XVII

33.8K 1.1K 571
                                    

Chapter 17.

HINDI ko alam kung tama ba itong pinasok ko. Kung magiging real talk ako sa sarili ko, masasabi kong wala naman akong kasiguraduhan kung may nararamdaman ba talaga sa akin si Kenshin.

Oo, marinig ko siyang kausap si Duke nang sabihin niyang ayaw niyang masaktan ako pero hindi naman porket ayaw tayo masaktan ng isang tao ay mahal na nila tayo.

"Sabihin mo nga sa akin, Kenshin. Anong trip mo at may pa hotel ka pang nalalaman? Alam ba 'to ng dad mo?" Tanong ko.

Tahimik siyang nakaupo sa malaking kama. Narito kami sa isang premium suit sa Hongstar Hotel na pag-aari ng pamilya ni Drake. Akalain mo nga namang sineryoso niya iyong sinabi niya na mag hotel kami for one week!

"Hindi alam ni dad."

"O, paano kung magpatawag na naman 'yong dad mo ng soco, or kmjs o kung ano man para lang mahanap ka? Mahal na mahal ka kaya ng tatay mo."

Ngumisi siya. Kakaibang ngisi na hindi ko nakikita kapag inosente siya. So nasa wild side niya siya ngayon? Kailangan ko bang ihanda ang sarili ko? Baka hindi lang pahawak sa abs ang gawin niya! Baka pahawak banana na! Hindi ko kinakaya!

"We'll stay here for one week."

"Paano ang dad mo?"

Hindi ko alam kung anong level ang pagiging marupok ko pagdating sa lalaking ito.

"I'll tell him."

"Sasabihin mo na kasama mo a---"

"Business trip."

"Magsisinunhaling ka? Bakit hindi mo nalang sabihin na kasama mo ako sa hotel kasi hindi mo kayang mabuhay ng one week na hindi ako palaging kasama?"

"Assuming ka sa part na iyon, Frey."

Sinimangutan ko siya. Assuming na kung assuming pero ano ba kasi 'to? Bakit may pa hotel?!

Grabe pa man din ang pagtutol sa akin ng tatay niyang napakalalim magtagalog!

"Ano ba talagang dahilan mo? Bakit kailangan nating mag-stay dito sa hotel for one week? Seryoso ka?"

"Kailangan ba palaging may dahilan?"

Huminga ako ng malalim. "Oo naman, Kenshin! My gosh, lahat ng bagay may dahilan. Ano 'to, trip mo lang kaya isinama mo ako rito. At magsasama tayo sa hotel na 'to for one week dahil wala lang? Seriously?!"

"Bakit, iniisip mo ba na kaya gusto kong mag-stay tayo dito ng one week ay dahil gusto kitang makasama?"

Aray ha. Sanay naman akong masaktan pero nakakaloka e! Hindi ko na siya mabasa. Hindi ko na alam kung ano ba talaga ang trip niya sa buhay niya.

"Alam mong marupok ako, Kensh. I can do everything for you kasi sinabi ko naman 'diba? Gusto kita. Gustung gusto kita."

"I never said that I like you too, Frey."

"Alam ko! I know that you don't see me like how I see you. Tanggap ko naman na ako lang iyong nagpapakatanga sa iyo. Pero ayos lang! I don't mind being an idiot just to be with you."

Umiling siya. "Bakit kailangan mong magpakatanga sa isang tulad ko na wala namang nararamdaman para sa iyo, Frey?"

"So, don't tell me, ginusto mong magsama tayo dito para ipamukha sa akin na wala akong mapapala sa iyo? Na wala kang nararamdaman kahit tuldok lang para sa akin? Ganoon ba 'yon, Kensh?"

"No..."

"Then what? Ano ba talagang rason mo?!"

"Nothing in particular. Gusto ko lang."

TWO FACETahanan ng mga kuwento. Tumuklas ngayon