الأوباش دول ع شهادتهم للأسف كده هتتحول لمحاكمه وفيها حكم من سنة ل3 سنين.... والغير عادل ف قانون مكافحة الأداب أن الست هي الي بتتحبس لكن الراجل أو راغب المتعة بيبقي ف نظر القانون شاهد وبيدفع غرامه فقط ومبيتحكمش عليه وده الي خلي كتير من الرجالة بتعمل كده من غير ضابط أو رادع لكن نسيو أن ربنا الحكم العدل الراجل زي الست ف الجزاء والعقوبة
محمد بنبرة غاضبة : طيب كتر ألف خيرك ياصاحبي أنا هتصل بالمحامي وهخليه يروحلنا ع هناك وهو هيتصرف
تنهد بحنق : انت ليه محسسني أن أنا مش عايز اساعدها والله حاولت معاهم بس شكل مدفوع لهم فلوس كتير وانت طبعا عارفني أنا مليش ف جو التعذيب ده أخري أهدد وأشد بالكلام وبعمل الي يملاه عليا ضميري
كانت تبكي فقالت : خلاص يامحمد هو عمل الي عليه كتر ألف خيره انه وقف جمبي ع الأقل معملش زي صاحبه الي باعني
إياس بحزن شديد : فيروز والله العظيم لو بأيدي حاجه كنت متأخرتش عليكي بيها ياعالم ممكن وكيل النيابه يقدر يعرف الحقيقة و...
صاح محمد مقاطعا إياه : خلاص ياحضرة النقيب مش عملت الي عليك !! سيبلي أنا الباقي ... وياريت لو شوفت أو قابلت صقر بيه قولو ان شاء الله فيروز هنثبت براءتها وساعتها ينساها لأن الي ميصونش النعمة الي ف أيديه يبقي ميستهلهاش
أنت تقرأ
عشق الفيروز « مكتملة »
Romanceعندما تضحك لك الحياه وتفتح لك ذراعيها فاعلم مابعد ذلك ستقع في بحور الظلمات لأن لاشىء يدوم للنهاية ... ولكن مهما طال الظلم وطالت قسوة الدنيا فلابد من مجىء نور الحق بالنهاية ...بقلم : ولاء رفعت (?Loly Cat)...
