امي تريد تجي
دنيا : وين تجي
محمد : لبيتكم خطار متريدون خطار
دنيا : لا هلا بيها بس شنو مناسبه
محمد : من تجي تعرفين
دنيا : محمد دحجي زين شوكت تجي
محمد : انتي شعليج خليها مفاجئه
دنيا : محمد عفيه كلي
محمد : من تجي تعرفين
وره يومين تقريبا جتي خالتي ابتسام وياها حجيه ودخلو للاستقبال وجانو يسولفون
اني كلت منو هاي حجيه
خابرت رؤى كلتلي هاي ام محمد الصبح خابرت على امي وكايلتلها اريد دنيا لمحمد واريد اروح احجي ويه امها كلتلي بس الله عليج لدكولين لاحد امي تذبحني سوي نفسج متعرفين كتلها ماشي
اني سمعت ام محمد ركض صعدت بدلت عدلت شعري ومكياج خفيف ونزلت سلمت وهي امه ظلت تبوس بيه ودكول فدوه شون جمال اني طبعا بس ابتسامه وراها طلعت جبت ضيافه وهاي سوالف ومبقيت يمهم كلت خاف امه متحجي كدامي
صعدت فوك انتظر يمكن اقل ساعه شفتهم طلعت المره بس خالتي بعدها وشويه وخالتي راحت
نزلت لامي كتلها منو هاي الحجيه كالتلي معرفه قديمه متعرفيها
اني اباع على امي صفح اكول مممم دجذبين عليه
المهم بالليل سمعت امي دتحجي ويه ابويه دكله جاوي اليوم خطابه على دنيا ابويه كلها منين كلتله صديق احمد خطيب رؤى
كلها اي شنو وضعه امي كلتله هو عده مختبر ويشتغل بي خاص ماته
وامه دكول بيته وحد والعروسه اثاثه كله الي يعجبها ابويه كلها شكد عمره امي كلتله بكد ياسر كلتله بس هو منفصل عن مرته وعده طفل
اني لازمت كلبي لان اعرف ابويه ميقبل
ابويه كلها لامي انتي من كلتلج منفصل وعده طفل بوكتها كليلها ماعند بنات للزواج جابرني ازوج بنتي وحيدتي لواحد مزوج وفوكاها عده طفل امي كلتله هي كالت مجان اكو نصيب جانت بت عمته وابوه الي جبره عليها
ابويه كلها كليلهم ماكو نصيب عدنا
اني دموعي نزلت وصعدت لغرفتي بس ابجي ونهاريت مع العلم جنت اعرف ابويه ميقبل
خابرني محمد مجاوب لان جنت منهاره هديت وكلت ماكله ابويه رفض خلي امه من تخابر امي دكلها جاوبت بس اني صوتي اصلا مبين باجيه كلي شبيج كتله مابيه كلي ابوج رفض مو اني بس كلي هيج كمت ابجي بجي مصاير وهو ظل ساكت
وراها كلي لتبجين اني متوقع ابوج مينطي لواحد مطلك وعده طفل واني بس ابجي كلي لتبجين والله لو اظل العمر كله اخطبج لحد ماابوج يضوج مني ويكول دخذها لعبت نفس
لتبجين والله دموعج نار بصدري كتله شحنسوي هسه كلي نعوفه هسه داومي ثالث وكمليه بالعطله هم ادزها لامي
كتله بس امك خطيه شنو ذنبها هيج
كلي معليج باامي امي اصلا كلتلي يمه البنيه تخبل طول وجمال وادب وحيدتهم معقوله ابوها ينطيها الك هي تعرف اني احبج ولو انتي لو مازوج فكافي
وراها فتره بده دوامي وظليت ملتهيه قرايه ومحمد دايما ويايه يجيني دايما للكليه
وخلصت سنه بسرعه وجتي العطله و تقريبا قبل متنتهي العطله رد محمد دز امه وابويه هم مقبل عالزواج وظل مصر ميزوجني لواحد مزوج ومطلك
اني هاي فتره كلش تعبت بيها لان جنت ميته قهر محمد ظل يواسي بيه ويكلي اخذج اخذج واخلي ابوج يكوم يحبني اكثر منج
قبل متبدي سنه رابعه
محمد قرر يروح لابويه للشغل ويحجي وياه ويطلبني منه طبعا اني جنت رافضه الفكره كلش وخايفه من رد فعل ابويه
ابويه سائل محمد ليش انفصلت عن مرتك كايله ماكو نصيب واني اخذتها حتى ابويه لايزعل وبعد انفصلنا وهي هسه مزوجه
ابويه كله بنات هواي ليش الا دنيا
محمد كايله دنيا من اول مشفتها واخلاق ومن عائله شرف اي شخص ومن هالحجي
ابويه كله انت تحجي ويه دنيا كلي صراحه
محد ظل ساكت وكايله الصراحه احجي وياها ابويه كايله يعني هي هم تريدك كايله اي
ابويه كايله يصير خير ان شاءالله نسئل عليك وان شاءالله دنيا من نصيبك
طلع محمد من ابويه خابرني كلي ابوج وافق موافقه مبدئه عليه
اني من فرحه دموعي تجري اكله شون قنعته يكلي بالحجي قنعته
وظل يسئل عليه على اهلي ويردلي موافقه الاكيده
وره فتره اهلي سئلو على محمد وناس مدحت بي وبااهله
واجوي رياجيل قراءه الفاتحه وتلبسيه حلقات جانت اسعد ايام حياتي
وره مكملت كليه قررنا نزوج وسوينا عرس جان يخبل ومحمد جان طالع يخبل واكيد اني هم
وره العرس رحنا شهر عسل لتركيا صح لحد هسه ماعدنا اطفال بس النصيب لو دنيا كلها وكفت ضدكم وهو من نصيبج تاخذيه تاخذيه ولو دنيا كلها وافقت وهو مو نصيبج محتكملين وياه
فلاسوين شي ولازعلين لان لو هو من قسمتج ماكو احد يوكفه
أنت تقرأ
نصيبي
Romanceيلعب القدر الكثير من حياتنا ...... ابطال القصه حقيقين وعاشو هذه التفاصيل اتمنى ان تنال اعجابكم
