كلتله احبك وبالكوه تنسمع
مرت الايام وصار عرس رؤى وجنا مخبوصين كلش واجه يوم الحنه اني لابست فستان ماروني بسيط كلش بس مفتوح من الظهر وجوه الركبه ورحت ويه رؤى للصالون سويت شعري بس سشوار ومكياج عيون جره اي لاينر وحمره مارونيه بلون الفستان ورجعنا للبيت
محمد دكلي بس اني مكدرت اجاوبه ابد دزيتله مسج ( مكدر احجي هوسه يمه )
دز مسج ( ماشي حبي اذا فضيتي دكيلي )
وراها بدو الناس تجي لبيت خالتي وبدا الديجي وظلينا نركص ركص مال خبال وصراحه كل بنات خالتي حلوات طالعات
بالليل اجه احمد حنه رؤى وظل شويه اخذنا وياهم صور وركصناهم شويه
وره مخلصت الحنه جنا منتهين وتعبانين وراها كمنا بدلنا ونظفنا البيت تعاونا عليه كل مجموعه تنظف شي كملنا وبس خليت راسي نمت محسيت بس رؤى تكعدني دكلي كومي مظل وكت للصالون
كمزت لكيتها ساعه بثمانيه ونص كمت غسلت وبدلت وطلعنا للصالون وصلنا بدو برؤى حتى تكمل من وكت لان القاعه ساعه بالخمسه لازم احنا هناك
وراها اني سويت شعري كيرلي ورفعولي نصه ومكياج سولي كلش حلو
لابست فستان طويل لونه ذهبي وجتافه مفتوحه من فوك وبي ردن شفافه
وبي جاكه للفوك ركبه وجان راهم عليه كلش لان اني طويله ومبين صدري مرفوع وحتى مكبره للصدر
كملنا كلنا وراها اجه احمد اخذ رؤى وراحو للمصور واني والبنات اجه ياسر اخذنا للبيت
بين مصلنا ظلينا ناخذ صور ونركص وراها جتي رؤى مكملين تصوير وظلينا ناخذ صور وياها وشويه خالتي بجت وخلتنا كلتا نبجي وراها سمعنا صوت مزيقه وجهال يركضون يكلون اجوي اجوي
اني ركض جبت جنطتب وكفنا حتى بس يذلعون نطلع ركض للسيارات
فاتت الزفه وفات احمد وراه جماعته وظلو يكمزون ويركصون اني ظليت اباع داشوف محمد وياهم ملكيته كلت الحمدلله لان من بارحه يكلي دزيلي اشوف لابسج المهم طلعو الزفه من البيت اني طلعت ويه بنات خالتي ركبنا بسياره ياسر وخالاتي وامي بغير سياره ركبو وصلنا للقاعه نزلنا جوه وكعدنا وظلينا ننتظر دخول العرسان شويه وجتي خالتي كالت بنات كومو رؤى حتدخل وحد وكالو صديقاتها يمشن وراها طبعا ركض رحنا للغرفه شفت رؤى دتعدل بنفسه وصاحو احمد كلوله تعال ادخل وجماعته وراك
شويه وكلونه يله دور العروسه طبعا احنا لازمين سلات بيها ورد من تمشي العروس نطش عليها لحد متوصل للعريس يقدملها الباقه
فتنا طبعا الاغنيه جان حسين جسمي لا اله الا الله فتت واني بس اريد اشوف محمد لان مشفته حتى بطريق ملمحته ويه جماعته
دخلنا وجنا نمشي وره رؤى ونطش عليها ورد لحد موصلت لاحمد انطاها باقه الورد وباسها وراحو للكوشه احنا ظلينا واكفات نصفك ونهز اجتي بت خالتي كلتلي روحي كعدي حتنكتلين والله اليوم اني كتلها ليش كالت شوفي ذاك الكبالج شون مخنزر عليج
باوعت عزه لكيته محمد واكف وجهه ميكصه السيف
اني ابتسمتله هو ابد ظل مخنزر عليه
اني ظليت اركص ويه بنات خالتي ونردح عالخفيف
رؤى اشرتلي اروحلها فمشيت واني من امشي جاكه تنفتح ورجلي تبين
المهم صعدتلها للكوشه ظليت اعدل بطرحه مالتها وراها التافيت لكيت محمد صاعد للكوشه ديسلم على احمد ويبوس بي وسلم على رؤى وندار عليه وكدام احمد ورؤى
أنت تقرأ
نصيبي
Romanceيلعب القدر الكثير من حياتنا ...... ابطال القصه حقيقين وعاشو هذه التفاصيل اتمنى ان تنال اعجابكم
